معلمات بين الأولاد !!!!!! ما رأيكم

[haya-jor]

المشاركة الأصلية كتبت بواسطة دموع الغربة واشواق العودة

ممممم شوفي حبيبتي انا بحترم كتيييير رأيك بس حابة اوريك وجه نظري ..اذا البنت عندها ثقافة عالية
وعقلها يوزن بلد ..ليش ماتعطي الثاقافة والعقل الي عندها للبنات ليش للشباب خص نص الشباب
في ناس اولى منهم بهاد العلم صح ولا لأ ..وبعدين احنا شو ضمنا الشباب منحين ولا لأ
يعني انتي تخيلي حالك ..داخلة غرفة بأربع حيطان والباب مقفل وكلها شباب والله انا بخاف
شو ضمنك الشباب في هاي الحالة ..في دكاترة وفي اساتذه كتيييييير بدل البنت ..تروح تدرس البنات
..وعلى فكرة صايرة موضة مش عارفة ليش ..انتي شوفيها بكل البلدان بالعالم ..ليش في المدرسة
بيكون في معلمين ومعلمات ..بتلاقي صف الشباب المعلمة بنت والبنات المعلم شب ..ليييييش
ليعكسوا الحال ..خلو كل واحد مع بني جنسو احسن ..هاد رأي ..مع اشد احترامي لرأيك
وشكرا

اكيد يا روحي كلامك كلو صح .. لكن خليني احاول اقلك الي ببالي
صح انو من الاحسن للوحده انها تدرس بنات وتكون بمدرسة بنات وتتعامل مع بنات مو مشان شي لأنو التعامل مع نفس الجنس بكون أسهل سواء مع اكبر منها بالمنصب ولا اصغر بضلو في تقارب بالفطره والطبيعه ...
اما بالنسبه لأنو كيف ممكن تيجي وحده ست تدرس شباب ( مارح اقلك ولاد ضغار لأنو بتهيئلي انو اتي كلامك كلو حول الشباب الكبار ) ..
شوفي يا دموع خلينا نوخدها بطريقه عامه وشامله وما نطلع من زاويه وحده ... الوحده بشكل عام سواء كانت صبيه او كبيره بالعمر هي بتقدر تصون نفسها وهي بتقدر تحدد مدى تعامل الجميه معها
يعني هلأ دكتورات الجماعات اكيد بتعاملو مع شباب بكون منهم طايشين او في منهم قليلن تربايه ... لكن هي الي بتحط الحد للجميع وبترسم شخصيه محدد بتلائم اي ضرف بتكون في ... انا قلتلك انا عندي أستعداد انو ادرس جيش من الرجال لأنو انا بعطيهم علم انا ما بتعامل معهم بطريقه خارج عن نطاق المنطق عشان هيك مش ممكن أكون غير صوره للأحترام والتقدير ولو كنت غير هيك معهم معناته انا بكون غير هيك بالحياه

يعني انتي هلأ فكري معي انا امي متل ام زيد دكتوره
امي دكتورة أسنان وبتشتغل بمشفى عام يعني كل الانواع بفوتو يتعالجو عندها شباب بنات صغار كبار
لكن هي بموقع و بمهنه شريفه وعفتها واخلاقها هي الي بتحكم طريقه تعامل الناس معها... انا ما بدي بس نتانول الموضوع بالتدريس بس
هلأ النساء الي بشتغلو بالبنك مو برضو بقعدو مع رجال بنفس الغرفه ؟ !
بس صدقيني الوحده هي الي بتحط الخطوط الحمرا والحدود لكل الي ببتعامل معهم
مابعرف انشالله تكوني فهمتي علي ... وفهمتي قصدي انو انا ليش مع
بس ملاحضه بسيطه : شوفي هلأ خليني اقلك قصه او مش قصه بس شوفي الفرق وانتي اكمي
عنا لما يقولو لوحده خلص رح تتجوزي بتستي وبتخجل ؟ !!!
اما عند الغرب لما يقول لوحده هيك بتقول اه وبتنبسط وبتقول انو اه اكيد وبتمنى اكون ام واعيش حياتي مع الي اخترتو !!
يعني شوفي كيف الفرق بالتفكير وكيف بتتاخد الامور عنا ؟ !!!!


مشكووره يا امووووره على زوقك ورئيك وانا بحترمك وبحترم رأيك