هل هذا الفعل من حق الزوج علي زوجته { موضوع للنقاش}

[Sweet Baby]

يسلمو ع الموضوع

وانا رأيـي انو ما بــكـون اذلال للـمــرأه ازا غسلت رجـــليه
وكمان ما بكون عدم احتـرام الزوجه لزوج ازا هيا ما غسلت اجرين زوجها

منور قسامي

^^

[Sweet Baby]

يسلمو ع الموضوع

انا ما بشوف انه بكون اذلال للمرأه ازا غسلت اجرين زوجها
وكمان ما بكون عدم احترام الزوجه لزوجها ازا ما غسل رجلين زوجها

شكرا اخي قسامي

[εïз ملآكـ εïз]

طبعــآ هالشي لآ اذلالـ .. ولآ اقلآلـ من مكــآنهـ المراهـ ..

لو هوآ تعبــآنـ و حابب مني هالشغلهـ فلح لبيلو طلبو من عيوني الاتنين بدون تردد

نحنا مخلوقينـ لبعض و متزوجين كرمــآل نريح بعض .. ازا هالطلبـ و ما لبيتو مين يلي رح يلبيلو يــآه ؟؟

و طبعا بعد ما تعملي شي متلـ هيكـ رح تكبري الف مرهـ بعيونـ زوجكـ .. و رح يقدرلك هالشي و يتزكرو منكـ

و متل ما قــآلتـ توينـ مافي احلى من انو تحسسيه بقوتو و بضعفكـ و حاجتكـ الو و هالشي بخليه هيكـ يحس


..


امــآ ازا فرض عليكي و غصبكـ و ما كان في اي نوع من الزوء و الحنيهـ بطلبو .. فبتكون خدمتكـ الو مذلهـ


..


و بالنسبهـ الا انو بعد ما اغسلو يقلي من باب الزوء يعملي نفس الشي انا رح ارفض طبعـــأإأ ..

بدون سببـ خلص بشوف انا اعملو و لآ هوآ يعملي هيكـ ولو كنت تعبانة و محتاجهـ لهالشي ..

ازا تعبــآنهـ يساعدني بشغلة تانيهـ بسيطهـ بشغل البيتـ بكونـ احسن



..


ثــآنكس خيــؤؤ ع طرحكـ هــآد

تقبلـ مروري

[قسامي غزة]

المشاركة الأصلية كتبت بواسطة ليـــــــــــــال أنا ئلت لو ولعت راح ارجع ،،، وهيني رجعت لأنها مبلشه تولع

//
اول شي بدي احكيه عن الحياه الزوجيه نفسها ،،، هي مش ساحه معركه والبقاء فيها للأقوى

مش منطقه ليتحدوا المرأه والرجل بعضهم فيها ،، بالعكس هي مرحله للمشاركه بكل صغيره وكبيره

راح تحكوا لو هذا الكلام اكل عليه الدهر وشرب ،،، وانو الازواج حاليا مابيتعاملو مع بعض بهالاسلوب

الرد بسيط جدا :: ارتفاع حالات الطلاق بشكل كبير اكبر دليل على فشل اي علاقه بتقوم بين الزوجين على فرض الرأي والمبارزه .

للاخوات الي بيئولوا انو لو انطلب من الرجل يعمل نفس الشي هل راح يوافق او لأ .
لو وافق بيكون شي عادي مش خرافي ولو رفض هو هادا الشي الطبيعي
على افتراض انو انا كنت ئاعده بغسل لزوجي رجليه بميه وملح وبعد ما خلصت هو طلب مني من باب الزوء والادب او حتى الرومانسيه انو يغسلي رجلي
قسما بالله انا ما برضى ،،، ولا بيهون عليا من اصلو انو يعقد تحت رجلي ويغسلي ياهم

مش لانو هو ملاك ،،،، او حدا مقدس ،،، بس لانو هو زوجي ،،، وحيكون ابو ولادي ،، وستري وغطاي << عشت الدور

