???ناقوس الخطر؟؟؟

[§عاشقة غزة§]

المشاركة الأصلية كتبت بواسطة شهـيد صحيح كلام اخي

والله بشوف أصحاب يتنافسون بينهم بالدخان ليثبت كل منهم رجولته !

الرجولة في التدخين ؟!

و الله آخر من كنت أعـــرف

إن ما وجدت من داخل الشخص قوة وعزيمة على تركها استحاله يتركها

لأنه تصبح عادة أشبه بالافطار والغداء عنده !

فعلا اخ شهيد
في شباب صار يفكر هيك
انه التدخين اثبات ذات او رجولة
والله تلاقي السيجارة اطول منه
الرجولة قوة وعزيمة وموقف ومبدأ
اذا توفروا عند الشباب
والله ليبنوا طريق بالبحر
لكن للاسف اذا مش قادرين حتى يتخلصو من سيجارة بين اصابعهم
صح غداء
والناس تتغذى مشان تعيش
وهذا يتغدى مشان يموت
اسعدتني مداخلتك اخ شهيد

[§عاشقة غزة§]

المشاركة الأصلية كتبت بواسطة نور الهدى هلأ شو فرقت ازا بنت او شب دخنوا !!

مهو نفس الغلط .. و نفس المنظر .. و نفس الفكر !!

مش عارفة ليش في هيك مواضيع نحصر المشكلة على البنات .. مع انه كون الرجال بدخنوا كمان مصيبة بنفس درجة البنت !!

عموما اظن انه في مغالطة عند الناس و في كتير مش عارفين انه حرام

ازا قلتي حرام بقولولك لا مكروه بس !

الله يعين ..

بعرف بنات بدخنوا و لما تقوليلهم ليش بحكولك لانه صعب تركه

طيب ليش بلشتي اساسا !!

الصحبة السيئة و المفاهيم الخطأ عادة هي اللي بتأدي لهاد الطريق ..

و مش رح نقضي على المشكلة ازا هالمبدئين ما تصححوا ..

//

يسلموا عاشقة :)

طبعا ما في فرق الغلط غلط على البنت والشاب
لكن اذا انا طرحت الموضوع بخصوص الصبايا
لانها عادة دخيلة على مجتمعاتنا العربية الاسلامية
انه البنت بدخن
لكن اجمالا في الضرر ما في فرق
وكما ذكرتي اذا في يوم كان الها الجرأة وابتدت التدخين
لازم تكون الها الجرأة وتبطلو
والله يهدي الجميع
يسلملي مرورك الحلو
ومرافعتك القوية

[§عاشقة غزة§]

المشاركة الأصلية كتبت بواسطة دمعة أسى السلام عليكم و رحمة الله و بركاته

موضضوع مهم و طرح مميز فعلا

لو انطرح هذا الموضوع قبل 4 سنين بالنسبة الي

كنت سأستغرب من هذا الشي لاني ما تعودت عليه و ما بلاحظه

و كنت اسمع قصص نادرا عن هيك شغلات

لكن الاسبوع الماضي التقيت ببنت بعمري

بتقول انا بدون الارجيلة ما بركز بشئ

و بحس حالي مسطلة ع الآخر

و من هالكلام ...

سألتها بتدخني قالت لا أعوذ ببالله

الدخان مضر ! اكتر من الارجيلة

...

لما كنت بالمدرسة الثانوية كانوا كتير يعطونا محاضرات عن التدخين

و إنو ضرره ع البنات اكتر من الشباب

كنت اقول هاي المحاضرات للشباب ليش بيحكوا معنا فيها

.

لكن بالجامعة غير

طبعا ما في عنا بنات يدخنوا بالجامعة ابدا هذا ضمن القوانين اللي عنا
بس الشباب عادي

لكن بالكوفي شوب اللي حوالين الجامعة فيه شغلات متل هيك

لكن الشرطة بالفترة الأخيرة أغلقت كتير محلات

.
طبعا ممكن نقول انو جزء من اللوم بيقع على الأهل كونهم المربين و القدوة

لكن البنت لما تكون صبية و واعية لازم تكون عارفة مصلحتها حتى لو اللي حواليها ما إهتموا فيها

و أكيد رفقة السوء الها دور كبر لانه الصاحب ساحب

و الإعلام الذي يجمل كل ما هو قبيح في نظرنا

لكن أهم رادع سواء للشب أو البنت هو الوازع الديني و الضمير اللي بيؤنب صاحبه عندما يفعل القبيح

