إن الله لا يغير ما بقوم حتى يغيروا ما بأنفسهم

[دموع الغربة واشواق العودة]

المشاركة الأصلية كتبت بواسطة MoHaDe السلام عليكم اخواني واخواتي الاعضاء


حابب احكي بهادا الموضوع عن كم شغلة ببالي وان شاء الله بتزبط الوضع وشوي شوي بتنتشر بكل فلسطين

اكيد بتعرفو الايه بالقران الكريم قال تعال :" إن الله لا يغير ما بقوم حتى يغيروا ما بأنفسهم " صدق الله العلي العظيم .
بغض النظر عن فتح او حماس او المشاكل نفسها اللي داخل البلد انا بدي احكي عن شغلات تانية
مش شايفين انو الناس نفسها بطلت تسال بالبلد ولا بالدين
ودايرين ورا الاغاني والهبل والمطربين والشغلات الفاضيه
طبعا يا عمي بنقدرش نمنع عنهم هالاشياء بس القصد انو اسمع اغاني ماشي بس ليش مثلا ما تحولها من اغاني عاديه وتسمع بدالها اغاني وطنية ؟
وخاصة العالم اللي بتسمع اغاني عبري هدول اكتر اشي بقهروني بكون زي اليهود لبسو وخلقتو وبسمع اغاني عبري مش ضايل الا يحول يهودي
بدال ما تلم صور مطربين وفنانين وتعرف قصصهم وتابعهم وين راحو ووين اجو تابع قصص الشهداء والاسرى تابع قصص البطولات والعمليات اللي بتصير وجمع صور ابطال فلسطين
وين الغلط لو التفتت لبلدك شوي ؟ وين الغلط لو انت بلشت بهالشغلة واثرت عالناس اللي حواليك خليتهم يسمعو اغاني وطنية مثلا ويعرفو قصص الشهداء والقادة تعرفهم عن ابطال بلدهم بدال مهم دايرين ورا امور تافهة
وطبعا الشباب بدال مهم مضيعين وقتهم وطاقاتهم عالفاضي وطول وقتهم بالشوارع لا شغلة ولا عملة ليش مثلا ميتنظموش هادا بالمناطق اللي فيها تنظيمات ويتدربو عالسلاح مثلا او اذا بدوش مثلا بتنظيم يدخل بنشاطات توعي العالم عندو ياثر على عيلتو اهل حارتو وصحابو
يعني هلا اول ما بلشت الانتفاضة عنا وبلشت حركات المقاومة بلشو بالحجر وبلشو يوعوا بالعالم ويرجعوهم للدين بعديها بلشو بمرحلة السكاكين مع العلم انو السلاح كان نادر جدا جدا جدا هديك الايام بعد السكاكين تطورت الامور وصار يبين شوية قطع سلاح وصار يخترعو اسلحة مثل الكارلو مثلا بعديها تطورت الامور واستخدمو المتفجرات والعبوات وهيهم كلمالهم بتقدم ليش ما انت وصحابك تكونوا جزء من هالتقدم مع العلم انو هلا الامور اسهل من زمان والسلاح تقريبا موجود يعني هلا المقاومة بمرحلة متقدمة جدا عن زمان

هلا فكرو معي مش لو كل واحد فينا بلش يفكر هيك وبلش ياثر عاصحابو والعالم اللي حوالي كيف بكون وضعنا لما كل الشعب همو الاكبر الدين وفلسطين ؟
مش وقتها بنكون غيرنا ما بانفسنا والله راح يمشي معنا بهادا التغير وينصرنا ؟
وطبعا بعد هالحكي المفروض كمان الواحد يكون بس تفكيرو اشي واحد انو كلنا اخوة دم ودين وشعب وكلنا فلسطينية بلا فتح بلا حماس هدول فش الهم اعتبار قدام اشي اكبر كلكم ابناء وطن واحد فش داعي انو الكبار ياثرو عليكو

وان شاء الله ببلش التغير منكم اخواني ويمتد منكم لاهلكم وبعديها لجيرانكم وبعدها لحارتكم وبعدها وبعدها لبلدكم وبعدها لكل فلسطين

مش حاجتنا تخلف ودايرين ورا امور عالفاضي هادا الكلام موجه لفئة الشباب يعني نادرا ما تلاقيلك شب وطني و همو الاكبر فلسطين

بتمنى تدخلو وتناقشو معي ويتغير فيكم لو اشي صغير وتاثرو عناس غيركم

عن جد خيو هاد الموضوع بتستحق عليه الذهبية خصيصا انو بهاي الايام الشباب والصبايا
ماعندهم شغلانة غير يشوفو قصة حياة المغني الفلاني او المسلسل الفلاني
ونادر مابتلاقي شباب متدينين ...وانا عن حالي ..كنت هبلة زيهم ..بس بطلت
صرت احب بلدي عشق غير طبيعي ..لدرجة انو حتى امي وابي استغربو مني
وصرت شوي شوي اثر على اخواتي واخواني زرعت بقلبهم حب الوطن من وهم صغار
وبعدين بالمدرسة في بنات كانو بيعتقدوا حبي لبلدي مجرد كذبة بافتخر فيها
بس صاروا يقرأوا عن فلسطين واكتشفوا انها كتيييير بلد حلوة وعظية ..يمكن ماقدرت ااثر
عليهم انهم يسيبوا الاغاني ..بس على الاقل خليتهم يتعرفوا على حضارة شبه منسية عندهم
ويااااارب اقدر ااثر عليهم بالكامل ..ادعيلي ...وادعوا لكل الامة العربية ...
الموضوع كنت انا بدي اطرحوا بس سبقتني ...بس كتييييييييييييييييييييييييييييييييي ييييييييييير
حلو وهادف ..