ليش هيك يا بنات ؟؟؟؟

[قسامي غزة]

السلام عليكم
هيني جيت الكم بموضوع جديد واتمني منكم التفاعل
الموضوع هو باختصار بحكي عن المهر مهر البنت يعني
احنا الكل بيعرف الوضع الاقتصادي الصعب في فلسطين وانوا الي بتزوج بحمد الله لانوا الوضع صعب وما في شغل والي بشتغل ما بيصدق يلاقي شغل
ولما الشب يروح يتقدم لخطبة بنت اول كلمة المهر 2500 دينار طبعا غير المتاخر والشبكة ومش عارف شو
انا مش عارف لشو كل هاد الغلاء في المهور انا في رايي انوا لازك الكل يعذر بعض ويقللوا المهر شوية
لان الكل بعرف الظروف ولازم نعذر بعض
وقال الرسول صلي الله عليه وسلم (اقلهن مهرنا اكثرهن بركة )
وانا برايي انوا المحبة والاحترام بين الزوجين ما بكون بالفلوس يعني الي بكون بكره مرتوا وبدو يطلقها لو كان المتاخر 10 الاف دينار بطلقها لانوا المصاري عمرها ما اسعدت شخص ولا بتخليه مبسوط
مع العلم انوا البنات في فلسطين اكثر من الشباب لانوا شباب كثير استشهدوا وصار معدل البنات في العدد اكتر من الشباب
فحقيت الاباء يراعوا هاي الشغلة والي يزوج بنته يحمد الله
لشو بدو بخليها عنده بدو يعملها مخلل

ويلا يا جماعة بدي اسمع رايكم بهاد الموضوع

(هيني حذفت المثل الي كنت حاطه مشا البنات يرتاحوا )

[قمر الخليل]

والله يا قسامي موضوع جدا جدا مهم

بس بحب الفت نظرك لشغلة معينة

اول شي احنا لازم انخاطب عقول الاهالي مش عقول البنات

يعني البنت ما الها دخل الاهل همي الي بحددو

صح انو الاسعار زادت وانو الدنيا صار بدها زيادة مصاري بس مش معناتو انهم يعجزو الشب

لانو هيك رح يقل الزواج ورح يضطر الشب غصبن عنو انو يغلط

وهيك احنا بنخالف تماما تعاليم رسولنا الكريم الي حث الاشباب على الزواج بدري لو بقدرو طبعا

هادا من جهة

من جهة تانية الاهل بحبو يأمنو مستقبل بنتهم بس في بعضهم بتحججو وبزودوها كتير كتير كأنو بنتهم سلعة بتنباع

لكن بالمقابل في ناس بهمهم الزلمة ما بهمهم المصاري مادام هوي مأمن بيت لبنتهم وبشتغل شغل منيح وزملة محترم وبخاف الله خلص كلشي ما بهم لا مصاريه ولا المهر الغالي

وانا من جهتي بهمني الزلمة يكون متدين وبخاف الله وطبعا بصلي واكيد طبعا كل البنات هيك بتتمنى

ويسلمو قسامي لمواضيعك الواقعية ومشاركاتك المتميزة فعلا

[قسامي غزة]

المشاركة الأصلية كتبت بواسطة قمر الخليل والله يا قسامي موضوع جدا جدا مهم

بس بحب الفت نظرك لشغلة معينة

اول شي احنا لازم انخاطب عقول الاهالي مش عقول البنات

يعني البنت ما الها دخل الاهل همي الي بحددو

صح انو الاسعار زادت وانو الدنيا صار بدها زيادة مصاري بس مش معناتو انهم يعجزو الشب

لانو هيك رح يقل الزواج ورح يضطر الشب غصبن عنو انو يغلط

وهيك احنا بنخالف تماما تعاليم رسولنا الكريم الي حث الاشباب على الزواج بدري لو بقدرو طبعا

هادا من جهة

من جهة تانية الاهل بحبو يأمنو مستقبل بنتهم بس في بعضهم بتحججو وبزودوها كتير كتير كأنو بنتهم سلعة بتنباع

لكن بالمقابل في ناس بهمهم الزلمة ما بهمهم المصاري مادام هوي مأمن بيت لبنتهم وبشتغل شغل منيح وزملة محترم وبخاف الله خلص كلشي ما بهم لا مصاريه ولا المهر الغالي

