ليش هيك يا بنات ؟؟؟؟

[هلــون]

ابو النور .. كشفناك .. هههههههه

والله يا قسامي الي بدو يتجوز يكون أد الجيزة ..

يعني شو رايك ييجينا عريس كامل بس ما معو يصرف علينا ؟؟

شو استفدنا ؟؟

يعني بالعقل الواحد لازم يحسبها لا يكون مليونير ولا يكون ولا شي ..

وبعدين متل ما قالت قمر .. هاي قاليد والاهل الي بحددوا ..

وكل ما قبل العريس بمهر اكتر .. كل ما كان شاريها :)

يسلمو ..

[لولو اليبناوية]

اكيد اخي قسامي...
الناس الي بزودو المهور...
همة طماعين وشجعين..
نظرتهم سطحية تافهة...
وبدهم فلوس ..
لا بدهم يسترو على بناتهم ولا شي...
اهم شي انو الزوج يكون بخاف الله...
وماشالله مؤيد كفى ووفى...
بس الله يرضى عليك... خلي كلام العجوز المخرفنة هاي على جنب *__^
يسلمو الك قسامي.... مواضيعك النقاشية خطييرة .. :)

[Twin]

اسمعووو بدي احكي شي بس ...............

والله لو هيي بدها اياه لو ايش لو عخبزه وزعتر للتجوزووو .. ولو كانوو الاهل مناح وكويسن يعني بيراعوو ظروووف الشب .. قسامي توكل عالله وروح اخطب ... ههههه لالا بجد بدي اروح اسال ماما واجي اجاوب .. ههههه تسلم قسامي والله موضوعك كتير مهم .. راجعه ارد استناني ..

[مؤيد]

الله يجوزك يا قسامي ، ولك وين رحت ، ما تفرح ،،،،،،،،،، ويجوزني أنا كمان

ومن شروطي تكوني متحمسة " مؤيدة " ، بس ما تكون عضوة ، بلاش بعدين تفجر حالها ، ههههههه

يلا يا توين عم بنتظر الإجابة

[قسامي غزة]

المشاركة الأصلية كتبت بواسطة قمر الخليل هههههههههههههههههههه

ولك بابا بهمو الزلمة ههههههههههه وطبعا انو يكون قادر انو يعيشني مرتاحة

ويارب ايكون متغير على زمانك
ههههههههههههههههههههه

يسلمو لموضوعك الحلو يسلمو قسامي

ههههههههههههه
ادعيلي يا قمر يكونوا البنات رخصوا لما اتزوج يعني انا مفكر كلها سنتين وبتزوج يعني مش مطول كتير لاني كمان شهر بخلص الجامعة وبعدها بنشتغل وبنصير ندور علي بنت الحلال
الله يسلمك يا قمر

[قسامي غزة]

المشاركة الأصلية كتبت بواسطة نجمة الغروب مهما الاهل بدهم يامنو مستقبل بناتهم
بس انا مش مع المهر الغالى
انو يكون الشب محترم وابن ناس ومتعلم واخلاق
اهم من كل المصارى والمهر والهبل هدا

لانو لازم يراعوا ظروف الناس
لانهم كمان عارفين الوضع عنا

مش كويس

يس شو يساو البنات اذا اهاليهم الى بتحط المهر مش هما

يعنى احكى ليش هيك
يارجال




تحياتى
Cc3300

طيب كويس انك موافقاني الراي يا نجمة
انا عارف انوا البنات ما الهم دخل بالموضوع بس انا حبيت احط العنوان هيك
اكيد لازم يراعوا ظروف الناس
يا رب لما اروح اخطب الاقي الاهل من الي براعوا ظروف الناس
مشكورة يا نجمة علي مرورك

[قسامي غزة]

المشاركة الأصلية كتبت بواسطة شمس العروبة انا اسفة على المداخلة لانى مش فلسطينية بس متهيالى ان الموضوع عام

قسامى عاوزة بس ارد على كلامك يعنى هو مش معنى ان البنات زى مابتحكى اكتر من الهم على القلب ان البنت تفرط فى حقوقها من مهر ومؤخر الخ ....