الخلاصه

انو الحكايه مش العين بالعين والسن بالسن ،،، المسأله مسأله قناعات

وافضل شي انو الواحد يعمل كل شي وهو راضي ومقتنع مش مغصوب

//

وشكرا

زي ما حسبتيها بدت تصير
شوية وتولع
ههههههههههههه
نورتي كمان مرة
وردك عين العقل والله
العفو يا خالتو

المشاركة الأصلية كتبت بواسطة Twin

يعني لو مره الزوجه تعبت وهوه قام بشطف المنزل ^^ او بتحضير الغداء ,, هل يعتبر مذله للرجل !!


بالعكس .. في حياه مشتركه وتبادل ادوار ..


مادام متفاهمين وفى حب واحترام متبادل بين الزوج وزوجته لا يوجد مزله فى اى شئ تفعله لاجله


ومادام بتقوم بالعمل هاد من تلقاء نفسها ولست مجبره على فعله فاين المذله !!



بسمع كتار وخاصة المتعلمات والمثقفات يرون ذلك نوعا من الاهانة ..


مع انى بمنظور اسلامى اراه نوعا من الاعتراف بالقوامة والاعتراف بالجميل ..


وبشوفه انا من ناحية انوثية ,, بانه نوعا من التدليل المفرط ,,


واعطاء الرجل الشعور بقوته وضعف زوجته امامه ..



يعطيك العافيه قسامي ... ما قصرت والله ..

والله ردك انوا قلق
ومثل ما تفضلتي الحياة الزوجية مشاركة
مش حياة ذل واهانة
ما فيها شي لو الراجل طبخ عن زوجته او ساعدها بالمطبخ
هاد الشي ما بقلل من هيبته امام زوجته
ورسول الله عليه افضل الصلاة والتسليم
كان يساعد زوجاته في الاعمال المنزلية
نورتي يا حجة توين

المشاركة الأصلية كتبت بواسطة بنيمارو امم
كتير رائع الموضوع صراحة واجابتو محيرة بين نقيضين ابعد ما يكونو عن بعض
ان كان الفعل المذكور اعلاه اذلال ام دلال !!
برأيي انو بيكون اذلال لو كان مفروض عليها من الزوج وأكيد بيكون امر غير مقبول نهائيا
اما اذا كان التصرف بكامل ارادتها وحريتها وحابة تدلل زوجها , , ما عليها ولا عليه شي ^^
عموما
باعتقد انو اي تبادل بين الزوجين ما بيتصنف تحت مفهوم الاذلال
لكن ,, انا شايف انو التصرف اللي بالموضوع _ دلع _ مبالغ فيه صراحة !! وما الو لزوم ههه
وما بيندرج تحت حقوق الزوج بصورة مباشرة متل ما حكيت بعنوان الموضوع
بالمقابل كل مأعطت الزوجة أكتر اكيد الزوج هيبادلها نفس الشعور واكتر ^^
موضوع عميق و رائع .. وحكيت رأيي فيه ببساطة
يعطيك العافية قسامي . .

نورتنا اخي بينمارو
بصراحة ردك بسيط وطبيعي
وكل شي هيكون باالتفاهم سهل
اما بالغصب والنكد ما بيصير
نورت بمرورك خيو

المشاركة الأصلية كتبت بواسطة بنيمارو لو كان ينبغي لبشر أن يسجد لبشر لأمرت المرأة أن تسجد لزوجها ,,,
أو كما قال عليه الصلاة والسلام
باعتقد هيك الحديث . . .
برأيي انها سجدة حب ووقار واحترام منا سجدة اذلال وخضوع !