وانا من جهتي بهمني الزلمة يكون متدين وبخاف الله وطبعا بصلي واكيد طبعا كل البنات هيك بتتمنى

ويسلمو قسامي لمواضيعك الواقعية ومشاركاتك المتميزة فعلا

انا معك بكل كلمة حكتيها يا قمر وكلامك صحيح جدا وانا عارف انوا البنت م الها اي دخل بتحديد المهر بس انا تعمدت اضع هذا العنوان
وصحيح الرسول صلي الله عليه وسلم حكي( من استطاع منكم البائة فليتزوج )
بس في كتير من الاهل ما بقدروا هاد الشئ والشب يا حرام بينتكب وهوا بجمع في المصاري
وانا حكيت نقطة بس ما علقتي عليها انوا احنا عندنا نسبة البنات اكتر من الشباب بكتير
فلازم الاهل يقدروا هاد الشي ويزوجوا بناتهم باقل سعر من هاد واكيد الزواج الناتج ليست المصاري الي بتحددوا او بتخليه ناجح او فاشل
يلا يا قمر قولي لابوكي انوا يقلل مهرة لما ييجي حد يخطبك
ومشكورة علي اضافاتك
ويا رب لما اروح اخطب يكون متغير هاد النظام ويكون المهر اقل من هيك

[قمر الخليل]

هههههههههههههههههههه

ولك بابا بهمو الزلمة ههههههههههه وطبعا انو يكون قادر انو يعيشني مرتاحة

ويارب ايكون متغير على زمانك
ههههههههههههههههههههه

يسلمو لموضوعك الحلو يسلمو قسامي

[نجمة الغروب]

مهما الاهل بدهم يامنو مستقبل بناتهم
بس انا مش مع المهر الغالى
انو يكون الشب محترم وابن ناس ومتعلم واخلاق
اهم من كل المصارى والمهر والهبل هدا

لانو لازم يراعوا ظروف الناس
لانهم كمان عارفين الوضع عنا

مش كويس

يس شو يساو البنات اذا اهاليهم الى بتحط المهر مش هما

يعنى احكى ليش هيك
يارجال




تحياتى
Cc3300

[شمس العروبة]

انا اسفة على المداخلة لانى مش فلسطينية بس متهيالى ان الموضوع عام

قسامى عاوزة بس ارد على كلامك يعنى هو مش معنى ان البنات زى مابتحكى اكتر من الهم على القلب ان البنت تفرط فى حقوقها من مهر ومؤخر الخ ....

ان من راى انها تتخلل فى بيت اهلها احسن

لكن طبعا هو المفروض عدم المغالاة فى هذة الامور ومراعاة ظروف الشباب فى دة بيكون معاك حق
لان برضو عندنا فى مصر الشباب اقل بكتير سبحان اللة من البنات وكمان ظروفهم صعبة جدا

وربنا يعين قسامى

مشكوور على طرحك للموضوع

[مؤيد]

موضوع كان نفسي أطرحه من زمان
سبقتني يا قسامي ، بسيطة سابك بعدين

المهم ، فعلا ً هاي مشلكة كبيرة ، وما بخبي عليكم إنو أنا بفكر كتير بهذه الشغلة لإنو أنا قربت أتخرج كلها شهرين بس ، وبعدها إنشاء الله بذهب لسوق العمل أو بكمل ماجستير مش عارف .

طبعا ً المهور هذه الأيام مصيبة كبرى في المبالغة فيها ، وفعلا ًمتل ما قالت قمر الأهل إلهم الدور الأكبر في الشروط ، ولازم نعمل على التغيير ..

صراحة لسا في الخليل المهور أعلى مهور في كل فلسطين ، مش عارف من وين هالعادة ، ويا مصيبتي ومصيبة حظي إني خليلي ، الله يعيني لأتزوج ..

وأقول إنو المبالغة في المهر ، له آثار تدميرية للمجتمع قد لا نشعر بها إلا بعد فوات الأوان ، وهيها بلشت هذه الآثار السلبية الخطيرة تنتشر ، وبدأ الحرام يزيداد والعلاقات الغير المشروعة بين أبناء المسلمين تأخذ في الإزدياد نتيجة عزوف الشباب عن الزواج وتأخرهم به ..