ان من راى انها تتخلل فى بيت اهلها احسن

لكن طبعا هو المفروض عدم المغالاة فى هذة الامور ومراعاة ظروف الشباب فى دة بيكون معاك حق
لان برضو عندنا فى مصر الشباب اقل بكتير سبحان اللة من البنات وكمان ظروفهم صعبة جدا

وربنا يعين قسامى

مشكوور على طرحك للموضوع

اول شئ ما تتاسفي علي المداخلة لان الموضوع للجميع ومش للفلسطينة بس
يا اختي انا ما حكيت انها تفرط في حقها وهو المهر انا حكيت تقليل المهر فقط لان الحال صعب جدا علي الكل وبهاد الوقت ليش الغلاء هدا ما هو تفريط هدا مساعدة للشباب علي الزواج وتحصين انفسهم بالحلال طبعا
ومشكورة يا اختي علي تعليقك
نورتينا

[قسامي غزة]

المشاركة الأصلية كتبت بواسطة مؤيد موضوع كان نفسي أطرحه من زمان
سبقتني يا قسامي ، بسيطة سابك بعدين

المهم ، فعلا ً هاي مشلكة كبيرة ، وما بخبي عليكم إنو أنا بفكر كتير بهذه الشغلة لإنو أنا قربت أتخرج كلها شهرين بس ، وبعدها إنشاء الله بذهب لسوق العمل أو بكمل ماجستير مش عارف .

طبعا ً المهور هذه الأيام مصيبة كبرى في المبالغة فيها ، وفعلا ًمتل ما قالت قمر الأهل إلهم الدور الأكبر في الشروط ، ولازم نعمل على التغيير ..

صراحة لسا في الخليل المهور أعلى مهور في كل فلسطين ، مش عارف من وين هالعادة ، ويا مصيبتي ومصيبة حظي إني خليلي ، الله يعيني لأتزوج ..

وأقول إنو المبالغة في المهر ، له آثار تدميرية للمجتمع قد لا نشعر بها إلا بعد فوات الأوان ، وهيها بلشت هذه الآثار السلبية الخطيرة تنتشر ، وبدأ الحرام يزيداد والعلاقات الغير المشروعة بين أبناء المسلمين تأخذ في الإزدياد نتيجة عزوف الشباب عن الزواج وتأخرهم به ..

وأقول للأهالي اللذين يبالغون في المهر ، أقول لهم اتقوا الله في أبناء المسلمين ..

قال رسول الله صلى الله عليه وسلم : " من جائكم ترضون دينه وخلقه فزوجوه ، إن لم تفعلوا تكن فتنة في الأرض وفساد عريض " ........

وهي احنا شايفين الفساد في الأخلاق بين الأمة الإسلامية ، وطبعا ً اليهود والغرب يهدفون لضربا لمجتمع الإسلامي وتدمير أخلاقه ، لإنو كما قال العرب قديما ً :

إنما الأمم الأخلاق ما بقيت ، فإذا ذهبت أخلاقهم ، ذهبوا ..

يعني الأمة الي ما عندها أخلاق لن تدون ولن يكون لها عزة وحضارة

وأسأل البنات ، من تختارون :
1- رجل ميسور الحال ، تعيشين معه طول العمر حياة هادئة مستقرة .؟؟
2 رجل غني ، لا يحتقق لك إلا المظاهر الخادعة أمام الناس ، وتكون الحياة بينكما جحيم ومشاكل ؟؟؟

أنا من جهتي أدعو الله ، أن يعطيني السعادة والصحة والمعافاة في الدنيا ، وأستغني عن كل أموال الأرض ..

وما فائدة شخص غني ، ولا سعادة بينهما الزوجين ؟؟؟؟؟؟؟؟

يسلمو قسامي غزة على موضوعك الهام

وليش ما طرحته من زمان يا فالح
مشكور علي مرورك
ولا تعليق علي كلامك

[قسامي غزة]

المشاركة الأصلية كتبت بواسطة abu-nour لا تعليق
انا لمن أفكر انى اتزوج بقللكم
لاني بدي اتزوج وحده من هالمنتدى الكريم ...
ولو كان المهر 10000 دينار انا حكون مستعد
انا رصيدي في البنك لحتى الان 2000 دينار
انا كنت اخذ مصروفي وانا صغير والعيدية وما اعمل فيها شي اخبيهم اخبيهم واهلى ياخذوهم ويحطوهم بالبنك لمن صارو 2000 دينار . ^_^ الي بدو يتزوج يحوش من هالقيت ....

هاد انتي يا اخي مكنز فلوس
هههههههههههههههه

الله يوفقك
من وين نحوش احنا بهاي الظروف بس نلاقي نصرف علي حالنا خليها علي الله

[نور اليقين]

انا عن نفسي شايفة ان ساعات
لما المهر بيغلى
الاهل بيكونو كانهم بيتاجرو ببنتهم
و ساعات تانية
بيكون من معزتهم ليها و عايزين يضمنو ان العريس شاريها و قادر يعيشها كويسة
و ده هيختبروه من المهر اللي هيدفعو
بس فيه بنات من الجيل بتتجوز بمهور رمزية
و بتيجي تندم بعدين
عشان ده اول تنازل ليها في حياتها الجديدة كزوجة
و اللي يتنازل مرة يبقى بيفتح بوابة تنازلات
و هيتحمل مسؤوليتها لوحدها
فانا مع كون المهر يكون مش رمزي بس عقلاني على حسب امكانيات العريس