القرآن بصوت الفنانين والفنانات || نقاش ||

[قسامي غزة]

السلام عليكم ورحمة الله وبركاته

اليوم راح أطرح قضية للنقاش محيراني كتير
وحابب أسمع رأيكم فيها

قبل فترة سمعنا خبر إنوا الفنان وائل جسار تاب الي الله
وبطل يغنتي أغاني هابطة وكل أغانيه إسلامية
وكلكم سمع الأغنية الي عملها اسمها في حضرة المحبوب
وقد لاقت رواجاً كبيراً
وقبل يومين وأنا أشاهد التلفزيون شدّني خبر عن هذا المغني
وكان عبارة عن لقاء معوا
وتفاجأت إنوا بيقول إنوا بيحضر لألبوم جديد ولكن أغاني هابطة
وهوا غني الأغنية الإسلامية من باب الشهرة والنجاح
مش زي ما سمعنا انوا تاب الي الله
فسؤالي هوا هل يجوز نسمع لهذا المغني لما يغنس إسلامي
وكمان في كتير فنانيين القران يكون بصوتهم
مثل أم كلثوم ويوجد القران الكريم بصوت كاظم الساهر
فهل يجوز لنا أن نسمع هؤلاء المحاربين لله ورسوله
وهل كل ما نريده من القرآن هو الصوت الجميل
وليس مهم أن نعلم من هو صاحب هذا الصوت هل هو مغني أو شيخ

موضوع يحتاج منا لمناقشة ومعرفة آرائكم

[فلسطينيه والراس مرفوع]

أخي قسـآمي غـــزة

موضوع كان نفسي بنفتح من زمااان

لأنو فعلا هالقضية صارت تعملّي نرفزة غير شكــل . .

بكون الواحد فيهم مش مخلّي حرآم الا ومرتكبهـ .. ولا زغيري ولا كبيري الا وعاملها

وبدو يغني للإسلام ولا يقرأ القرآن ,, !

شغلـة بتحيـر وبتقهر كمااان ..

اللي بدو ينصر الإسلام ولا يتوب عنجد مش بهاي الطريقـــة..

عنا ناس بتقرأ وأحلى من صوتهم بستين مرة :)

بس لو يتوبو بجد ويبطلو يجرو هالأمة ورآهم وورآ اغانيهم وفســآدهم ممكن نهضمها وقتهـــآ ..

ويتقبل الله منهم قرآتهم ..

أما الواحد فيهم ييجي يروج لحالو ويحكي بدي اعتزل ويغنيلو اغنية دينية .. والكل يصير يشيد فيه وتنتشر اغنيته وهالشعبية والحــآلة ..

وبعدها يرجع زي ما كـــان

مش حكي هــآد .. !

فسؤالي هوا هل يجوز نسمع لهذا المغني لما يغنس إسلامي

بدون فلسفة .. ولا حتى بحب أفتي انا هه
بس بتوقع انو فعلا حرآم .. لأنو انشودة عن أشنودة دينية بتفرق ..

وهل كل ما نريده من القرآن هو الصوت الجميل
وليس مهم أن نعلم من هو صاحب هذا الصوت هل هو مغني أو شيخ

لأ طبعـــآ ,, ع الأقل اللي بكون يقرى قرآن .. يكون عارف معانيه وفاهمها وعامل فيهــآ

مش بسمّع تسميــــع ..

ولو بدك اياها من وجهة نظر اسلامية .. اللي قال انو لازم نفهم القرآن ونعمل فيه

قبل ما يوقل انو لازم نرتلتــه ونجوّدهـ .. ..

تقبـّل رأيي المتواضع خيوووو

[لالا-فلسطين 48]

سلاااااااام


هيك انا بكون اول المشاركين.....

القضية غريبة وبتخطرتش عالبال انه يتناقش فيها...... فكان طرحها كتييييييير حلو بالنسبة لالي....



اول اشي، انا غير متابعة للفن واهله من يوم ما بلشت دراسة... بس هاد لا يعني اني بحرم سماعها، ومن فترة غير قصيرة حسيت انه صارت عندي نقلة نوعية وهي اني مرحش اشغل هيك اغاني!!


صرت اهتم اني افتش عالاغاني الوطنية، وبعد ما احتكيت بالمنتدى اكتر شفت قديش كمان الاناشيد المحافظة المتوفرة هون حلوة وراقية وصرت كتيير استحليها!!!!!

وخصوصا اللي بحطها ابو مجاهد بالتواقيع.. فمن هون بحكيلكو يعطيكو العافية وكمان انت قسامي مجهودك كبير بهالمجال.


