معلمات بين الأولاد !!!!!! ما رأيكم

[حنين04]

أول شيء السلام عليكم ورحمه الله وبركاته :


حابه أشارك بموضوع جديد وانا صارلي زمان عن المنتدى والموضوع هو تدريس العلمات في مدارس الأولاد واللي صاير عنا هالايام شو رايكم فيه ؟؟؟؟
يعني بدي أسأل الشباب بالذات شو موقفهم من معلمه بتدرسهم؟؟؟
والأهم لو كانت اخته بنفس الموقف شو نصيحته الها؟؟؟؟؟
وشكرا للجميع وتحياتي للجميع بالمنتدى

[دموع الغربة واشواق العودة]

انا مش عارفة شو هاي الموضة ..اصلا كيف بتقبل بنت انها تدخل وصت شباب ..انا بستحي من الاقارب
اكيد هاي البنت ماعندها ذرة حية ...اصلا عيب والمفروض يكون ممنوع بس شو بدنا نساوي مادمام الحكومات
غبية ..ومابتعرف توظف ..صاروا البنات يدرسهم شب ..والشباب يدرسهم بنت ..ومش كمان الكلام موجه
للبنت الكلام موجه للشب استحي على دمك ..وشكراا الك على الموضوع ونفسي ابعت ورقة للحكومة
احكيلهم بطلوا سخافة وتقليد الاجانب احنا عرب اذا عندكم خبر ..وشكرا ياعسل على الموضوع العسل

[المتغرب]

برضو انا ريأي من راي اختي دموع الغربة واشواق العودة يعني لدرجة هاي بطل في حيا في البنات ولا في الشباب انهم يدرسو بنات او تدرس شباب اي والله انا وانا شب بخجل من البنات وبتصيبني حاله غير طبيعية لما اشوف بنت قاعدة جنبي مش فاهم كيف هدول الشباب بروحو يدرسو بنات انا نفسي ما بتخيل حالي وسط غرفة كلها بنات الا انا شاب يعني بس المشكلة العتب على الحكومات اللي سامحه بشي هادا عشان هيك كمان انا بدي ارسل ورقة للحكومة واقللهم استحيو شوية وخلي عندكم ضمير ودم وةخافو على بناتكم وحريمكم
وشكرا على الموضوع الروعة
تقبلو مروري
اخوكم
المتغرب

[moon girl]

الصراحه هاي البنت ماعندها حياءابدااااا

لانه المفروض تستحي يعني لوشب هو كمان عيب بس ممكن تنبلع بس بنت درس شاب مابتدخل العقل


المفروووض تبطل معلمات درس شباب وكمان اهم شي وهوي سبب المصايب نبطل اختلاط بالمدارس اهنا هون بالسعوديه مافي اختلاط ومعلمات بدرسونا بس للاسف في مدارس خاصه فيها اختلاط الله يهدي الكل


يسلمووو خيتو على الموضوع الحلوة متلك ياعسل

[haya-jor]

O m g

عنجد صدمتوني بأرائكم !!!!!!!!!!!!

لما انسانه تكون قد حالها تكون واصله لدرجه ممتاز من الثقافه والعلم هل عيب ازا درست شباب ولا بنات ولا بطيخ ؟
هي الدكتورات في الجمعات ؟؟ قليلات ادب ؟ اي انسناه عندها موهبه درستها لشباب بتكون عاطله

الرجل مش عدو ولا كأن غريب لازم يكون في وعي ... يعني أراء متل هاي والله بتققل من احترام اي معلمه او معلم
مهو الاختلاط بكل مكان موجود بالماطار بالبنوك بالمستشفى بالدكان بالميكروباص .... يعني دخيل الله انا .. ليش ما خدين القصه انو متل الغرب
يا جماعه الاسلام عمرو ما رم الاختلاط ابدا ودليل كانت نساء تشارك بالغزوات مع الرجال
يعني في شي بالعقل وشي ما بتحملو المنطق
انا بالنسبه الي شخصياً بشوف انو لابد من التنوع يعني يكون في مدرسين ومدرسات
وبالعكس هادي الخطوه بتعلم كتير ...!
لما الشب يكون متعود من صغرو انو في نساء غير امو واخواتو ممكن يحترمهم ويحبهم ويكونوا بمكانت امو والقدوه الو
ولما البنت تتعود على انو ممكن التعامل مع رجل وهي بكل قوتها وتعرف انو انسان متلو متلها ازا ماكنت متلو ما تكون اقل منو
عمرنا ما شفنا هادي الحاله الي بجمعتنا وبشوارع ..

احر شي بحب اقلو انو انا بصراحه بدرسني معلمين رجال ... وعادي جداً
وانا عندي استعداد ارووح ادرس جيش من الرجال لأنو انا ما بهين نفسي انا قبل ما اقدم نفسي علمي بقدمني
انا قبل ما احكي اخلاقي بتحكي

[إيمـان]

صحيح دموع الغربه كلامك جواهر والالماس ياعسل انا رائي من رائي دموع
شكر حنين والموضوع حلوووووووووووووووو

[Zaid]

يا محمد يا علي يا عيسى ويا موسى
مشان الملائكه
بس فهموني
هسى البنت إلي بتدرس شباب هيك صارت ؟؟
وين العلم .............. وين الثقافه ............... وين الدين ................ وين العقل والمنطق .........................
نفسي افهم البنت بتوكن وقحه اذا درست شباب
اما اذا طول نهارها بطق حنك مع فلان وعلنتان على النت وغيروا هاي شريفه مكه ؟؟؟؟؟؟
ما تقولنيلي انكن ما بتحكن مع شباب
سواء على النت لوا غيروا ؟؟؟
عاد حبيتن تضحكن على الناس مش مشكله بس خليكن صادقات مع انفسكن شوي
الدكاتره بالجامعات مو محترمات ................ المدرسات إلي بالمدارس عديمات الشرف
يعني إلي قاعده بالبيت بتحش في فلانه وعلنتانه وهاي قالت وهاي شرت
ولا ام المولات اشرف منهن
ما بدكم المنطق ولا العقل
اوكي
راح نجيبها بالدين
ولا يهمكم
بما انه وعلى ما اعتقد هو الحل الأمثثل لجعل الجميع يقرأ ليس شرطا الإقناع
دور المرأة في مجال السياسة و العهود:

كانت المرأة تشارك مشاركة واسعة في النشاكات السياسية المختلفة و هي في حد ذاتها دعوة إلى إصلاح المجتمع و تخفيف من أعباء الرجل السياسية. كان النبي -صلى الله عليه وسلم - قد فتح مكة بعد ثمان سنين من الهجرة إلى المدينة، و كان قبل ذلك قد حكم بالإعدام على بعض المجرمين من أهلها. و عند رجوعه لفتح مكة هرب هؤلاء المجرمون خوفا من حكم العدالة، و لكن إبن هبيرة قد استجار بأم هانئ ابنة عم الرسول فأجارته، فاعترض بعض الصحابة على هذا العهد النسوي و احتجوا بالويلات التي ذاقوها من أمثال ابن هبيرة.

فجاءت أم هانئ إلى النبي -صلى الله عليه وسلم - فقالت:)يا رسول الله زعم ابن أمي، تقصد شقيقها عليا، أنه قاتل رجلا قد أجرته، إنه ابن هبيرة يا رسول الله، فقال النبي : قد أجرنا من أجرت يا أم هانئ)[3]].

دور المرأة في القتال:

لقد كانت المرأة المسلمة أيام الرسول -صلى الله عليه وسلم - و في العهد الراشدي تقاتل إلى جانب الرجل بكل شدة و صلابة..

فالربيع بنت معوذ كانت تغزو مع الرسول -صلى الله عليه وسلم - فتداوي الجرحى[9]. و صفية بنت عبد المطلب رأت يوم الخندق رجلا يهوديا يتجسس على المدينة فضربته بعمود فقتلته و كانت وحدها. و أم العلاء الأنصارية كانت تعالج الصحابة المرضى، و عولج عندها عثمان بن مظعون حتى توفي[10]. و أما رفيدة الأسلمية فحدث و لا حرج أمر لها النبي -صلى الله عليه وسلم - بخيمة فكانت تداوي الجرحى بعد معركة الخندق، و داوت سعد بن معاذ[11]

ما قعدوها بالبيت وحكوله لأ اقعدي مكانك عيب
طول ما الرجل بفكر بالمرآه _ خليني اكون صريح احنا هان ناس كبيره وفاهمه _ بنصو إلي تحت عمرنا ما راح نتقدم خطوه
وبخصوص الغرب إلي قاعدين بنحكي عنهم
لما نوصل نص إلي وصلوه بالعلم والتقدم بهذا الزمن بعدي بنصير نقول الغرب كخه بتعليمهم
عمرو الزاوج ولا حتى اولاد اعطو المرأه اي حق إلها
بالله عليكم زوج يمكن بيوم وليله يصير خريب عليها كليا ولا ولاد آخرتهم يتذكروها بتلفون هضول مستاهله المرأه تفني عمرها عشانهم
طيب يا ستي العزيزه حنين انا امي دكتوره _ طبيبه _ ما بتدرس شباب بل اناه تعالجهم
وبتعملمهم عمليات وبتكشف عليهم !!!!!
عيب حرام ؟؟؟؟؟ قله حيا ؟؟؟؟؟؟؟
قبل ما نقول آمين ورا إلي بقول ولا الظالين نعرف مين هما الظالين
- مش الآيه القرآنيه طبعا _

هينا جبنها بالدين و بالمنطق عشان العلنماي والمؤمن يفهمو

[أبو يقين]

اسمعي

أنا مش رح أجاوب الا بهالشي

الشب ليش يدرس بمدرسة بنات والشابة أو البنت تدرس في مدرسة أولاد انتي نفسك اسئلي هالسؤالين

يعني ده بجاوب على كلامك

[دموع الغربة واشواق العودة]

المشاركة الأصلية كتبت بواسطة haya-jor O m g

عنجد صدمتوني بأرائكم !!!!!!!!!!!!

لما انسانه تكون قد حالها تكون واصله لدرجه ممتاز من الثقافه والعلم هل عيب ازا درست شباب ولا بنات ولا بطيخ ؟
هي الدكتورات في الجمعات ؟؟ قليلات ادب ؟ اي انسناه عندها موهبه درستها لشباب بتكون عاطله

الرجل مش عدو ولا كأن غريب لازم يكون في وعي ... يعني أراء متل هاي والله بتققل من احترام اي معلمه او معلم
مهو الاختلاط بكل مكان موجود بالماطار بالبنوك بالمستشفى بالدكان بالميكروباص .... يعني دخيل الله انا .. ليش ما خدين القصه انو متل الغرب
يا جماعه الاسلام عمرو ما رم الاختلاط ابدا ودليل كانت نساء تشارك بالغزوات مع الرجال
يعني في شي بالعقل وشي ما بتحملو المنطق
انا بالنسبه الي شخصياً بشوف انو لابد من التنوع يعني يكون في مدرسين ومدرسات
وبالعكس هادي الخطوه بتعلم كتير ...!
لما الشب يكون متعود من صغرو انو في نساء غير امو واخواتو ممكن يحترمهم ويحبهم ويكونوا بمكانت امو والقدوه الو
ولما البنت تتعود على انو ممكن التعامل مع رجل وهي بكل قوتها وتعرف انو انسان متلو متلها ازا ماكنت متلو ما تكون اقل منو
عمرنا ما شفنا هادي الحاله الي بجمعتنا وبشوارع ..

احر شي بحب اقلو انو انا بصراحه بدرسني معلمين رجال ... وعادي جداً
وانا عندي استعداد ارووح ادرس جيش من الرجال لأنو انا ما بهين نفسي انا قبل ما اقدم نفسي علمي بقدمني
انا قبل ما احكي اخلاقي بتحكي

ممممم شوفي حبيبتي انا بحترم كتيييير رأيك بس حابة اوريك وجه نظري ..اذا البنت عندها ثقافة عالية
وعقلها يوزن بلد ..ليش ماتعطي الثاقافة والعقل الي عندها للبنات ليش للشباب خص نص الشباب
في ناس اولى منهم بهاد العلم صح ولا لأ ..وبعدين احنا شو ضمنا الشباب منحين ولا لأ
يعني انتي تخيلي حالك ..داخلة غرفة بأربع حيطان والباب مقفل وكلها شباب والله انا بخاف
شو ضمنك الشباب في هاي الحالة ..في دكاترة وفي اساتذه كتيييييير بدل البنت ..تروح تدرس البنات
..وعلى فكرة صايرة موضة مش عارفة ليش ..انتي شوفيها بكل البلدان بالعالم ..ليش في المدرسة
بيكون في معلمين ومعلمات ..بتلاقي صف الشباب المعلمة بنت والبنات المعلم شب ..ليييييش
ليعكسوا الحال ..خلو كل واحد مع بني جنسو احسن ..هاد رأي ..مع اشد احترامي لرأيك
وشكرا

[حنين04]

عن جد صدمتوني بآرائكم يعني هون بالضفه أكيد أهل الضفه بعرفوا بالمعلمين اللي انفصلوا وبعرفوا أنه تعين مكانهم أغلب الأحيان بنات والبنت اللي قبلت لحالها تدرس بمدارس الأولاد الها ظروفها اللي أجبرتها على هالخيار ما بعرف ليش أنتو فكرتو بالموضوع غير وبعدين لما تكون البنت متخرجه من الجامعه يعني عمرها أكتر من22 سنه وبتدرس أولاد أصغر منها أقل شيء ب5 سنوات يا ترى هالاشي كتير سيء





بصراحه عقدتوني هذا الموضوع كله بخربط



اشي تاني هذا رأي الناس كلها ولا بس أنتو؟؟؟؟؟؟؟؟؟؟؟؟