| صفحة 1 من 5 | 1 | 2 | 3 | > | الصفحة الأخيرة » |
|
|
هل هذا الفعل من حق الزوج علي زوجته { موضوع للنقاش}
السلام عليكم ورحمة الله وبركاته
كيف حالكم يا شباب ويا شابات في موضوع جاي علي بالي انزله من فترة وهوا للنقاش الهادف وراح اشوف ردودكم علي هالموضوع هاد طبعا الكل عارف للزوج حقوق علي زوجته والزوجة ايضا لها حقوق علي الزوج واحيانا نسمع ان هناك زوجات عندما ياتي من الشغل او من مكان العمل تذهب وتخلع حذاء زوجها وتغسل رجليه بمية وملح هاد العادة كانت قديما ولكن حاليا قليل الي يسويها فهناك زوجات هما الي بيلبسوا الراجل الحذاء والشربات وطبعا بيخلعوهم لما يروح من الشغل وايضا تلمع حذاء زوجها قبل خروجه من المنزل فطبعا هناك فريقين من النساء الفريق الاول يقول انه هاد شي طبيعي وانا بعمل لزوجي هيك وما في اي مشكلة في هاد الشغلة ومافيها شي والفريق الثاني يقول انوا هاد يعتبر اذلال للمراة ومش من حق الراجل انوا يطلب من مرتوا تخلع الحذاء بتاعه لانوا انا كرامتي ما بتسمح الي اعمل هيك ولو طلب مني زوجي اعمل هيك هارفض بشدة نيجي الحين لراي شباب وشابات فلسطين هل انتم برايكم شي طبيعي لو المراة عملت هيك ام يعتبر وسيلة لاذلال المراة وما بيحق للراجل يطلب هيك طلب وطبعا ما تنسوا الحديث الي معناه لو المراة امرت بالسجود لغير الله لكان احق واحد السجود له هو الزوج وانا سمعت مراة حكت رد عجيب علي هاد القصة باحكيه لما اشوف ردودكم ونشوف تفاعلكم |
رد: هل هذا الفعل من حق الزوج علي زوجته { موضوع للنقاش}
مابظن انو حق الو ، بس هي من باب حرصها عليه وعراحتو ليش لأ، وين الاذلال اذا بدي اريح زوجي وحسسو انو مقدره جهدو وتعبو طول النهار، انا برايي مافيها ابدا اي شي ، بالعكس الزوجة الشاطرة مابتخلي وسيلة إلا وبتساويها لتكسب رضا هالزوج (لو كنت آمرا أن يسجد أحد لأحد لأمرت المرأة أن تسجد لزوجها) ،مابشوفها غلط ابدا ومش ضرورة تخلي زوجها يطلب ويصير الشي تقيل عنفسها لانو انفرض ، من حالها تعملو وتريح حالها وتريحو
|
رد: هل هذا الفعل من حق الزوج علي زوجته { موضوع للنقاش}
بالعكس
شيء جدا رائع وانا شخصيا بحترم المرأه الي بتعمل هيك حتى الرجل ئد مايكون مش منيح ازا مرتوا عملت معو هيك بحترمها وبتكبر بعينو وبيعرف انها بنت اصول ومتربيه انا لما كنت زغيره كنت اشوف ماما تعمل لهيك لبابا الله يرحمو ،،، يعني الشي مش غريب علي وبتصور ازا اتجوزت بعملها بكل قناعه ورضا:ShababSmile116: مابشوف فيها ذل ولا اهانه بالعكس ،،، اقل واجب واقل تقدير وهاي مش مثاليه زايده على ئد ماهو وضع طبيعي :ShababSmile240: // مشكور خيو قسامي ،،، دايما مواضيعك رووعه ممكن ارجع ازا حمي النقاش وصار في خنائ وشد شعر :ShababSmile221: |
رد: هل هذا الفعل من حق الزوج علي زوجته { موضوع للنقاش}
مرحبااااااااا..........
اناشخصيا ما بشوف الشغلة فرض بالمرة، بس ازا عملت هيك المرة لانها هي بنفسها حابة تعمل هيك ومش لانو جوزها اجبرها ولا لانو العادة المتبعة هيك، فوين الغلط؟ بس! انو الزوج ما يتعوَّد على هاد الاشي ،يعني طالع نازل تيجي تشلحو من رجلو وتلبسو، وبدون ما يكون في حاجة لهالاشي، وازا ما عملت هيك بتوجهلها وكأنها عاملة غلط....... يعني انا مع الاشي ازا صدفت وصار، وكان عنجد في حاجة لانو المرة تعمل هيك ومش يكون اشي متبع ولازم لازم.. وكمان انا مع انو الزوج يشلح مرتو ويلبسهابرجلها ازا كان في حاجة!!!! انا هيك رايي...... وشكرا اخ قسامي عهالموضوع الي مش كتير منفكرنطرحو للنقاش... اختك.. لالا-فلسطين 48. |
رد: هل هذا الفعل من حق الزوج علي زوجته { موضوع للنقاش}
طيب لأسألك أنآآ نفس السؤآآل ..
لو طلبت منك زوجتك إنو تغسل لهآ أجريهآآ بالمي والملح ،، وتشلعهآآ لجرآبآت ،، باللهي رح توآآفئ ؟؟ هآآد فعل مذل للمرأة وفعل بيحط كتير من قدرهآآ ،، بس أنآآ بشوف لو جوزهآآ فآآت الأربعين بيكون إلو حق بهالشي ،، خطيييييي صآآر ختيآآر ،، بآآرك الله فيك وهدآك للخيـر أخ قسآآمي ،، ويعطيك العآآفيــِـِـِـِِـِة :) ،،‘ |
رد: هل هذا الفعل من حق الزوج علي زوجته { موضوع للنقاش}
مش حق ومش واجب انو تعملو هيك !!
هي من زات نفسها ممكن ازا حبت نظرا لحبها لزوجها او حابة مرة تعمل هيك حسب ماهي بدها وبتريد .. بس انو فرض او حق او واجب بعتبرو اذلال بعتقد حط حالك انت كمان وشوف لو مرتك طلبت منك هيك طلب .. حتعملها هيك !! بتصور لا وشئ أكيد لآ راح ينت فيها وازا مخو تنح وعقلو ماشالله عنو بضربها .. وبتوصل للطلاق يمكن .. بعتقد الشغلة فيها تفاهم مش قصة واجب وحق .. هيك أمور بترجع لشخصية كل انسان بس بمجتمعنا مجتمع ذكوري .. يعني بعتبرو المرأة ضعيفة والرجل ماشالله عليه .. بحكيلك الاتنين ربنا ساواا بينهم مافي شي بيختلف عن التاني .. كلنا بشر سواء ذكر أو أنثى .. وبعتقد الرجل الفهمان مابتصور يجي يطلب من مرتو هيك طلب بعتقد هو بفكر صح والانسان اللي بطلب منها هيك شغلة بتصورش عشان راحتو بس بكون فيها اذلال للمرأة .. . هو الو ايدين والو رجلين ,, راحتو مطلوبة واشيا تانية مطلوبة من مرتو بس مش انو ولله غسليلي رجلي .. يعمل متل سي السيد ^^ ازا ولله بدي أغسلو رجليه من حقي أنا كزوجة ازا طلبت منو هيك طلب بردو يغسلي رجلي .. وهادا رايي .. ^^ |
رد: هل هذا الفعل من حق الزوج علي زوجته { موضوع للنقاش}
اقتباس:
كيف يعني ما اله الحق انا برايي انوا الزوجة تعمل اي شي بيكون فيه راحة لزوجها وكمان ما ننسي حق الزوجة علي الزوج اقتباس:
لازم المراة تحافظ علي زوجها وعلي بيتها اقتباس:
انك تحكي عنوا فرض يعني انا برايي مو شايف فيها شي شي طبيعي وبالنهاية الشاطرة الي بتحافظ علي زوجها باي طريقة نورتي الموضوع بردك اختي ام الوليد |
رد: هل هذا الفعل من حق الزوج علي زوجته { موضوع للنقاش}
مالو حق لانو مش فرض هاي القصد منو
|
رد: هل هذا الفعل من حق الزوج علي زوجته { موضوع للنقاش}
اقتباس:
بصراحة مش عارف شو اعقب علي كلامك لانوا يدل علي البنت الفهمانة الواعية الي بتعرف كيف تصون زوجها ويارب تعمليها عن قريب :ShababSmile116: انا كمان شايف وضع طبيعي وربنا يرحم والدك وانا كمان كنت اشوف امي الله يرحمها بتعمل هيك لما ابي يروح من الشغل نورتي الموضوع بمرورك ليال اقتباس:
هاد بس من زوقك والله بصراحة انا شايف ممكن يصير شد شعر وبهاد الحالة انتي مطلوبة ههههههههههههه |
رد: هل هذا الفعل من حق الزوج علي زوجته { موضوع للنقاش}
بتصور الوضع مختلف .. حسب العلاقة بين الزوجين
احيانا بنشوف ازواج بعاملوا زوجاتهم بنوع من الرسمية .. و احيانا كأنه مدير و مرته موظفة عنده .. في هاي الحالة اكيد بشوف انه ازا غلست رجليه بتكون مذلة لانه بهاي الحالة مش مرته اللي حتكبر بعينه .. انما نفسه .. يعني بحس بنوع من العظمة :) و بعرف نسوان هيك صاير معهم .. // لذلك بختلف مع ليال لما حكت انه قد ما يكون مش منيح رح يحترمها لما تعمل هيك !! بنظري ازا الراجل مش منيح تطلق منه احسن .. مش تيجي تغسله رجليه !! نرجع لرأيي .. العلاقة بين الزوجين مش محصورة في غسل الرجلين او غيره .. بقدر المعنى اللي بتعطيه هالحركات اعتقد انه ما فيها شي ازا عملتها او ازا هو عملها .. طالما فيها تودد و زيادة الالفة .. لكن اقولك بصراحة .. شخصيا لو طلبت من زوجي مستقبلا يعملها و رفض بدعوى انه كرامته و مدري شو .. اكيد رح ارفض اغسله رجليه !! مع انه بين الازواج المفروض ما في قصص الكرامة و من هالتخبيص .. // و رح ارجع ازا حمي النقاش :ShababSmile221: |
| الساعة الآن 06:55 AM. |
|
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas