إن الله لا يغير ما بقوم حتى يغيروا ما بأنفسهم

[ملكة الإحساس]

المشاركة الأصلية كتبت بواسطة mohade هلا خيتو انورتي

معك حق انو الشغلة مش سهلة بس لو كل واحد فينا بلش من نفسو وبعديها بلش باخوتوا واهلو وبعديها بصحابو بعديها بحارتو وكل واحد من اللي اثرت فيهم ياثر بكمان واحد الشغلة بتوقع انها بتزبط وخاصة اذا بلشنا بالاطفال الصغار ننمي فيهم حب الوطن من هم صغار هدول بطلعو جيل ناجح

عندي تعليق
الشغلة مش قصة قناعات داخلية بتحتمل الصح والغلط
حب الوطن وانو تعمل لوطنكلازم تكون بداخلك ما اظنش في حد ببخل عوطنو باشي
ولا بكون قليل اصل ولا لا
هلا الناس اغلبهم مش واعين مع الاحترام للجميع وكل واحد ملتهي بشغلات تافهة
وين الغلط لو مثلا عملتلك اشي لوطنك ربيت ولادك عحب الوطن ؟
الشباب شو المانع مثلا انهم يتنظمو يدافعو عن وطنهم بدل ما هم فايعين بالشوارع لا شغلة ولا عملة بس يلطشو بنات ومن هالحكي
الصبايا شو المانع وخاصة بوجود النت انها تتعرف عابطال البلد وتجمع صورهم مثلا وتعرف قصصهم بدال ما تكون دايرة ورا المطربين والممثلين وملاحقتهم بكل مكان وتبدل الاغاني العادية باغاني وطنية مش شرط كلشي بس يعني اشي ينمي حب الوطن فيها هلا عالنت بتنط عجوجل بتقرا اشي من الاخر وطبعا واهم شغلة عدم التحيز لفصيل معين

بالنسبة لسؤالك هههه
الحمدلله انا تربيت عحب الوطن وبين ايدين هههه وطول عمري بحلم بالشهادة وطول عمري هيك عندي روحي فدا الدين والوطن
وقد ما بقدر بحاول اغير اللي حوالي

منورة خيتو ويسلمو عرايك الحلو

بالنسبة لتعليقك ..
أكيد حب الوطن ما بدو قناعات .. بس غالبا الحب للوطن موجود عند الكل .. كل انسان بحب وطنو وبيفتخر بوطنو وين ما كان .. حتى لو ما كان ساكن فيه ..
بس الفرق في نظرة الشخص للوطن ،، هاد ياللي في قناعات ،، لانو
في شخص بعبر عن حبو لوطنو بأنو يحارب ويجاهد يعني بالنفس
وفي شخص بعبر عن حبو لوطنو بانو يكتب وينشر يعني بالقلم
وفي شخص بيقدم مساعدات وبساهم بنماء الوطن بالمال
وفي شخص بيلجأ للدعاء
يعني كل انسان الو اسلوب لحب الوطن مبنية ع قناعات داخلية ..
وعلى قدرات كمان ..
...
وبالنسبة للأغاني .. والصور ومن هالحكي ..
أكيد كل إنسان بيمتلك دافع وإصرار وقوة تأثير راح يغير كتير.. بس هي مسألة وقت واقناع ..
والله يهدينا ويهدي الجميع ..
...
يعطيك العافية اخي .. وان شاء لله تنال الشهادة .