ممنوع تعيش ........ يستحق القراءة
 

قالولك اسكت ما تحكيش


انت خلقت للتلطيش

للحواجز للمعابر للتفتيش

كتبوا علي جبينك ينداس

من الضابط للشاويش

فلسطيني قالولك ممنوع تعيش

فلسطيني ممنوع تثور

و مش مسموح تكون مقهور

اياك تطالب بحقك

اوعك بيوم تشوف النور


***





ممنوع تجدد هويه





ممنوع تجدد بسبور


فلسطيني و بدك تتعلم

هاي الشغله ضد الدستور

فلسطيني لازم تتألم

من دون ما يشوفك دكتور

فلسطيني ممنوع تتظلم

و لا يطلع بجناحك ريش

فلسطيني ممنوع تعيش

***





فلسطيني بكل المطارات


اسمك بالاحمر مكتوب

و على شباك مصلحه الجوازات

كتبوا علي جبينك مطلوب

لازم تتوقف ساعات

مذنب او مندون ذنوب

و يتوجه الك اتهامات

انك سبب كل الحروب

كأنو بسببك الحق مات

و العدل بارضك مسلوب

و كأنك سبب النكسات

و كل ازمات الشعوب

و كأنو بسببك مجرم فات

على جنين بلحظه الغروب


و دبح صبيان و بنات

و عجز على امرها مغلوب

***

مع انو الحقيقه

انا الي بالدنيا ضحيه

عملتوني ماده للغنى

و قضية للي ما عندو قضيه

انا الي راسي ما إنحنى

بوجه الريح القويه

انا الي شعبي صمد

في الضفه و بالرشيديه

انا الي شعبي انتفض

و بحجر حارب دوريه

و اليوم و بكره و للابد


عنا كلمه وحده هي

فلسطينية وافتخر

رد: ممنوع تعيش ........ يستحق القراءة
 

رد: ممنوع تعيش ........ يستحق القراءة
 

رد: ممنوع تعيش ........ يستحق القراءة
 

شكرا كتيــــــــــــــــــــــــــــــــ ــــــــر الكم على ردودكم الحلوة
تقبلو تحياتى الخاصة

رد: ممنوع تعيش ........ يستحق القراءة
 

فلسطينيه ومنرفع الراس والي ما بيعجبوا ينداس
فلسطينيه وعيونا تقدح شرار ضد الحجار
جد تستحق نحنا ممنوع نعيش بس غصب عنهم بدنا نعيش
يعطيك العافيعه انت وقلمك
تحياتي وتقديري لك