وأقول للأهالي اللذين يبالغون في المهر ، أقول لهم اتقوا الله في أبناء المسلمين ..

قال رسول الله صلى الله عليه وسلم : " من جائكم ترضون دينه وخلقه فزوجوه ، إن لم تفعلوا تكن فتنة في الأرض وفساد عريض " ........

وهي احنا شايفين الفساد في الأخلاق بين الأمة الإسلامية ، وطبعا ً اليهود والغرب يهدفون لضربا لمجتمع الإسلامي وتدمير أخلاقه ، لإنو كما قال العرب قديما ً :

إنما الأمم الأخلاق ما بقيت ، فإذا ذهبت أخلاقهم ، ذهبوا ..

يعني الأمة الي ما عندها أخلاق لن تدون ولن يكون لها عزة وحضارة

وأسأل البنات ، من تختارون :
1- رجل ميسور الحال ، تعيشين معه طول العمر حياة هادئة مستقرة .؟؟
2 رجل غني ، لا يحتقق لك إلا المظاهر الخادعة أمام الناس ، وتكون الحياة بينكما جحيم ومشاكل ؟؟؟

أنا من جهتي أدعو الله ، أن يعطيني السعادة والصحة والمعافاة في الدنيا ، وأستغني عن كل أموال الأرض ..

وما فائدة شخص غني ، ولا سعادة بينهما الزوجين ؟؟؟؟؟؟؟؟

يسلمو قسامي غزة على موضوعك الهام

[قمر الخليل]

اها مؤيد وانا كمان من كلامك

طبعا الخيار الاول

بعدين يا مؤيد وقت ما تيجي تخطب انا بروح بخطبلك

ههههههههههههههههه ساعتها الاهل على طول رح يوافقو

لا جد هادي الشغلة لازم المرشدين الي بالمجتمع يعملو على تثقيف الاهالي مش بس البنات والشباب

[احلى رورو]

انا مش راح احكي رايي بالموضوع مباشرة

بس راح اعلق على اكم من شغله مش اكتر

( البنات زي الهم علي القلب )

هادا كلام غلط واكبر من غلط

ليش احنا زي الهم عالقلب

؟؟؟؟

هادا الكلام بقولو الجاهلين بس مش اكتر

وانا كتير بسمعهاااااا للاسف وكتير ناس بقولوها

وماخدينها على انها قوول شائع بين الناس

بقوولوو الجنة تحت اقدام الامهاات

الام مدرسة اذا اعددتها اعدت شعبا طيب الاعراااق

يعني خطا هادا الفهم ولولا المراة لغيرر ما ازدهر المجتمع وصار الاجيال وغيرة

تاني تعليق

1- رجل ميسور الحال ، تعيشين معه طول العمر حياة هادئة مستقرة .؟؟
2 رجل غني ، لا يحتقق لك إلا المظاهر الخادعة أمام الناس ، وتكون الحياة بينكما جحيم ومشاكل ؟؟؟

طبعا الاول فالاول فالاول

الماال باي لحظة بروح والمال مش كل الدنياااا

الواحد بدو يتجوز التاني عشان مصارية يا ويلي خربت الدنيا ازا هييك

فأنا مع الاول

وبس كمان تعليق زغير انو الاهل لازم يراعو الاوضاع ولو شوي خصوصا مع اوضاع فلسطين

اوضاع زي العمى لازم نراعي الشباب هاي الايام

مع انو للاسف في ناس بستغلو البنت عشان مهرهااا

يعني بغلو بالمهر اد ما يقدروو طبعا هادا طمع


وفي احاديث كتير بتحكي عن المهر





قال الرسول صلي الله عليه وسلم (اقلهن مهرنا اكثرهن بركة )

ومشكووور ^_^

[مؤيد]

صراحة أنا بلاحظ شغلة ........

بعض الأهالي عشان بنتهم بتكون حلوة ، فبغلوا المهر وبحطوا شروط تعجيزية ....... مش عارف شو هي الشغلة مزاد ، كل ما كانت أحلى سعرها أغلى !!!!!!!!!!

وصدقوني عايشت قصة عنا في الجامعة ، ما تزوجها إلا واحد مليونير ، عشانها حلوة قال ...

وأحلى رورو شكرا لإلنك جاوبتي على تساؤلاتي