القرآن بصوت الفنانين والفنانات || نقاش ||

[PaLeSt!Ne SouL]

بينما الانسان الملتزم

الي ما بيسمع اغاني ..

أكيد مش رح يتأثر باللي انتي حكيتيه بل العكس

الاناشيد رح تزيدو بعد عن فساقة الأغاني ..

و الله يا دموع نا شايفة كله بالعكس

يعني ما مر علي انو انسان بيضل متل ما هو

الشيطان بيجري من الإنسان مجرى الدم هالشي ممكن يكون مدخل من مداخل الشيطان

و الافضل نبعد عنه

لكن لو الواحد مامن مكر الشيطان و ما بظن حد ييامنله يسمع

[عبد الصمد الراوي]

السلام عليكم ..


هذا التافه ان دل دل على سداجته .. والمرحلة الي واصلها من الهبوط

أما هناك مغنين برزوا وانشدوا لم يقولوا انهم تابوا او من هذا القبيل بسفقط قدموا انشودة يعبرون فيها يجوز عن حبهم للنبي .. أو من هذا القبيل


ما اعرف شكتب .. يمكن موجودة انشودة لحمادة هلال عن النبي حلوة حيل يمكن تكونوا سامعيها .. وفي خواطر يمكن طلعوا حوار مع حمادة هلال لكن لاننكر ما قدمه من الاغاني الهابطة في المقابل ..


أما عن القرآن الكريم .. فهناك يمكن حسين الجسمي وغيرهم وكما قلت ننحن لسنا بحاجة للصوت بقدر ما نحن بحاجة لمن هو كفء حتى يجوده ..


فنحن بغنى عنهم فهناك الغامدي والسديس والشريم وعبد الباسط وغيرهم وغيرهم الذين وفوا الي عليهم وقدموا للقرآن اعذب الاصوات ..

[قاهر الصعاب]

انا معارض لفكرة ان نسمع القران الكريم او الاناشيد من مغني ماجن وهذا استخفاف بنا

يعني بنشر الفساد والرذيلة وثاني يوم ييجي يبكي على مصائب الامة العربية ؟ على مين بيضحك ؟

[.. ليآل ~]

ممممممم

بتصور أول شي مافي مغني بيملك الجرأه انو يسجل القرآن الكريم وينزلوا على السوق بإسمو

لأنو التسجيلات المباعه إلها شروط

يعني مش مين ماهب ودب بيئدر يسجل ويوزع

وأي تسجيل بتكونوا سامعيونوا بيكون تسجيل خارجي

::

بالنسبه للموضوع ،، انا بشوف انو من حق أي مسلم انو يقرأ القرآن

كــآئن من كــآان

مغني سارق زاني مرتشي

ماحدا بيملك الحق انو يمنع حدا مسلم عن كتاب الله

وسبحان الله ،، ممكن كلمه تكون سبب في هداية

انا شخصياً بشوف انو لازم الإنسان يخلي الباب بينو وبين ربو موارب

موارب يعني مفتوح شوي ^^

ئد مايكون الإنسان مش منيح وبيعمل البدع ،، مايئطع بينو وبين الله كل الخيوط

بعدين نحنا مابنعرف كيف ربنا عز وجل بيحكم الامور

ممكن يئبل القرآن منهم ويفرح فيهم ،،

والله مابعرف ،، ومن قال لآ أعرف فقد أفتى [:

بس في النهاية ،، انا مش ضد إنهم يقرأوا ،، ولا ضد إني أسمعوا إزا كان الي بيقرأ عارف احكام القرءه

لكني ضد (وبشده) تسجيلو وبيعوا

القرآن للتفكر مش للإتجار

::

قضيه شائكه اخي ابو محمد

بحيك على طرحها

[~][وحيدة القمر][~]

الأغنية بنقدر نوصفها بالهبوط .. إذا .. كان فيها وصف الخمور والمجون والكفر بكلامهم ..هل أغانيهم بينطبق عليها هالكلام؟ أنا عم بحكي عن البعض.. لأنه في مطربين إي يتجاوزون الحدود ..

فهل يجوز لنا أن نسمع هؤلاء المحاربين لله ورسوله

مش من حقنا نحكم عليهم هيك .. من أعطانا الحق؟! هم أمرهم إلى الله إن شاااااء عذبهم وإن شاااااء عفى عنهم

من قال لا اله الا الله خالصا من قلبه دخل الجنه .. يمكن يكون أحدهم قالها من قلبه بلحظة ندم شديـــــد بينه وبين الله .. ويمكن كتار ما وصلوا لهاللحظة لأنه باعتقادهم إنهم كتير كويسين دينياً وما في شي مانعهم من دخول الجنة !

عم أقول يمكن لأنه الإحتمال وارد .. وما دام هناك احتمالا عجزنا عن الجزم بالحكم الثابت أو اليقيني..

أنا ما عم أهنّيهم وأشجعهم على الغناء لا أبدا .. أنا عم وجّه الكلام إلنا كملتزمون .. إنه لا يحق لنا أن نحكم عليهم هيك بكل بساطة .. أو نقول انهم أعداء الله ورسوله

هيدا بالنسبة للحكم عليهم

...

فسؤالي هوا هل يجوز نسمع لهذا المغني لما يغنس إسلامي

يجوز .. بالنهاية هم لسّى على الدين الإسلامي ما انحرفوا لغيره .. أمتلك لهم مقاطع قرآنية بصوتهم ولا مانع من ذلك .. لكن ما بشعر بالطمأنينة لما اسمع لهم (يعني مش متل لما أسمع لمقرئ ملتزم) .. لأنه بيضل في بالي إنه مطرب وإنه ظاهرا عصى الله بغنائه .. لكن باطناً ما بعرف ..

ومن منّا لم يعص ِ الله؟ مع ذلك يحق لنا قراءة القرآن ولا نُمنع من ذلك

رح تقولوا إنه مجاهر بالمعصية .. طيب .. سؤال!

الاستغابة مش معصية على الملأ؟ وغيرها كتير ..

يمكن تلاقي واحد من عامة الناس .. قدامك بقرأ قرآن

بينما ممكن يكون واقع بذنب كبير ..

وانتي تحكي عليه مؤمـن .. وانتي مش عارفه شو في بقلبه

هذه كلمة دموع الرحيل .. أضم صوتي إلى صوتها

...

لازم نكون عادلين ونرى الموضوع من جميع جوانبه مش من منظار واحد .. أنا دايما بقول الموضوع مثل المكعب له عمق وجوانب .. مش مربع يعني مش أمر سطحي

...

بس أهـــــــــــم شي إنه المطرب بعد ما ينزل أناشيد على الأسواق أو آيات قرآنية بصوته .. لازم ينتبه أكتر شو بدو يغني يعني ما ينزل مستواه الغنائي .. لأنه حمّل نفسه مسؤوليه بقراءته للقرآن

وأنا عم بقول هيك مش تشجيعا لهم على إكمال مسيرتهم الفنية لا .. بس اللي حصل إنه في مطرب أنشد وبعدها أنزل أغنية مش كويسة الله يسامحه ويهديه .. وقتها من غيظي منه مسحت كل الأناشيد اللي عندي بصوته .. يعني عيب بعد ما سمعنا القرآن بصوتك تعمل هيك .. مش حلوة بحقنا نحنا كمسلمين ..

