???ناقوس الخطر؟؟؟

[نور الهدى]

هلأ شو فرقت ازا بنت او شب دخنوا !!

مهو نفس الغلط .. و نفس المنظر .. و نفس الفكر !!

مش عارفة ليش في هيك مواضيع نحصر المشكلة على البنات .. مع انه كون الرجال بدخنوا كمان مصيبة بنفس درجة البنت !!

عموما اظن انه في مغالطة عند الناس و في كتير مش عارفين انه حرام

ازا قلتي حرام بقولولك لا مكروه بس !

الله يعين ..

بعرف بنات بدخنوا و لما تقوليلهم ليش بحكولك لانه صعب تركه

طيب ليش بلشتي اساسا !!

الصحبة السيئة و المفاهيم الخطأ عادة هي اللي بتأدي لهاد الطريق ..

و مش رح نقضي على المشكلة ازا هالمبدئين ما تصححوا ..

//

يسلموا عاشقة :)

[PaLeSt!Ne SouL]

السلام عليكم و رحمة الله و بركاته

موضضوع مهم و طرح مميز فعلا

لو انطرح هذا الموضوع قبل 4 سنين بالنسبة الي

كنت سأستغرب من هذا الشي لاني ما تعودت عليه و ما بلاحظه

و كنت اسمع قصص نادرا عن هيك شغلات

لكن الاسبوع الماضي التقيت ببنت بعمري

بتقول انا بدون الارجيلة ما بركز بشئ

و بحس حالي مسطلة ع الآخر

و من هالكلام ...

سألتها بتدخني قالت لا أعوذ ببالله

الدخان مضر ! اكتر من الارجيلة

...

لما كنت بالمدرسة الثانوية كانوا كتير يعطونا محاضرات عن التدخين

و إنو ضرره ع البنات اكتر من الشباب

كنت اقول هاي المحاضرات للشباب ليش بيحكوا معنا فيها

.

لكن بالجامعة غير

طبعا ما في عنا بنات يدخنوا بالجامعة ابدا هذا ضمن القوانين اللي عنا
بس الشباب عادي

لكن بالكوفي شوب اللي حوالين الجامعة فيه شغلات متل هيك

لكن الشرطة بالفترة الأخيرة أغلقت كتير محلات

.
طبعا ممكن نقول انو جزء من اللوم بيقع على الأهل كونهم المربين و القدوة

لكن البنت لما تكون صبية و واعية لازم تكون عارفة مصلحتها حتى لو اللي حواليها ما إهتموا فيها

و أكيد رفقة السوء الها دور كبر لانه الصاحب ساحب

و الإعلام الذي يجمل كل ما هو قبيح في نظرنا

لكن أهم رادع سواء للشب أو البنت هو الوازع الديني و الضمير اللي بيؤنب صاحبه عندما يفعل القبيح

نسال الله عز و جل ان يديم علينا نعمة الصحة و العافية

و يقينا شر التدخين

شكرا لك عاشقة غزة ^^


ع الهامش بلستاين فلور ما اظن إنو موضوع انتهينا هو اللي قصده رعد لانه
ولا وحدة من النات ردت إنها بتدخن و ما صار فيه مشاكل ^^

[§عاشقة غزة§]

المشاركة الأصلية كتبت بواسطة &نسيم الروح& موضوع مهم جدا وكتيييييييير

فعلا انا لما نزلت المره هي على عمان بكل الكوفي شوبات بنات صبايا الي ماسكه الارجيله والي ماسكه سيجاره

ما بنكر كنت اارجل بس بطلت لانه ابني حرام يدخن معي بدون ما يلمسها

وانشالله تزبط الحمله لانه نسبه المدخنات عم تزيد يوم بعد يوم

فعلا التزايد مستمر
لهذا لازم ات تدق اجراس الخطر
باي شكل وباي طريقة
لازم يصحو ويوعو قبل ما يفوت الاوان
بوركتي غاليتي
وشكرا لصراحتك وردك الجميل
وهاي وحدة من النقاط
انه الام المدخنة
ها الشي بياثر سلبا على الجنين
يعطيك العافية