ولاني غير متابعة لاشي اسمه "فن" باختلاف انواعه.. فلما كنت اشوف بالمنتدى عناون موضوع انه في اغنية لوائل جسار، كنت احكي شو جابه هاد هون ماهو كل اغانيه غير دينية..... ففكرت انه القصة بس تشابه اسماء..



اما بالنسبة للب النقاش....

فأنا شخصيا بشوف انه صوت انسان مين ما كان بتهمنيش تفاصيله اعجبني، سواء كان في ترتيل القرآن او اناشيد اسلامية، بترددش اني اضل اسمعلو.....


تفاصيله الشخصية بتهمنيش، مع اني مرات ببدي حب استطلاع بهالشغلات...

نظريتي تعتمد على اساس انه احنا اقل من انه نيجي نحاسب انسان ايا كان ونحكم ازا مناسب اله يغني هيك اغنية او لع......

مين احنا لنحدد ازا الاشي يصلح او لع....

مش يمكن تكون بداية رجوع الانسان الى خالقه بهذه الطريقة...


بس بحب اشير انه في القضية نفسها في تناقض بنظرتي لالهم...


من جهة بحكي خلي الانسان بلكي تاب وانهدى... وبنبسط كتير من هيك اخبار.. وكمان انه قد ما يعمل معاصي بضل يعرف طريق الخير (الاشي بشبه قضية اللي بصلي وبقطش واللي بصليش من مرة)

بس من جهة تانية بحس باستياء (بالزات بحالة ام كلتوم اللي بلشت ترتل قرآن ولما اكتشفت حلاوة صوتها اتجهت عالغناء!!!!!).. انو ولو تقربت كل هالقد من الدين ومغدرش الاشي يردعها عن طريق الابتعاد عن الدين......

فكتير الاشي بضايفني وبعكرني داخليا!!!!!!!



بس بالاخر ما بشوف انه غلط او كارثة اسمع اشي ديني من فنان بغني اغاني "خلع"....... وكمان مرة مع اني بكتير حالات بستثقلها وبحس فيها تناقض بس لا يمنع اني اسمعلو طالما انه الصوت اعجبني!!!!!!


ابو محمد..

موضوعك عالوجع قبل اكمن يوم كنت اتناقشت انا وصاحباتي كيف في انه عنا صبايا بالكلية سلوكهن وكمان مظهرن يوحي بالسلبيات... الا انه تفاجأت لما شفتهن رايحات يصلين...

انا كان موقفي الامتعاض انه يا الله شو هالتناقض، طيب ازا مش من ناحية مظهر عالاقل السلوك والتصرفات تكون مقبولة... بينما صاحبتي كان موقفها انه يعجبن ويشنعن ويصلين ولا ينسين انه في اشي اسمه الله.. لعله تكون باب هدايتهن!!!!!


يعطيك العافية...


تحياتي..
لالا-فلسطين 48.

[أبومجاهد]

الســـلام عليــكم ،،،

على عجالة علشان بدي اطلع ع الجامعة ومتـــأخر

بس بدي اضع بين ايديكم مقطع رفعتو ع اليوتيوب قبل فترة

وهو للشيخ الحبيب مصطفى حســني ،،،

يتكلم في دقائق معدودة عن هذه القضــية

http://www.youtube.com/watch?v=3UZBt8_nUJA

[.:.!دموع الرحيل!.:.]

هلآ يآ قسآمـي ..

هـو فعلآ أمر محيّر .. ومن حقنا وشي جميل أنه نغآر

على ديننآ ..

بس أميل ميل كبير لكلام

الأستآذ مصطفى حسني ..

مش نحن الي نحآسب النآس ..

بالعكـس خلينا نشدهم لهيك أعمآل ..

ونشجعهم على القيـام فيها ..

والله أعلم ،،

هلا أبو محمد

[.:.!دموع الرحيل!.:.]

هلآ يآ قسآمـي ..

هـو فعلآ أمر محيّر .. ومن حقنا وشي جميل أنه نغآر

على ديننآ ..

بس أميل ميل كبير لكلام

الأستآذ مصطفى حسني ..

مش نحن الي نحآسب النآس ..

بالعكـس خلينا نشدهم لهيك أعمآل ..

ونشجعهم على القيـام فيها ..

والله أعلم ،،

هلا أبو محمد

[فارس الوطن]

مغنيين هدوول !

قال الله ( ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين)

المفسرين فسروها .. انها ع الغناء


مغنيين ..ناس بيقرأو مش فاهمينو ..


لو كانوا فاهمينو ..كانوا تابوا وأصلحوا


مش بالصوت الشغلة ..

بضلوا مغنيين ..