نسال الله عز و جل ان يديم علينا نعمة الصحة و العافية

و يقينا شر التدخين

شكرا لك عاشقة غزة ^^


ع الهامش بلستاين فلور ما اظن إنو موضوع انتهينا هو اللي قصده رعد لانه
ولا وحدة من النات ردت إنها بتدخن و ما صار فيه مشاكل ^^

العفو غاليتي
انتي اضفتي الكثير للموضوع
طبعا الاهل الهم دور
في الرقابة طبعا والتوعية
وكمان السمع البصري
اكثر افة العصر
اله تاثير سلبي على الشباب
خصوصا في سن معين
لما ما بيفرقوا بين الصالح والطالح
وينجدبوا مع اي تيار
الله يحمي شباب وصبايا المسلمين يا رب
نورتي سمسمة

[§عاشقة غزة§]

اريد ان اضيف شئ
لا ننسى انا هناك ايادي تعمل في الخفاء
بشتى الوسائل والاغراءات
لتدمير شباب المسلمين
لغرض في نفس يعقوب
وهذه حرب من نوع اخر
بس ان شاء الله نحن لها بالمرصاد
عن جد اضفنوا للموضوع الكثير
مداخلات اكثر من رائعة
استفدنا وسيستفيد الاخرون بها
حفظكم الله ورعاكم

[اسد 22]

عم من عمامي قالي دخنت وانا صغير عشان فاكر نفسي زلمة شفت أمرة تدخن تركت التدخين

واساسه وقلت الله يلعن الرجال إذا هاي المرأة بتدخن


الله يهديهن ويهدينا

[عاشقة فلسطين..]

مووضو عمهم وجميييييل ومفيد...
بارك الله فيكِ عاشقة غاليتي..
لي رجعة...

[الطالب المجتهد]

اوووووووووووف من التدخين

الله يكفينا شره ..

انا مره من شي 4 سنين دخنت ......

ودخنت قدام صحابي ..

اجو حكولي بدنا نخبر ابوك .. على انو انت بدخن ..

قلتلهم احكوله عادي ..

فراحوا خبروه ..

ولما عرف نادى علي ..

فأنا رحت على الحمام وفرشيت اسناني .. وعلكت علكة ..

عشان تروح الريحة ..

وغسلت خدودي ووجهي ..

بعدين ابوي شم الريحة ..

ومسكني وضربني ..

المهم ..

انا بوجه نصيحة لكل مدخن .. انو يترك الدخان ..

وبالذات البنات ..

لأنو الصراحة عيب ..

والحمد لله احنا بدارنا ولا حدا بدخن ..

الا اخوي مالك هو اكبر واحد فينا ..

اخوي مالك لما خلص التوجيهي وبلش يدرس بالجامعة ..

صار يدخن ..

وهسه خلص جامعة من سنتين .. بس الحمد لله خفف من الدخان .. وان شاء الله يبطل يدخن ..

مره رحت معاه على الجامعة ..

شفت العجب .. !!

الي بدخن تحت الشجرة ..

والي بدخن بالحمامات ..

[محمد ايت احمد]

السلام عليكم
ان موضوع التدخين موضوع ذوا اهمية بالغة لدالك من وجهة نظري المتواضعة ارى ان المسؤولية يتحملها اولياء امورنا.خصوصا في الجانب التربوي.
والله اعلم

[PaLeSt!Ne SouL]

الطالب المجتهد

يعني كان عمرك 8 سنين و دخنت !!!

بستاهل الضرب و الله

كتير عجبني حكي اسد

إذا كان التدخين رجولة شو دخل البنت فيه

بجد موضوع رائع بردودكم

[§عاشقة غزة§]

المشاركة الأصلية كتبت بواسطة اسد 22 عم من عمامي قالي دخنت وانا صغير عشان فاكر نفسي زلمة شفت أمرة تدخن تركت التدخين

واساسه وقلت الله يلعن الرجال إذا هاي المرأة بتدخن


الله يهديهن ويهدينا

الله يهدي الجميع اخ اسد
لانه في الاساس اخ اسد
لا الست ولا الراجل بدهم يدخنو
للاسياب التي ذكرناها
والتدخين ما اله رخل بمعنى الرجولة
لا يمث لها بصلة
لا من قريب ولا من بعيد
نورت