[§عاشقة غزة§]

المشاركة الأصلية كتبت بواسطة رعد فلسطين صحيح كلامك اختي

واصبح الان التدخين للبنات عادة ليست غريبة


بس موضوعك فكرني بموضوع هوون بالمنتدى

قبل فترة كبيرة اكتر من سنة

نزل موضوع هوون بيحكي عن التدخين لكن كان هناك في الموضوع

سؤال للاعضاء : هل تدخن وما السبب ؟


وما شاء الله

نص صبايا المنتدى الله يسهل عليهم

النص بيدخن والنص التاني ارجيلة ^_^

موتوني من الضحك

ان شاء الله تصبح حياتنا بغير تدخين

لاني ما بطيق حد يدخن جنبي


يعطيكي العافية اختي


ربنا يوفقك

مشكورة على مجهودك الطيب


تحياتي

الله يعافيك اخ رعد
صح والله التدخين صار موضة عند المراهقات
وللتباهي كمان
على شو ما بعرف
والي زاد الطيين بلة
غزو الارجيلة لمجتمعنا بصفة خاصة
يعني كنا ناقصين احنا
الله يهدي الجميع
بس ضروري من التوعية
لجيل وشباب قد يذهب الى الهاوية
اسعدني مرورك اخي

[§عاشقة غزة§]

المشاركة الأصلية كتبت بواسطة نسمة جزائرية والله كلامك صحيح حبيبتي

ربي يهدي البنات

عمري ماشفت وحدة تعمل ارجيلة lol

ايه خلاص تاعي عندنا
وانتي تشوفي من كل دنيا طرف
الله يهدي الجميع
نورتي نسوم

[§عاشقة غزة§]

المشاركة الأصلية كتبت بواسطة sofya والله التدخين آفة الزمان ..
مع أنهم المدخنين .. بإمكانهم يتركوه .بس في شي جزاتو لهئرف هاد ..بخليهم مهيصين ..الكل بيعرفوا طبعا
مع أنو حكمو بلإسلام ..مكروووه .ومرة حكوا محرم ..والله أعلم ..
( ولا تلقوا بأيديكم إلى التهلكة )
مع أنهم بيعرفوا أنو بعد سنين ..أنهم حيتعرضوا ..لآفآت وأمراض وأعووذ بالله من هيك شغلات
تزكرت شغلة..
مرة بالمسجد ..يا االله ئاعدة عم بسمع للمحاضرة ..كانت عن التدخين..
وفجأة ..عارضين ..بالبروجكتر ..صوورة واحد ..شفتي حلقو من عند رقبتو ( في هيك دائرة حفرة في رقبتو ومبينة الأشياء
الجوا ..على دم وعلى غدد..أنا شفت المنظر من هوووون ..وحكيت ..لا حول ولا قووة إلا بالله ..
ولو تسمعي الصووت ..حاطيلوا جهاز ..عند رقبتو .. وصوووت ..متل صووت الريبورت ..
ومن جوا حلقو مفحم ..من شوو الدخان السم الهاري هاد
عنجد الله يهديهم ..كلهم يا رب ..
هلا .صحيح ..مو حلوووة بحق البنت أنها تدخن ...
هلا أكيد متل ما الشب بدخن أكيد كمان بحق للبنت تدخن ..
ليش هو في الإسلام طلع حكم التحريم ..(ما بدي أفتي ) على البنت ..وحكم الإباحة للرجل ..
حكوا بس عى حسب ما سمعت ..
مكرووووووه للكل ( للشب والبنت )

والله يجيرنا يا رب من كل مكرووه ومحرم

يسلمووو ويعطيكي العافية

تسلمين صوفي على المداخلة الرائعة
والاضافة المميزة
نورتي

[§عاشقة غزة§]

