اعلن انسحابي من المنتدى

[**بنت الجزائر**]

السلام عليكم اخواني اخواتي كيف راح ابدا بس احاول ان اعتذر لكل واحد منكم اني زعلته في هاد المنتدى اللي انا كثير حبيته من قلبي والله وانا بالمنتدى قرات ردود تجرح القلب على احد مواضيعي ولكن لن اذكر العضو اللي كان السبب بس الله يسامح وخلص بدي اقلكم اني قررت الانسحاب من المنتدى بصمت والسلام عليكم لان كل واحد فينا يحس زي اي حد زي مادخلت لاول مرة في المنتدى وقلت السلام عليكم زي ماانا خارجة واقلكم السلام عليكم

الله معاكم ياغاليين على قلبي وسامحوني اذا في يوم ماعجبتكم

[نور الهدى]

طيب اختي

اظن انك تقصدينني

لكن مهلا

تعليقي كان على موقف الجزائر و ليس عنك

انا اصلا جزائرية .. و احب بلدي .. لكن حكامه زفت

و يا اختي انا اسفة

لكن يبدو انك فاهماني غلط

[ترانيم الشوق]

استني لشو بدك تروحي والله ما في شي بيستاهل

ولا حدا بيستاهل لتطلعي من شانو

بحياة الله ما تطلعي انا ما بعرف شو الموضوع الي زعلك

او العضو بس والله ما في شي حرزان

انت احكيلي مين الي زعلك وشوفي شو رح اعملك فيه

بالله عليك خلص ما بحب اترجى حدا بس انت صرتي وحده منا

وبعدين يمكن الي فكرتي جرحك عم بيمزح

خلص يا بنت الحلال اخزي الشيطان ولا تنسحبي

يالله ارجعي اشوف ..........طولي بالك يا بنت الحلال

طيب احكيلي مين زعلك والله لورجيكي شو رح اعمل فيه

بعدين يمكن ما أصد بلي حكى

بعدين كل الاعضاء حبابين وما حدا صار

انو جرح او زعل حدا اكيد انت فاهمه غلط
يا الله خلص ارجعي

[ترانيم الشوق]

لحظه انا هلأ رديت وما نتبهت لرد نور

بس والله نور طيوبه واكيد ما ئصدت تزعلك

وليكا مبرره الي حكتو وانها ما بتئصدك

[ابن الخليل]

انتي ممكن تكوني اغلقتي باب خير بيفدك و يفيد غيرك اختي انتي الك مشاركات رائعة خاصة في قسم الشريعة و الحياة تروي قبل ما تطلعي

[صدى الحب]

لا يا بنت الجزائر ما تطلعي
خليكي معنا هيك سبب بخليكي تطلعي
احنا اتعودنا عليكي بينا وما بصير تتركينا
ارجعي خليكي معنا اوكي
سلامو

[فلســـــطينــــي]

اختي

انا بدي احكي الك

عن تجربة

انا

كنت بدي اطلع

بس طول ما انا باتزكر ابنا المنتداء

ما بقدر انساهم

صرنا زي العيلة

استني وفكري

وانتي راح تعرفي

تحياتي

[اجمل احساس]

شو تطلعي ما تطلعي هاي ،ما بيصير حبيبتي انتي هلا اختنا ومنا وفينا

وانتي محبوبة كتير وطيوبة بجد ومواضيعك مميزة وحلوة كتير


خليكي معنا ولا تتركي المنتدى لانو وقتها الكل رح يزعل منك بجد


راجعي حالك مشان خاطري

[غزاويه]

بنت الجزائر ..":

حبيبتي ليش بدك تتركينا ":/,

انا والله مابقدر روح ع قسمي ومالقيكي منزله موضوع فيه :/,

انتي من الاعضاء المميزين عندي في القسم ":/,

فليش بدك تتركينا :/,/

انتي فهمتي موضوع نور غلط يعني الحكي مش لالك ":/,

انتي منا "/:/

لا . عن جد مابسمحلك تتركينا .:"/

ع القليله عشان قسم الشريعه والحياه :؛<::

يلا بستنا منك موضوع من مواضيعك المميزه ":./,

[راحل مع النسيان]

انا جديد ومعرفش بنت الجزائر
بسي من هالكلام بتاع الاعضاء اكيد انتي بنت محترمه وجميله
وكمان اللي زعلتك اعتزرت
والمسامح كريم
يلا بقي
يعني انا يوم ما ادخل هالمنتدي تخرجي انتي
انتي عايزه ان الاعضار يقولو زياد وشه وحش
يلا راح نستناح
كنا بنستنا من زمانٍ حمدا لله عالسلامه