| الإهداءات |
|
|||||||
|
|
أدوات الموضوع | انواع عرض الموضوع |
10-17-2011, 03:57 AM
|
#11 | |||||
|
I ♥ PALESTINE
قوة السمعة: 95
  |
رد: هل الدين ضد الرومانسية والعشق ؟؟!! سؤال بسيط
المشاركة الأصلية كتبت بواسطة دموع الغربة واشواق العودة مع انو هالتفكير بحد زاتو غلط!! مش غلط اننا نحب او حتى نعبر بطريئة صح ممم بالنسبة للأغنية او النشيد فأنا كتير بحبها وما حاسيتها غلط تتصنف "اسلامية" لأنو هادا هدفها الأساسي لأنها متل ما حكا الكل للزوجة يعني علائة حلال بس معمولة بإطار "الدارج" عشان الناس تتئبلها،، لأنو انا وحدة من الناس ما بسمع اناشيد الا بالصدفة مش منشان شي بس هيك ما بحب! بس هاي سمعتها، فلو انا من النوع اللي بتأسر بالكلمات فرح اتأسر بهاي وغيرها من اناشيد حتى لو احسن مش حسمع وما حتأسر،، يعني هاي في امل الكل يسمعها،، بعدين حتى ازا حدا اعترض وحكا مش اسلامية اصلو فيها موسيئى وتصوير و و و،، طيب مش بالآخر وصلت لنفس هدف الاناشيد؟؟ وصلت المعلومة المطلوبة؟ فليش نرفضها؟؟ هاي اولا، تانيا معلش بدي ارد ع كم مشاركة استفزوني
المشاركة الأصلية كتبت بواسطة حسام المصرى مش حيوصلي الفكرة هاي، اما ماهر زين سمعتها لأنها غير عن الاناشيد يعني وصلت للكل اللي بسمع اناشيد واللي ما بسمع، واصة الكلمات فهاي بحسها بتختلف من شخص للتاني انو انت بتشوف هالجملة احسن من هاي غيرك لأ، وانا ما بعرف بس بحس التعبير بالانجليزي بعطي المعنى او بوصل الحكي والاحساس احسن، ورجاءا ما حدا يدخلني بنقاش لغة القرآن لأنو حتكونو فهمتو كلامي غلط (:
المشاركة الأصلية كتبت بواسطة حسام المصرى ههههههههههههههههههههه
المشاركة الأصلية كتبت بواسطة عازفة الاحزان انو احترنا يا أرعة، انتو بتحرمو الكلمات ولا اللحن؟؟ من الآخر؟!! ازا الكلمات فالأغاني اللي كلماتها مش مزبوطة اخلاقيا بتنعد ع الاصابع البائي كلام حب ما فيو إلة ادب او او، فـ عنجد شو هالهبل! والله عازفة الأحزان انا ما بئهرني الا هالحركة، انو هيك طلعو فاهمين الدين بالاخر؟؟؟ xd
المشاركة الأصلية كتبت بواسطة shorooq مع العلم انو يكون العرس مختلط وبنات وشباب يئومو يرئصو، بس شو تزكرو الدين عند كلمات الاغنية!! ماشي الأغاني الي فيها حلف بغير الله او كلماتها مش مزبوطة هدول بس اللي في داعي مسلا تتغير الكلمات بس مش اي اغنية لأنو لسه عم نحكي الحب بالدين مش حرام! ليه بناقض حالنا؟! بنئول حلال بس لما تكون كلمات اغنية بنئول انها حرام لمجرد انها تحت مسمى اغنية مش نشيد؟؟
المشاركة الأصلية كتبت بواسطة shorooq او كلمات مش منيحة.. شو الفرء؟؟ بعدين انا سمعت حديث بس والله ما حافزيتو نصاَ بس بمعنى انو الموسيئى الحرام اللي هي بتأسر بالواحد وبتخليه يتمايل ويطرب لها، بمعنى آخر اللي بتشدك لتؤمي ترئصي او بتنئلك لحالة تانية من الهيمان وما بعرف شو، هادا اللي حرام بس طبعا انا ما بفتي بهيك امور، متل ما حكا اسد (اسرعكم فتوى اسرعكم دخولا للنار) بس انا بئول اللي بعرفو، ومتل ما حكيت دموع، الموسيئى مش موضوعنا بس حبيت اعلئ لأنو بصراحة النقاش مستفز وكل واحد بيفتي من عندو من دون حتى ما يراجع الاحاديث هاي صحيحة ولا حتى ضعيفة! يعطيكو العافية واسمحولي (: |
|||||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري