بنت فلسطين المجروحة تطبخ // دجاج بالزنجبيل والكزبرة

[بنت فلسطين المجروحة]

يسعد مسائكم // صباحكم ويجعل أيامكم معطرة بالمحبة و الأكل الصحي

.
.
.
+

+
.
.
.

عزيزاتي الغاليات

اليوم جاياكم ومعاي طبخة من صنع ايدي

وبنات افكاري

ماكنت عارفة شو بدي اطبخ ،، بس عارفة اني بدي اشي فيو دجاج وكزبرة وزنجبيل

رحت عالسوبرماركت واشتريت اشياء عكيفي

وطلعت الطبخة الحمدلله زاكية

و أحلى اشي انو هالاكل صحي

يعني لابرفع كوليسترول ولا برفع ضغط ولا سكر ولا بزيد الوزن

.
.
.
+

+
.
.
.

دجاج بالزنجبيل والكزبرة

/
/
/

المقادير

صدور دجاج (فراخ) حسب الاكيلة :P انا عملت 4 صدور حوالي الف جرام

+ فطر(مشروم ، عش الغراب ) + زبادي(لبن روب) انا جبته خالي الدسم

بصلتين (ممكن تزوديهم كمان حسب الرغبة !!) +
زنجبيل يفضل انه يكون فرش مش بودرة عشان طعمه أقوى ( أنا استخدمت نص اللي في الصورة) + فصين ثوم + كزبرة (كمان يفضل تكون فرش عشان الطعم بكون اقوى) + بروكلي (هاي مش أساسية ممكن تستغنوا عنها )

توابل : [ملح + فلفل أسود + هيل مطحون + كزبرة بودرة(مش ضرورية) ]

+ صويا صوص

.
.
.
+

+
.
.

الطريقة

1. بنضف الدجاج بالملح والليمون والطحين

2.بنحط الفلفل الأسود والكزبرة المطحونة والملح والهيل المطحون والصويا صوص عالدجاج

3. بنبشر ربع كمية الزنجبيل اللي في تاني صورة وبنبشر الثوم

4. بنضيف الزنجبيل والثوم المبشور ومعلقتين كبار من الزبادي عالدجاج

5 . بنخلط الدجاج مع المكونات كتير منيح عشان نتاكد انو كل الدجاج وصلته الخلطة

وبنتركه بالتلاجة لمدة منحضر بقية الاغراض ،، وكل ما خليناه اكتر كل ماكان احسن

بعديها ياحلوين نفعل التالي

6. بنبشر كمان ربع من الزنجبيل وبنخليه عجنب

7. بنغسل الكزبرة الخضرا وبنفرمها فرم متوسط وبنخليها عجنب

8. بنقطع البصل شرايح وينخليه عجنب برضو

9.بنقطع الفطر كمان شرايح ،، بس حاولوا تتكون اكبر من الصورة لأنو الفطر بنكمش مع الطبخ

10 . بنجيب قلاية أو طنجرة تيفال اللي بريجكم بس المهم تكون تيفال

وبنحط فيها نقطة زيت وعالنار متوسطة وبنحط الزنجبيل والكزبرة والبصل

وبنقلبهم شوي عالنار ليتحمروا شوي

11.بعديها بنحط الفطر والبروكلي وبنقلب لمدة 5 دقايق ليبدا الفطر يطلع مية وبعديها بنوطي النار

12. بنطلع الدجاج من التلاجة وبنقطعه مكعبات

13. بنضيف الدجاج عالخلطة اللي عالنار ونرفع النار وبنستنى تتغلي المي تاعت الفطر والدجاج

14. بس تغلي بنغطي القلاية وبنوطي النار عشان يستوي الدجاج عرواق

15. بعد نص ساعة بنشوف اذا الدجاج استوى أو لأ ،، اذا استوى بنرفع الغطاة وبنعلي النار لنخلص اي مية ضلت بالقلاية،، وبس تخلص بنرفعها عالنار وهي شكلها

لهيك بتكون الطبخة انتهت ممكن تتاكل مع رز أو بالخبز كساندوتش

//

أنا عنفسي قررت اعملها ساندوتشات فعملت التالي

1. جيبو جبنة أو لبنة

2. جيبو صمون انا جبنو صمون اسمر بالقمح :P

واحشوه بالجبنة او اللبنة(انا جربت نص جبنة ونص لبنة لأجرب الطعمين )

وفوقيها الدجاج ،، وممكن لو بتحبو تحطو خس معها انا كسلت فاكتفيت بالدجاج ههههههه :P

واذا بتحبوالسندوتش محمص متلي بتلفوه بورق المنيوم وعالتوتسر طوال

مش عارفة ليش طالعة الصورة غامقة

ماعلينا

هاي بس طلع الساندوتش بالسلامة من التوستر

صورة عن قرب

صورة عن بعد

.
وأخيراً قدموها مع عصير طبيعي

مش فاهمة ليش الصحن طالع عرجل الكاسة

ماعلينا ،، ان شاء الله تكون عجبتكم الطبخة

ولو ماعجبتكم بلاش ،، انتو الخسرانين

وصحة وهنا عقلوبكم
.
.
.
+

+
.
.

كنتم مع الشيف عجينة

[ღ حورية فلسطين ღ]

يا خيبتي عاللي اترملت


ولك بدي بدي ولك بديييييييييييييييييي

يخرب عئلك طالعه منظرها لزيز بالأخير


مافيكي خير لبنتك انتي تبعتيلها منها


كيف نزلت اللقمة بزورك من غير تاكل بنتك منها هااااااااا

[إسراء الفلسطينية]

يمييي

شو هل منـــآآظر الحلوووة

شهيتيني ع آخر هل لييل

ما شاء الله عنك

معدّلة أموون

يسعدلي ياكي

تعيشي ونشووف أكلاتك الطيبة << عقبال ما ندوقها

يعطيكي العافية حبيبتي

[Arabian girl]

كتير شكلها زاكي
بتشهي :)
شكلك حتضطريني اروح ع المطبخ آكل
يعطيكي العافية
معدلة عجينتي ما شاء الله عنك

[اجمل احساس]

يالله شو هالصور عنجد بتشهي طب انا جوعانة شو اسوي

رح اجرب اعملها واحكيلك شو بيصير معي

يعطيكي الف عافية حبيبتي

[Pink Rose]

يا ســلام يا سلام ..

بتشهي والله ..

من مكوناتها عرفت انها طيبة ..

والصورة اكدتلي :d

جوعتيني اموون على هالصبح :$

ما شاء الله عليكي ..

يسلموو هالايدين حبيبتي ..

[بنت فلسطين المجروحة]

المشاركة الأصلية كتبت بواسطة حورية فلسطين يا خيبتي عاللي اترملت


ولك بدي بدي ولك بديييييييييييييييييي

يخرب عئلك طالعه منظرها لزيز بالأخير


مافيكي خير لبنتك انتي تبعتيلها منها


كيف نزلت اللقمة بزورك من غير تاكل بنتك منها هااااااااا

هههههههههههههههههه

كلو من ابو مجاهد الليي علمك هالحكي

الصراحة كانت زاكية

وطعمها أزكى بكتير من ماكنت اتوقع

الشكل ماشي حاله ،، تلاقي الجبنة الشيدر هي اللي اغرتك

نورتي ياطحشة ،، بعدين ماتزعلي اطبخيها انتي وكليها وماتدوقيني

منورة

[بنت فلسطين المجروحة]

المشاركة الأصلية كتبت بواسطة إسراء الفلسطينية

يمييي

شو هل منـــآآظر الحلوووة

شهيتيني ع آخر هل لييل

ما شاء الله عنك

معدّلة أموون

يسعدلي ياكي

تعيشي ونشووف أكلاتك الطيبة << عقبال ما ندوقها

يعطيكي العافية حبيبتي

هههههههههههههه

الله يسعدك

بس تيجي عدبي الك أحلى أكل

ربي يزيدك عافية يا اسراء

منورة حبيبتي

[بنت فلسطين المجروحة]

المشاركة الأصلية كتبت بواسطة Arabian girl كتير شكلها زاكي
بتشهي :)
شكلك حتضطريني اروح ع المطبخ آكل
يعطيكي العافية
معدلة عجينتي ما شاء الله عنك

ههههههههه

تسلميلي الله يجبر بخاطرك

يلا عقبال مانشوف طبخكم

منورة عربية تسلميلي

[أم الوليد]

يمي يمي..اول مرة بعرف..انو حد بحب يطبخ متلي..

من شكلها مبينة لزيزة..رح جرب اطبخها الاسبوع الجاي وبخبرك النتيجة...اذا طلعت طيبة بعلمك كيف تعملي الفاهيتا والكودو..

بس عندك طولة بال تصوري..خطوة بخطوة..انا ماعندي صبر لهيك..اطبخ ومشي حالك سريع سريع...