[قسامي غزة]

المشاركة الأصلية كتبت بواسطة آيات الشرفاء شكرا الك اخي قسامي على الموضوع

انا بشوف انو هاد الشي بيرجع للزوج ولمرته ولطبيعة العلاقه بينهم الي بتحب زوجها ممكن تعمل هيك

اما بالنسبه الي ماعندي مانع اعمل هيك اذا كان في سبب مو على الطالعه والنازله

واخر شي يا ترى ازا طلبت الزوجه من زوجها يخلع حذاءها رح يقبل

يعطيك الف عافيه

انا شايف انوا ما فيها شي لو مرت الراجل طلبت منو وكانت تعبانة
الحياة الزوجية اكبر من هاي الاشياء البسيطة
العفو اختي ايات
نورتي

المشاركة الأصلية كتبت بواسطة دمعة أسى بسم الله الرحمن الرحيم

إذا كان الزوج أخلافه مو منيحة و متسلط فهذا بيكون إذلال للمرأة لانو ما تعملوا عن طيب خاطر

و ما تقلي أنو الزواج أكبر من هيك و حب و إحترام و كل هذا الكلام( إذا كان زواجك هيك فهذه نعمة كبيرة كتير ناس فقدوها و الله يهنيك)
بعض الرجال م بتعنيلهم الزوجة إلا خادمة بالبيت و بنقول عنهم أزواج كمان

أما إذا كان محترم و بيقدر اللي بتعلموا زوجته أكيد رح تعمل هيك و لو في شي أكتر رح تعمله
لانها بتحس أنو في حد يقدر

و المراة كيف ما كانت على قدر ما زوجها بيحترمهاهي بتصونوا و بتعمل ع راحتوا

لو الله رزفني بزوج من الصنف التاني رح اعمل هيك بكل سعادة ما دام هالشي بيريحوا و بنفس الوقت بيقدروا


مشكور يا قسامي ع موضوعاتك الحلوة

ما ننحرم

ربنا يبعتلك زوج يحترمك وتحترميه
وما يبعتلك من النوع المتسلط
هههههههههه
نورتي بمرورك

المشاركة الأصلية كتبت بواسطة اسد 22 مشكور اخي على طرح لهذا الموضوع المهم للغاية بسم الله الرحمن الرحيم والله الموفق نبدأ


فالاسلام جعل الزوج ولي الزوجة في بيت الزوجية اي تقدم طاعة الزوج على الاب

والحديث واضح والاسلام لا يحل او يحرم شيئ إلا لصالحنا ولقول الله تعالى

فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا)الآية 19 من سورة النساء

وخير مثال زوجة علي رضي الله عنه فاطمة الطاهرة بنت رسول الله صلى الله عليه وسلم

عندما طافت حول زوجها لكي لا تغضبه وابتسمت فابتسم

والله اعلم قصة سمعتها في الجامع خلال فترة ممكن تتأكدو من صحة القصة

والكثير من القصص التي تدل على المرأة تحترم زوجها ما دامت لا تعصي الله

وأما بالنسبة لتلميع الحذاء اخي تبقى عادات وقابلة للتغير والتجديد ما لم تصلح لوقتنا وليس اية

من القرآن لتبقى ولا تنسى ان احترام الزوجة لزوجها واجب وهذه العادة اصبحت غير مناسبة لوقتنا الحاضر والله

اعلم

مشكور اخي اسد
ردك جميل ورائع
ومثل ما حكيت هاد بيعتمد علي العادات والتقاليد
بس في مجتمعنا لا اري فيها اي شي
بل انه شي عادي وطبيعي
نورتنا بمرورك

المشاركة الأصلية كتبت بواسطة شهيد غزة لا لا

الأمر يعجز أن يحصر في مع أو ضد !