قال ابن عباس ..حب الكتاب وحب ألحان الغنا .. في قلب عبد ليس يجتمعان


واحد بغني وبفسد بقلوب الناس ..وبيجي يعمل انو تقي .. مش داخلة راسي ..زي كأنو واحد ما بصلى الفرائض ..وبحكي انا

ما بصلي بس بقيم الليل .... امم ما تركب


الله يهديهم ..

[أمل]

المشاركة الأصلية كتبت بواسطة فارس الوطن مغنيين هدوول !

قال الله ( ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين)

المفسرين فسروها .. انها ع الغناء


مغنيين ..ناس بيقرأو مش فاهمينو ..


لو كانوا فاهمينو ..كانوا تابوا وأصلحوا


مش بالصوت الشغلة ..

بضلوا مغنيين ..

قال ابن عباس ..حب الكتاب وحب ألحان الغنا .. في قلب عبد ليس يجتمعان


واحد بغني وبفسد بقلوب الناس ..وبيجي يعمل انو تقي .. مش داخلة راسي ..زي كأنو واحد ما بصلى الفرائض ..وبكي انا

ما بصلي بس بقيم الليل .... امم ما تركب


الله يهديهم ..

كلام الأخ فارس بالنسبة الي تمام

و المصيبة أن هناك من يحاول التبرير بحديث ليس منا من لم يتغنى بالقرآن

اليوم صار الدين فهم هوى

كل واحد بدو يفسرو على هواه

أنا لما شفت قبل موضوع توبة وائل جسار قلت الحمد لله خير

بس بنفس اليوم و انا بتابع الاخبار المحلية شفت انو جاي لعنا يقيم حفل هو إليسا

الله يصلح الحال بس

أما بالنسبة لكلام الأستاذ مصطفى حسني الذي أحترمه كثيرا..

ففي حلقته تلك الخاصة عن الاغاني و الادلة التي استحضرها حقيقة صعقت لما جاء به،،

حتى التفسيرات التي ذكرها لا أصل لها البثة..

و كلامي هذا ليس من فراغ بل هناك ادلة شرعية تناقض ما جاء به..

المصيبة ان تفسيره لحديث : الحرى و الحرير والمعازف لم أسمع مثله قط

و الله بهالزمنات صار الدين لعبة بين الأفواه

نسأل الله ان يصلح الحال

[ابتسامة الحياة]

الله يهدي الجميع انشالله ...
موضوعك حلو بس انا ما بقدر افتي او احكي انه هل يجوز او لا يجوز ...

بس الجملة اللي ما حبيتها في الموضوع وحسيتها غلط وما الها داعي .. جملة ( فهل يجوز لنا أن نسمع هؤلاء المحاربين لله ورسوله ) ... يا اخي ليش محاربين لله ورسوله !!؟؟

انا معك انه الغنا حرام والموسيقى حرام وهدول ناس بعيدين عن الله وعن الدين بس بتهيألي انه ما بصير نحكي هيك حكي عليهم ..

رأيي وبتمنى تتقبله ..
ومشكور عالموضوع

[.:.!دموع الرحيل!.:.]

مممم

حلـوة الغيرة عالدّين ..

بس انا بحب اذكر الجميع بشغله ..

خصوصآ المتدينين ..

هدول المغنييين بأمس الحاجة لناس متلكم ..

لمآ يعملوآ شغله ،، سوآء هدفهم .. الشهـره

أو .. أنه يكفروآ عن البعض من ذنوبهم

( هالشي مش شغلنا ) لأنه ما بعرف

بالنوايا إلا ربنا ..

شغله وحيده إذا ما حبينا نأيدهم ونسمع إلهم ..

فالأجدر بنآ أن نلتزم الصمت ..

وما نهاجمهم ..

يمكن ربنا يقذف بقلوبهم الهداية .. من دعوة صادقة منكم

ويمكن ينفروآ من الدين أميااال بسبب هجومكم عليكم ..

بتقدروآ تعدوآ كم فنـان وفنانة .. وممثل وممثله تابوآ

من الفجـور إلى الهدآية

ثم إلى مجآل الدعوة إلى الله .. ؟!

فأصبح بعضهم افضل منا جميعا ؟!

انا مش عمبناقش مسألة يجوز أم لا يجوز ..

هاي بترجع لكبار العلماء ..

بس . . مش نحن الي نحكم عليهم

ونهاجمهم ..

يمكن يكونوآ على بعد خطوة وحده من الهداية ..

وكلامكم الهجومي .. يخليهم مآ يلاقوآ لنفسهم مكان

في عالم الالتـزام ..

ربنا يهدي الجميع ،،

ويهدينا للحق دائما وأبدا ..