المشاركة الأصلية كتبت بواسطة .akkawi. زمـنـ التدخينـ

ياجماعة الدخانـ صار اشي طبيعيـ بين الناسـ

انا بشوفـ ناس عمرهمـ 7 سنينـ بدخنو

شو بدنا نحكيـ يارب تنجحـ الحملة

مشكورة عاشقة غزة على طرح الموضوعـ

العفو اخي
فعلا هي افة حصلت حتى الاطفال الصغار
دورنا نوعي وننصح
والله المستعان
اسعدني مرورك

[§عاشقة غزة§]

المشاركة الأصلية كتبت بواسطة PaLeStiNe FlOwEr زكرتني رعد بالموضوع والله صار مشاكل وئتها بين الأعضاء

بس تئريبا كان الموضوع انوا انتهينا شافت وحدة بتعرفها بتأرجل


الا ازا ئصدك غير عن الموضوع اللي بأصدوا

مو هاد الموضوع

والله يا عاشقة انتي بس تعي 10 دقائق ع الجامعة عندي رح تشوفي العجب

والله ما نائصهم غير الوسكي .. استغفر الله

عنجد انا بنخنئ من ريحة الدخان ما بطيئها والكحة بتصيبني لما أشمها

بنات الجامعة عنا ما بيمشوا الا لما تكون السيجارة بإيدهم الا من رحم ربي

الله يبعدنا عنهم

بس الحق عليهم ولا على أهلهم؟؟

يعني في بنات بدخنوا بالحمام وبغسلوا وبيطلعوا يعني هي لو مو عارفة هاد الشي خطأ كان ما دخنت بالمخفي

بس اللي بتدخن بالعلن ئدام الشباب والدكاترة

السؤال هو أهلها بيعرفوا

هديك اليوم صحبيتي بتئولي بنات قاعتها دخلوا الارجيلة معهم ع المحاضرة

يعني الجرأة عندهم صارت مو طبيعية

الله يهديهم

الحمدلله ما حد عنا بالبيت بدخن

بس لما يجي خالي عنا ما بنام الليل من الريحة

بنخنئ ع الأخر


الله يبعدنا عنوا

وشكرا ع الموضوع

ما الحال من بعضة يا وردة انتي
الاهل طبعا الهم دور
دور الرقابة
لانه في سن معين ممكن تفلت الامور من ايديهم
لو ما صار رقابة
كمان يعالجو الموضوع بحكمة مو جزر او هيك شي
لانه راح يولد العند عند الصبايا او الشباب سواء
ويحصل ما لا يحمد عقباه
الله يهدي الجميع
منورة الموضوع

[§عاشقة غزة§]

المشاركة الأصلية كتبت بواسطة Zaid الــــــــــــــــســــــــــــــــ ـــــــــلام عليكم

القصه فيها دخان ها !!!!!!!!!!!!!!!!!!!!!!!!!!!!!! !!!!!!!
وانا اقووولك من وين هالروايح من اول ما دخلت المنتدى
امممممممممممممممممممممممممممممممممم

المهم هسى صبيه بنتدخن !!!؟؟؟؟؟??????!!!!

البنت بتفقد كل انوثتها لما تمسك السيجاره
وحتى الأرجيله
شدعوه مسترجله
ما فيها انوثه ولا حلاوه لما البنت تدخن
وحجتهن انهن بدهن يفعطن بهالسيجاره لا ويا ريت بدخننها صحه
نص ربع نفس وبتطلعو على طوول
بتحرق دمك وبتصير بدك تعيط على السيجاره

ضد تدخين البنات لأنو ما بيلبقلهن
ناهيكم عن المضار الصحيه




كل الود عاشقه غزة

صح اخي
راح تفقد الكثير
الانوثة احترام الغير ...
وفعلا الامراض الي تنتج عنه
الله يهدي الجميع
اسعدتني مداخلتك الممتعة والطريفة
والمفيدة
نورت

[§عاشقة غزة§]

المشاركة الأصلية كتبت بواسطة دمعة أسى لي عودة إن شاء الله

تنوري في اي وقت
الصفحة صفحتك