ارجو القراءة الكاملة و من ثم الرد

[ابو وديع صلاح]

يا جماعة و النبي احنا عدنا بستان

جنة من هالجنان بيها ما تشتهي الانفس

و الفواكه الوان و بيها هالانهار تجري مثل دجلة

و الفرات لون ميهن لون خمري مو خمر ماء

الحياة لكن اللي يدري يدري و اكثر العالم

متدري سرنا محد يدري بيه وقف هالبستان

ذري صايرة للاجنبي

ـــــــــــــــــــــــــــــــــــ ـــــــــــــــــــــــــــــــــــ ـــــــــ

يا جماعة و النبي احنا عدنا بستان جنة من هالجنان

كلنا مولودين بيها من نزار و محطان دار سكنة وساكنيها

ولد عم و اخوان كنا عصبة شقد قوية كنا نرعد للرعود

و من لفو هالحرامية فرقونا بهالحدود و اصبح الراعي رعية

و صرنا كلنا انأدي جزية يا عرب للاجنبي

و انطفت ذيك الحمية و الزلم لبسو عبي

ـــــــــــــــــــــــــــــــــــ ـــــــــــــــــــــــــــــــــــ ــــــــــــــ

يا جماعة و النبي احنا عدنا بستان جنة من هالجنان

طامعين بيها الناس من زمن الرومان

غدت يا وسفة عليها اليوم وكر الغربان

و احنا اسم الله علينا كاتلتنا الزعامات

ملتهيين بقال و قلنا و بجدل و مهاترات

يا عرب محنتنا محنة بعضنا يضادد بعض و الثمر للاجنبي

يا زلم مو و الله انظلمنا و الظلم من يرضى بيه

ـــــــــــــــــــــــــــــــــــ ـــــــــــــــــــــــــــــــــــ ــــــــــ

يا جماعة و النبي من حقوق الانسان بالعرف و الاديان

يعيش حر الفكر و الراي حر اللسان يعيش مطمان البال

كائن من كان لكن الظلم تجبر سلب حقوق العباد و انطوى

قلبا على الشر عاث بالدنيا فساد و الظلم لو دام دمر

يحرق اليابس و الاخضر و اللي ما يصدق غبي

يا عرب الله اكبر

امة العرب ثبي

ـــــــــــــــــــــــــــــــــــ ـــــــــــــــــــــــــــــــــــ ــــــــ

يا بلاد الرب جددي عهد النبي جاهدي لا تتعبي

اقدمي لا ترحبي مهدنا يا قوم امسى موطئا للاجنبي

من اقاص حضر موت لاقاص المغربي