:::عيد الام:::ايش رايكم فيه ::ارجو من الجميع المشاركه.

[المسلمممه]

بسم الله الرحمن الرحيم

قال الرسول صلى الله عليه وسلم ((لتتبعن سنن من كان قبلكم حذو القذه بالقذه.حتى لو دخلوا جحر ضب لدخلتموه ))


ما رأيكم بعيد الام .والحب .والميلاد؟؟ وارجو التصويت والاجابه بمصداقيه ؟وذكر السبب

لنتناقش سويا.....

[جيفارا*نابلس]

ممكن اختي المسلمه

في كثير اشياء لا نعترف بها

ولكن يوم الام شيء جميل

مع اننا نكرم امهاتنا يوميا

ولكن لماذا لانجعل يوما للتكريم يكون مميزا لا انسانه مميزه

[حورية الحريّة]

انا ضد هاد العيد تماما
العيد تم اختراعو من الغرب و الأجانب و ليش يا ترى؟ لأنو الأجانب متل ما هو معروف مفرقين و مساكين و بشفوش بعض الا في الأعياد و المناسبات و أحيانا و الأم بتموت و هي مش شايفة ابنها لسنين
بس في الاسلام المسلمين أروع من هيك و أحلا...في شي اسمو بر الوالدين يعني بكل يوم عيد أم و بكل يوم انت أحسن مع امك من اليوم الي قبله ......هيك حياة المسلم
لأحسن ما بابا يزعل...........هههه...كل يوم لازم نكون أحسن للأب و الأم لأنهم عناصر رئيسية بحياة كل انسان تطبيقا لفرض بر الوالدين
يسلمو

[المسلمممه]

المشاركة الأصلية كتبت بواسطة جيفارا*نابلس ممكن اختي المسلمه

في كثير اشياء لا نعترف بها

ولكن يوم الام شيء جميل

مع اننا نكرم امهاتنا يوميا

ولكن لماذا لانجعل يوما للتكريم يكون مميزا لا انسانه مميزه

طب يا عبد الصمد اذا مش غلطانه ..انت جوابك مش منطقي تعرف ليش ..

لعده اسباب اهمها ...انو المحبه مالها وقت محدد او اسبوع محدد .مستحيل ..وبعدين الدين الاسلامي كفى ووفى .والله امرنا ببر الوالدين .وبر الوالدين مفتاح لدخول الجنه وكرم الله سبحانه وتعالى الام في الاسلام .

وبعدين ياعبد ..يعني حبكت في عيد الام نعطيها هديه ..!!! ماعندنا اعياد كثيره عيد الفطر اعطيها احلى هديه عندك وعيد الاضحى .او في اي يوم من الايام ..يعني لازم نروح نتشبه بالاقوام التانيه ..؟ لا .لازم نكون النا شخصيتنا اللي من خلالها الناس يحترمونا ويقلدونا .ومن خلا لها ينتشر الدين الاسلامي.ولا انا غلطانه.

.

[المسلمممه]

المشاركة الأصلية كتبت بواسطة حورية الحريّة انا ضد هاد العيد تماما
العيد تم اختراعو من الغرب و الأجانب و ليش يا ترى؟ لأنو الأجانب متل ما هو معروف مفرقين و مساكين و بشفوش بعض الا في الأعياد و المناسبات و أحيانا و الأم بتموت و هي مش شايفة ابنها لسنين
بس في الاسلام المسلمين أروع من هيك و أحلا...في شي اسمو بر الوالدين يعني بكل يوم عيد أم و بكل يوم انت أحسن مع امك من اليوم الي قبله ......هيك حياة المسلم
لأحسن ما بابا يزعل...........هههه...كل يوم لازم نكون أحسن للأب و الأم لأنهم عناصر رئيسية بحياة كل انسان تطبيقا لفرض بر الوالدين
يسلمو

ماشاء الله كلام حوريه الحريه .100% ....

مشكوره حوريه عالمرور والتصويت..

[ابنة الشتات]

أول شي شكرا كتير لأنو عجبني الموضوع

تاني شي رح كون واقعية مع نفسي ومعك كمان


دار هاد النقاش بيني وبانت الصف

ففي وحدة قالت احنا مسلمين ما النا الا الأضحى و الفطر
أشرتلها انو كتير حلو رأيك

فقامت قالت بس النا ايام كتير
((ضحكنا ))


فهاد هو الواقع عيدين و ايام كتير
...................................


بس عن حالي

يعني مكا بحتفل متلا بعيد الأم بس بحكيلها كل عام وانتي بخير

وهالمورة قلت لماما التالي::

((( ما أنا ما بؤمن بعيد الأم ولا الحب و لا غيرة بس...... كل عام وانتي بخير))

بالتالي رح أصوت للتاني لأنو أقرب

وشكرا

[المسلمممه]

طب ياابنه الشتات نشكرك عالصراحه . .والتصويت .

بس عندي سؤال وياليت تجاوبيني عليه بصراحه ياابنه الشتات ..انت بالايام العاديه عمرك قلت لامك .افف.او عصبت بوجهها او نهرتيها.؟؟بصراحه.

[لانيا]

انا رايي يااختى مثل راي اخي جيفارا

فعلا حلو ايكون في يوم من السنه

انكرم ونحتفل ب هاي الأم اللعظيمه

لانوا لو كنا صادقين مع انفسنا (احنا في الأيام العاديه ما بنفتكر انقدم لأمنا هيده)

فعلا دائما ابنحترمها وابنسمعها احلى الكلمات وابندعيلها الحمد الله

بس ما ابنتذكر نهديها اشي او انحسسها انها مميزه


بارك الله فيكي يا المسلمممه على مثل هاي السوال

[جيفارا*نابلس]

اكيد تحليلك اخت مسلممه جيد

ولكن انتي عندما تضعي اي خيار لا تتيحي اي مجال لمرور طبيعه حياه تمر بسرعه نحيا بها اليوم

فمثلا انا كثير بسافر واحيانا الاعياد الاسلاميه ما بحضرها مع اهلي

فليش مثلا بهاد اليوم ما اقول لامي كل عام وانتا بخير

ولا تنسي انه مو عيد الام اسمه اسمه يوم المراه العالمي

اكيد انا ضد الانحراف والانزلاق خلف التيارات الغربيه

ولكن واقعنا اليوم اصبح يفرض علينا السير في التيار

ولشدة اعتدالنا لا نخطلت بتفرعات التياره التي ربما تكون قاتله

ففي النهايه اختي العزيزه

انا لا احبذ احياء راس السنه وما الى ذلك من اعياد

اما يوم الام فهو يوم نجتمع فيه اغلبنه واني اراه ايجابيا

فمن منا لا يعاني في بيته خلافات بين الاشقاء

فقد رايت ان هذا اليوم يجمعنا مهما كان بيننا من خلافات

ويمسح ماقبله

شكرا الك

وايضا شكرا على مناداتي بأسمي الحقيقي

[ابنة الشتات]

المشاركة الأصلية كتبت بواسطة المسلمممه طب ياابنه الشتات نشكرك عالصراحه . .والتصويت .

بس عندي سؤال وياليت تجاوبيني عليه بصراحه ياابنه الشتات ..انت بالايام العاديه عمرك قلت لامك .افف.او عصبت بوجهها او نهرتيها.؟؟بصراحه.

مش عارفة لوين بدك توصلي

بس جوابي نعم

مع الأسف بس الإعتراف بالذنب فضيله