???ناقوس الخطر؟؟؟

[§عاشقة غزة§]

السلام عليكم ورحمة الله تعالى وبركاته

انتشار ضاهرة التدخين بين الفتيات والنساء
اصبح من الواجب ان ندق ناقوس الخطر..
لهذه الافة التي تغزو مجتمعاتنا العربية..
وتنخرها للقضاء على شمعة الانوثة فيها...

صار عاديا أن تشاهد هنا أو هناك فتاة جميلة تداعب سيجارة بين شفتيها في رقة وإعجاب، قبل أن تلتهمها التهاما، وترديها بقايا شيء ورمادا تدروه الرياح. وفي إصرار غريب ومبالغ فيه، ترفض هاتيك الفتيات أي مناقشة أو حوار في موضوع تدخينهن، لأنه في رأيهن قناعة شخصية واختيار غير قابل للنقاش، وإذا أصر أي فضولي على الدخول في التفاصيل فإنه يجد جوابا جاهزا في جملة مفحمة

ولا شك أن ظاهرة تدخين الفتيات قد اخترقت المقاهي والحدائق والفضاءات العمومية بل الجامعات والمعاهد والمؤسسات التعليمية. ولم تعد المدخنات كما عهدنا قبل سنوات هن فقط ممن يعشن ظروفا قاسية تفرض عليهن ما هن فيه فرضا. بل دخل التدخين البيوت الأصيلة والظروف المعيشية العادية والجيدة، بل وحتى العائلات اللائي ترعى أبناءها رعاية صارمة.

والسبب الأساس طبعا هو تدخل عوامل كثيرة في العملية التربوية، لا يشكل البيت بكل رمزيته وسلطته إلا واحدا منها. وقد يتراجع دوره ويتوراى في مراحل عمرية معينة وظروف نفسية واجتماعية خاصة.
وبغض النظر عن الأضرار الصحية للتدخين والتي لا تخص طبعا ذكرا دون أنثى ، وكذا النظرة الاجتماعية للمدخنات والتي تحتاج إلى عناية خاصة.

فسأهتم في هذا السياق بأضرار من نوع آخر، قد لا تهتم بها الكثيرات من فتياتنا المدخنات، ولا تجد هوى لدى المهتمين بهذا الموضوع، وهي الظاهرة الجمالية أو قيم الأنوثة التي تحترق مع انقضاء أول سيجارة على شفتين مضمختين بأحمر شفاه مثير.وهاهنا خطأ متواتر يجب تصحيحه، وهو ما قد يرافق السيجارة في رأي حسناواتنا من إثارة ومحورية للمدخنة وهي تقتنص نظرات الإعجاب. وتوصف في منتدياتها وبين رفاقها بأنها أكثر تحررا وإقبالا على الحياة وتنطعا عن التقاليد الرجعية التي تسجن فيها أغلب فتياتنا.

إلا أن ما قد يغيب على صاحبات هذا الاعتقاد هو أن شبابنا عموما يحب الفتاة المتحررة المنطلقة الثائرة التي لا تهتم بكلام الناس فقط لرفقة محدودة وللحظات الضحك والمتعة،بينما حين يجد الجد ويريد أن يبحث عن شريكة حياة دائمة فإنه يصبح مشرقيا حتى النخاع وتقليديا إلى أبعد الحدود.

ومن جهة أخرى فالجمال مظاهر مجزأة تشكل في تكاملها نسقا ونظاما منسجما.فالشفتان اللطيفتان والخدود الموردة والأسنان الناصعة البياض كلها مظاهر تبدي مدى جمال الظاهر، الذي يعكس صفاء السريرة ونقاء الباطن. والناظر في وجه أي مدمنة على التدخين فسيكتشف بدون شديد عناء غياب كل هذه المظاهر الجمالية، فالخدود شاحبة تنزع إلى الصفرة والشفتان قاتمتان تميلان إلى السواد، والأسنان تعلوها صفرة قبل أن تصل إلى درجة التسوس في مراحل لاحقة. فمتى تقلع حسناواتنا عن التدخين لتظهرن أكثر جمالا وتألقا؟

دمتم في صحة وعافية

[&نسيم الروح&]

موضوع مهم جدا وكتيييييييير

فعلا انا لما نزلت المره هي على عمان بكل الكوفي شوبات بنات صبايا الي ماسكه الارجيله والي ماسكه سيجاره

ما بنكر كنت اارجل بس بطلت لانه ابني حرام يدخن معي بدون ما يلمسها

وانشالله تزبط الحمله لانه نسبه المدخنات عم تزيد يوم بعد يوم

[HaSHeM,]

صحيح كلامك اختي

واصبح الان التدخين للبنات عادة ليست غريبة


بس موضوعك فكرني بموضوع هوون بالمنتدى

قبل فترة كبيرة اكتر من سنة

نزل موضوع هوون بيحكي عن التدخين لكن كان هناك في الموضوع

سؤال للاعضاء : هل تدخن وما السبب ؟


وما شاء الله

نص صبايا المنتدى الله يسهل عليهم

النص بيدخن والنص التاني ارجيلة ^_^

موتوني من الضحك

ان شاء الله تصبح حياتنا بغير تدخين

لاني ما بطيق حد يدخن جنبي


يعطيكي العافية اختي


ربنا يوفقك

مشكورة على مجهودك الطيب


تحياتي

[نسمة جزائرية]

والله كلامك صحيح حبيبتي

ربي يهدي البنات

عمري ماشفت وحدة تعمل ارجيلة lol

[sofy]

والله التدخين آفة الزمان ..
مع أنهم المدخنين .. بإمكانهم يتركوه .بس في شي جزاتو لهئرف هاد ..بخليهم مهيصين ..الكل بيعرفوا طبعا
مع أنو حكمو بلإسلام ..مكروووه .ومرة حكوا محرم ..والله أعلم ..
( ولا تلقوا بأيديكم إلى التهلكة )
مع أنهم بيعرفوا أنو بعد سنين ..أنهم حيتعرضوا ..لآفآت وأمراض وأعووذ بالله من هيك شغلات
تزكرت شغلة..
مرة بالمسجد ..يا االله ئاعدة عم بسمع للمحاضرة ..كانت عن التدخين..
وفجأة ..عارضين ..بالبروجكتر ..صوورة واحد ..شفتي حلقو من عند رقبتو ( في هيك دائرة حفرة في رقبتو ومبينة الأشياء
الجوا ..على دم وعلى غدد..أنا شفت المنظر من هوووون ..وحكيت ..لا حول ولا قووة إلا بالله ..
ولو تسمعي الصووت ..حاطيلوا جهاز ..عند رقبتو .. وصوووت ..متل صووت الريبورت ..
ومن جوا حلقو مفحم ..من شوو الدخان السم الهاري هاد
عنجد الله يهديهم ..كلهم يا رب ..
هلا .صحيح ..مو حلوووة بحق البنت أنها تدخن ...
هلا أكيد متل ما الشب بدخن أكيد كمان بحق للبنت تدخن ..
ليش هو في الإسلام طلع حكم التحريم ..(ما بدي أفتي ) على البنت ..وحكم الإباحة للرجل ..
حكوا بس عى حسب ما سمعت ..
مكرووووووه للكل ( للشب والبنت )

والله يجيرنا يا رب من كل مكرووه ومحرم

يسلمووو ويعطيكي العافية

[.akkawi.]

زمـنـ التدخينـ

ياجماعة الدخانـ صار اشي طبيعيـ بين الناسـ

انا بشوفـ ناس عمرهمـ 7 سنينـ بدخنو

شو بدنا نحكيـ يارب تنجحـ الحملة

مشكورة عاشقة غزة على طرح الموضوعـ

[PaLeStiNe FlOwEr]

زكرتني رعد بالموضوع والله صار مشاكل وئتها بين الأعضاء

بس تئريبا كان الموضوع انوا انتهينا شافت وحدة بتعرفها بتأرجل


الا ازا ئصدك غير عن الموضوع اللي بأصدوا

مو هاد الموضوع

والله يا عاشقة انتي بس تعي 10 دقائق ع الجامعة عندي رح تشوفي العجب

والله ما نائصهم غير الوسكي .. استغفر الله

عنجد انا بنخنئ من ريحة الدخان ما بطيئها والكحة بتصيبني لما أشمها

بنات الجامعة عنا ما بيمشوا الا لما تكون السيجارة بإيدهم الا من رحم ربي

الله يبعدنا عنهم

بس الحق عليهم ولا على أهلهم؟؟

يعني في بنات بدخنوا بالحمام وبغسلوا وبيطلعوا يعني هي لو مو عارفة هاد الشي خطأ كان ما دخنت بالمخفي

بس اللي بتدخن بالعلن ئدام الشباب والدكاترة

السؤال هو أهلها بيعرفوا

هديك اليوم صحبيتي بتئولي بنات قاعتها دخلوا الارجيلة معهم ع المحاضرة

يعني الجرأة عندهم صارت مو طبيعية

الله يهديهم

الحمدلله ما حد عنا بالبيت بدخن

بس لما يجي خالي عنا ما بنام الليل من الريحة

بنخنئ ع الأخر


الله يبعدنا عنوا

وشكرا ع الموضوع

[Zaid]

الــــــــــــــــســــــــــــــــ ـــــــــلام عليكم

القصه فيها دخان ها !!!!!!!!!!!!!!!!!!!!!!!!!!!!!! !!!!!!!
وانا اقووولك من وين هالروايح من اول ما دخلت المنتدى
امممممممممممممممممممممممممممممممممم

المهم هسى صبيه بنتدخن !!!؟؟؟؟؟??????!!!!

البنت بتفقد كل انوثتها لما تمسك السيجاره
وحتى الأرجيله
شدعوه مسترجله
ما فيها انوثه ولا حلاوه لما البنت تدخن
وحجتهن انهن بدهن يفعطن بهالسيجاره لا ويا ريت بدخننها صحه
نص ربع نفس وبتطلعو على طوول
بتحرق دمك وبتصير بدك تعيط على السيجاره

ضد تدخين البنات لأنو ما بيلبقلهن
ناهيكم عن المضار الصحيه




كل الود عاشقه غزة

[PaLeSt!Ne SouL]

لي عودة إن شاء الله

[شهيد]

المشاركة الأصلية كتبت بواسطة .akkawi. زمـنـ التدخينـ

ياجماعة الدخانـ صار اشي طبيعيـ بين الناسـ

انا بشوفـ ناس عمرهمـ 7 سنينـ بدخنو

شو بدنا نحكيـ يارب تنجحـ الحملة

مشكورة عاشقة غزة على طرح الموضوعـ

صحيح كلام اخي

والله بشوف أصحاب يتنافسون بينهم بالدخان ليثبت كل منهم رجولته !

الرجولة في التدخين ؟!

و الله آخر من كنت أعـــرف

إن ما وجدت من داخل الشخص قوة وعزيمة على تركها استحاله يتركها

لأنه تصبح عادة أشبه بالافطار والغداء عنده !