ممنوع تعيش ........ يستحق القراءة

[الاء]

قالولك اسكت ما تحكيش


انت خلقت للتلطيش

للحواجز للمعابر للتفتيش

كتبوا علي جبينك ينداس

من الضابط للشاويش

فلسطيني قالولك ممنوع تعيش

فلسطيني ممنوع تثور

و مش مسموح تكون مقهور

اياك تطالب بحقك

اوعك بيوم تشوف النور


***





ممنوع تجدد هويه





ممنوع تجدد بسبور


فلسطيني و بدك تتعلم

هاي الشغله ضد الدستور

فلسطيني لازم تتألم

من دون ما يشوفك دكتور

فلسطيني ممنوع تتظلم

و لا يطلع بجناحك ريش

فلسطيني ممنوع تعيش

***





فلسطيني بكل المطارات


اسمك بالاحمر مكتوب

و على شباك مصلحه الجوازات

كتبوا علي جبينك مطلوب

لازم تتوقف ساعات

مذنب او مندون ذنوب

و يتوجه الك اتهامات

انك سبب كل الحروب

كأنو بسببك الحق مات

و العدل بارضك مسلوب

و كأنك سبب النكسات

و كل ازمات الشعوب

و كأنو بسببك مجرم فات

على جنين بلحظه الغروب


و دبح صبيان و بنات

و عجز على امرها مغلوب

***

مع انو الحقيقه

انا الي بالدنيا ضحيه

عملتوني ماده للغنى

و قضية للي ما عندو قضيه

انا الي راسي ما إنحنى

بوجه الريح القويه

انا الي شعبي صمد

في الضفه و بالرشيديه

انا الي شعبي انتفض

و بحجر حارب دوريه

و اليوم و بكره و للابد


عنا كلمه وحده هي

فلسطينية وافتخر

[محمود]

والله تستحق القراءة ..

هذا حالنا والصمود صابرنا ..

حياك الله على هذه الكلمات العطرة ..

دمت برعاية الخالق ..

[**بيسا مشاكل **]

يااااااااا الله شو حلوه
انا الي شعبي صمد

في الضفه و بالرشيديه

انا الي شعبي انتفض

و بحجر حارب دوريه

و اليوم و بكره و للابد


عنا كلمه وحده هي

فلسطينية وافتخر
يسلموووووووووووو كتير كتير روعه
يعتيكي العافيه الاء

[الاء]

شكرا كتيــــــــــــــــــــــــــــــــ ــــــــر الكم على ردودكم الحلوة
تقبلو تحياتى الخاصة

[عازفة الاحزان]

فلسطينيه ومنرفع الراس والي ما بيعجبوا ينداس
فلسطينيه وعيونا تقدح شرار ضد الحجار
جد تستحق نحنا ممنوع نعيش بس غصب عنهم بدنا نعيش
يعطيك العافيعه انت وقلمك
تحياتي وتقديري لك