فالكل حادثة حديث ، ومن كل بيت لبيت بختلف الأمر ،

وبصفة عامة :

الأمر يقف عند مدى فهم و وعي الزوجين وبعدين كل شيء بصير تمام

يعني الزوج لو فهم انه مش حلوة في حق زوجته تغسل له رجليه و مش من الآداب المعاصرة والعادات

وفي هالوضع المتطور اكيد ما راح يطلب هادا الشيء من زوجته وبالتالي ما راح ندخل في سين ولا صاد

وكذلك الزوجة : لو طلب منها الأمر واستوعبته وتقبلته بكل صدر رحب و انه زوجه طول اليوم في كد ونصب وعمل

علشان تعيش مأيدة مسيدة ، وانه اقل ما فيها تلبيله طلباته و تساعده ، ويكون عدها المثل يللي يقول :

" كبرها بتكبر وصغرها بتصغر " راح يعيش بحياة آمنة مستقرة بكل تأكيد

تح ــياتي نهاد !

كبرها بتكبر وصغرها بتصغير
هههههههههههههه
مزبوط كلامك
نورت حج محمود

المشاركة الأصلية كتبت بواسطة زيتـــونة فلسطــين نعممممم والله
يعني المرءه لما تحب زوجاااا بتلبسو الجزمه لا والله هادكلام مو معقولللل الجزمهه هاد الي ناقص اصلا هوا اتاني يسحي على دمووو يلبسها لحالو بس باقي نحط الحليب بل لرضاع ورضعوو هع والله اصلا هوا بقدر يلبس زوجته الجزمه في الاحلام السعيده
قساميييي تسلم على هل الموضوع بس ياخي ايام هل الرجال مو زي زمان

ههههههههههههههه
والله شكلي نويتي تعمري ببيت زوجك
احكيلوا استحي علي دمك والبسها لوحدك
بيحكيلك روحي علي بيت اهلك
الله يوفقك بزواجك
ونصيحة من اخوكي
غيري تفكيرك لانوا ما بيمشي هاليومين
ههههههههههههههههههههه
نورتي بمرورك زيتونة

[Twin]

قسامي ^^ شب بنيمارووو


للمعرفه فقط


ويعطيك الف عافيه

[قسامي غزة]

المشاركة الأصلية كتبت بواسطة Twin قسامي ^^ شب بنيمارووو


للمعرفه فقط


ويعطيك الف عافيه

الله يبيض وجهك
شكرا علي التعديل
ونعتذر من اخونا بينماروا

[إيمـان]

ههههههههههههههههههههه ....انا لساتنيييي صغيره

ليال كلامكككك كلوووووو صحححححححححح في صحححح فهمانه ماشاء الله مو زي بعض الناس يعني انااااا

[ضوء الشمس]

:(

[قسامي غزة]

المشاركة الأصلية كتبت بواسطة ضوء الشمس

الموضوع بصراحة مهم لأنوا كان شي زمان وصار هاالوقت كتير


برأيي اذا الوحدة طلب منها زوجها هيك شي اذا كانت فهمانة مابتردو الطلب لأنها بهيك اشي راح تكسب رضا ،اما اذا


الوحدة راح تتكبر على زوجها فهذا برجع لالها وزوجها راح يحطو في القاموس أكيد،يعني برأيي الوحدة تعمل كل شي

لزوجها لتكسب محبتوا ، ومافيها اذلال اشي عادي

يسلمو على الطرح

كلام سليم والله
والوحدة الشاطرة الي بتحافظ علي زوجها
نورتي بمرورك ضوء الشمس

المشاركة الأصلية كتبت بواسطة الــزعيـــــــم";1322161]

قصتكم قصة

...........

