قصيــــــــدة \ودي أموت اليوم وأعيش باجر

[@نسمة القسّام @]

ودي أموت اليوم وأعيش باجر
وأشوف من هو بعد موتي فقدني
من هو حملني لين ذيك المقابر
وأشكر أنا كل من كرمني ودفني
بشوف يرثيني أنا كم شاعر
ومن هو تركني وما كتب عني
شخص (ن) تعنالي مع أنه مسافر
وشخص (ن) قريبن وأنا ميت طعني
وشخص (ن) يمثل دمعته ما هو قادر
وشخص (ن) تطيح دموعه كل ما ذكرني
ومن هو من أهلي في العزاء كان حاضر
ومن هو دعالي في صلاته ورحمني
ومن هو بنى بأسمي سبيل ومنابر
ومن هو يفز قلبه إلى من لمحني
ومن هو عشاني طول الأيام ساهر
ومن هو ثلاث أيام راح وتركني
ومن هو يرتب غرفتي والدفاتر
إن شاف صوره لي مات وحضني
يالله عسى ما تخفى كل المشاعر
ويالله عسى ما ينصدم يوم ضني
خايف يروح العمر وأكون خاسر
إن طار طيري ما يفيد التمني
وخايف يجيني وقت أكسر خواطر
إن دارت الدنيا وزماني كسرني
ومادام هاذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل ما بغيت أضحك يهددني حزني
الظيج وافي والحزن حيل وافي
والجرح أكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وشتبي وتتركني يا حزني أمر
مسكين فرحي تصدج أنه وحشني
شاعر ولكني ماني بشاعر
ودي أموت اليوم وأرتاح منك

الشاعر أحمد الصانع

[روان فلسطين]

يعطيكي العافيه

حلوه وعبره

بس مو مكانها

تسلمي اني واي