والله تعالى أعلم وأعز وأكرم

[اسد 22]

اما ايمان وامابلا ايمان

اما ايمان وكفر فلا يجتمعان


ولذلك يجب تجنبهم

ولا نستمع لهم


حتى يعودوا إلى الله سبحانه

فالمنكر منكر

والمعروف معروف


فالمؤمنين لا يوالون الذين تعدوا حدود الله وافسدوا شباب الأمة


احذر الناس منهم

فهم سحرة سحروا الناس حتى اصبحوا بكل سهولة يتأثرون بهم


حتى انهم اصبحت مشاعرهم ميتة




فتنقسم البشرية إلى حزبين حزب الله وحزب الشيطان

فإما ان يكون الفرد واقف تحت حزب الله فهو واقف في راية الحق واما إن وقف تحت حزب الشيطان فهو


يقف تحت راية الباطل



فاعلم من تخالل فالمرء يكوم على مرء دينه

فالمنكر هو كل ما يراه العقل قبيحاً ويجب انكاره


حتى إن كره بعض الناس

فالله اعلم وهو الموفق وولي المؤمنين

[قسامي غزة]

المشاركة الأصلية كتبت بواسطة أبومجاهد

الســـلام عليــكم ،،،

على عجالة علشان بدي اطلع ع الجامعة ومتـــأخر

بس بدي اضع بين ايديكم مقطع رفعتو ع اليوتيوب قبل فترة

وهو للشيخ الحبيب مصطفى حســني ،،،

يتكلم في دقائق معدودة عن هذه القضــية

http://www.youtube.com/watch?v=3uzbt8_nuja

عليكم السلام
هلا حج بلال
بصراحة كلام هالشيخ في منو
بس مش مقياش علي كل المغنيين
ياراجل شي بيستفز الواحد
واحد بيغني عن الحب والمسخرة
وتاني يوم بيغني عن الرسول
هوا لو كان بيحترم الرسول كان غني اغاني وبعدين غني الوا
كل القصة هدفها الشهرة
وأنا مش في نفوسهم
بس أفعالهم هيك بتقول
مشكورة عمرورك

[عاشقة فلسطين..]

موضوع فعلآ جميل
لي عودة للنقااش..

[قسامي غزة]

المشاركة الأصلية كتبت بواسطة .:.!دموع الرحيل!.:. هلآ يآ قسآمـي ..

هـو فعلآ أمر محيّر .. ومن حقنا وشي جميل أنه نغآر

على ديننآ ..

بس أميل ميل كبير لكلام

الأستآذ مصطفى حسني ..

مش نحن الي نحآسب النآس ..

بالعكـس خلينا نشدهم لهيك أعمآل ..

ونشجعهم على القيـام فيها ..

والله أعلم ،،

هلا أبو محمد

هلا دموع
كلامك صحيح أختي إحنا ما بنحاسب الناس
بس مش معني هيك إنوا نأيدهم بغلطهم
فنانيين بيكونوا مسخرة ببعض الكليبات
وبعد فترة بنزل كليب للرسول
إحنا بنقدر نفرّق بينهم
وإحنا لو نشرنا أعمالهم بيكون بنأيدهم وبنشجعهم وبيزيدوا في منكرهم بزيادة
بالنهاية بنحترم رأيك

[قسامي غزة]

المشاركة الأصلية كتبت بواسطة فارس الوطن مغنيين هدوول !

قال الله ( ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين)

المفسرين فسروها .. انها ع الغناء


مغنيين ..ناس بيقرأو مش فاهمينو ..


لو كانوا فاهمينو ..كانوا تابوا وأصلحوا


مش بالصوت الشغلة ..

بضلوا مغنيين ..

قال ابن عباس ..حب الكتاب وحب ألحان الغنا .. في قلب عبد ليس يجتمعان


واحد بغني وبفسد بقلوب الناس ..وبيجي يعمل انو تقي .. مش داخلة راسي ..زي كأنو واحد ما بصلى الفرائض ..وبحكي انا

ما بصلي بس بقيم الليل .... امم ما تركب


الله يهديهم ..

كلام 100 %
هذول مفسدين في الأرض
كيف بدنا نأيدهم
والله يهديهم
نورت بمرورك أخي