[/QUOTE]

:ShababSmile224::ShababSmile224:
نورت يا حج


[QUOTE=لالا-فلسطين 48;1324403][size="4 "على افتراض انو انا كنت ئاعده بغسل لزوجي رجليه بميه وملح وبعد ما خلصت هو طلب مني من باب الزوء والادب او حتى الرومانسيه انو يغسلي رجلي
قسما بالله انا ما برضى ،،، ولا بيهون عليا من اصلو انو يعقد تحت رجلي ويغسلي ياهم

مش لانو هو ملاك ،،،، او حدا مقدس ،،، بس لانو هو زوجي ،،، وحيكون ابو ولادي ،، وستري وغطاي << عشت الدور

الخلاصه

انو الحكايه مش العين بالعين والسن بالسن ،،، المسأله مسأله قناعات

وافضل شي انو الواحد يعمل كل شي وهو راضي ومقتنع مش مغصوب"


لياااااااااال: حكيتي شغلات حلوة كتيييييير فيما لو المرة غسلت رجلين جوزها بناء على علاقة احترام متبادلة بينهم، بس انا ما بوافقك على رفضك انو الزوج يغسل رجلين مرتو، ليش لع؟؟؟؟؟؟؟؟؟؟؟

لو كانت العلاقة مبنية على تفاهم متبادل ان كان بصير يغسلها متل ما بتغسلو، مش مرات هي بتكون بحاجة لانو زوجها يساعدها ويغسلها رجليها زي مهي بتعمل على راحتو. لو انو تفاهم عنجد، ازا غسيل رجلين مرتو بجبلها راحة، فهون واجب عليه انو يغسلها اياهن ويريحها متل ما سبق وريحتو..

وكمان ان مع انو المرة تغسل رجلين زوجها ازا كان الاشي من تلقاء نفسها وكان في حاجة وضرورة لهالاشي، متلا انو بريحو بعد يوم شغل طويييييييييل......

وهيك ما منضطر نفوت لقصة العين بالعين......

تحياتي لالك ليال، حبيت اعقب عمشاركتك لابرز هاي النقطة بوجهة نظري!

لالا-فلسطين 48.

كمان شي جميل
انتي ما بترضي جوزك يعمل الك هيك
هاد برضع لشخصيتك
وعجبتني بردك جملة انوا الحياة الزووجية
مش العين بالعين والسن بالسن
كلام بنت عاقلة والله
نورتينا بمرورك

المشاركة الأصلية كتبت بواسطة الحلوة من رائي الشخصي انو مافيها ايشي ابدا..
اذا كانت الزوجه بتحب زوجها كتير راح تعمل اي شي عشان تسعدو وترضيه.. وبشوف مافي ايشي بيغضب الله عشان ما تعملو.. الاسلام حث على ارضاء الزوجه لزوجها واسعادو ، كتير فيه احاديث وايات على هيك..
والعكس كمان.. المهم يكون فيه حب وتفاهم بين الطرفين..


قسامي غزة.. دائما مواضيعك مميزة ومهمه .. وبتطرح فيها قضايا كتير بمجتمعنا..

الله يجزيك الخير .. ويعطيك الف عافيه..

ردك ايضا رائع اختي الحلوة
وهذا يدل علي تفكيرك العميق والجميل
وايضاً علي البت الفاهمة
نورتينا بمرورك الحلوة
وهما هيك الرفحويات
قد المسئولية دايما

المشاركة الأصلية كتبت بواسطة موسيقى الصمت

مو فرض ولا واجب برأيي .. بس ما بعرف إذا الشي هاد ورد في السنة أو القرآن فعندها بكون شي تاني
لكن لو عليّ أنا ما بعملها .. لانو كرامتي ومكانتي ما بتسمحلي .. مو نوع من الغرور بس مافي عنا هيك شي
بعتقد إلو إيدين بيقدر يلبس ويخلع حذائه بنفسه أما إذا كان مريض أو غير قادر على هالشي عندها من عيوني بعملوا يللي بدو يااه
شكرا علىالموضوع

انتي ردك مثل رد زيتونة
بيظل هاد وجهة نظرك بالموضوع
مع انوا معظم البنات حكوا عكس كلامك
بس هاد بيظل رايك وبنحترموا
وهاد شي بيرجع الك
مع اني اتعارض مع تفكيرك
نورتي بمرورك[/SIZE]