| الإهداءات |
|
|||||||
 |
|
|
أدوات الموضوع | انواع عرض الموضوع |
06-23-2008, 02:43 PM
|
#1 | |||||
|
I ♥ PALESTINE
قوة السمعة: 92
 |
الزّفة ...
:sh1:
الزفة: هو ما يهتف للعريس من بعد الانتهاء من (حمام العريس)، بحيث يقوم المقربون للعريس بحمله على أكتافهم ، أو أن يصعد على ظهر حصان ، و يقومون بالمشي في حواري منطقتهم-قريتهم- متجهين لبيت العروس ، يصاحب هذا المشوار أهازيج من أهل العريس تدل على فرحتهم لزواج ابنهم ، و يشارك في الزفة المقربون للعريس و أجمل ما في الموضوع مشاركة أهل المنطقة في الزفة سواء كانوا يعرفون العريس أو لا، و من هذه المشاهد خروج النساء من نوافذ بيوتهن و رمي الحلويات على العريس و الزافين. تابعوا معي ما يقال في زفة العريس: دير البلح-قطاع غزة يا عريس عليك اسم الله جبنا لك غزال محنى حنن يا قرع حنن شوف الحلوة بيجنن طولك طول عرابي باشا شوفك خلا الناس دهاشا يا محمد لا تهتم رجالك شرابين الدم اعطيني توبك ترقص فيه وبنص الليل تعالي خذيه يام الثوب سباغ الهندي ما بقيلك حاجة عندي يام الثوب ال الطرزتيه حطيت البلاوي فيه عن جويزك خبيتيه ولعشيقك فرجيتيه يا محلا ضرب الشباري في الاعدا والدم جاري ياويل اللي يعادينا يطلع برة يلاقينا ياويل اللي نحاربو بالسيف نقطع شاربو ياويل اللي يحاربنا لو وقفت شواربنا محمد يا نور العين يازمردة في قلادة ياريت امك جابت اتنين يوم الحبل والولادة بابور على الجسر ممدود وخشبة من لديد النجارة واحنا حزام المتاريس لو صار ع البيض غارة يا صاحبي ناديلي نادي من فوق ابو عرف مايل عن خويلفه للبساتين ما يسكنوها قبايل زفة العروس يا عينها عين الحور يا خدها كما الدوحان يا شعرها كمالف الغمور وحدهن بالدهان يابنت جمالك نهشني واجت نهشتو في الملاية ورمان صدرك دهشني وخلى فطورك عشاية ياريت طيرنا موس واطير على جناحو واهدي ع الخد وابوس واقول طابت جراحو :sh71: رفح -قطاع غزة في زفة العريس درج يا غزالة يارزق الحلال درج يا حبيبي ريتك من نصيبي تلولحي يا دالية يا ام غصون العالية تلولحي عرضين وطول تلولحي لقدر اطول يلعن أبو المدارس غلّن مهر العرايس يلعن ابو الجامعات غلن مهر الطالبات يام الثوب ال طرزتية حطيتي البلاوي فيه وعن جويزك خبيتيه في نص الليل تعالي خذيه الهيلمان الهيلمان الهليمان على تمو تمو يا خاتم سليمان الهيلمان على طولو طولو يا عود الريحان الهيلمان على عيونو عيونو يا فتحة فنجان الهيلمان على شعرو شعرو يا ريش النعام الهيلمان على سنو سنو يا لولو ومرجان يردد اللويح ويرد الشبان والعريس في الوسط كنت أعزب داير مجنون بلعب بين الشبّان قاللي عقلي واتجوّز قسمة نصيب أخذت الزين حبل الزين وجاب غليم وصار يقوللي يابابا بدي حلاوة منفوشة مديت ايدي ع الجيبة لقيت الجيبة منكوشة ومنو منو صار الغوش وع السرايا ودوني ألف عصاية ضربوني ويا ثعلب ويا مكار وايش دلّك ع باب الدار دلني ما دلني دلني ابن عمي النمس اللي لفتو قنطار يا بنت ياللي في البيت لا تحسبيني جنيت يا بني ياللي في الدار لا تحسبيني غدار لولا الحكومة والحكم قاسي لانزل ع ابوكي بموس الكبّاسِ لولا الحكومة والفدائية لانزل ع ابوكي بموس وشبرية يا رمان رمان مليسي يا رمان كلو على كيسي :sh71: قرية بيت حانون-قطاع غزة حمام العريس في العادة يقوم أحد أصدقاء العريس بدعوته إلى بيته وتتم الحلاقة والحمام في بيت الصديق: عطرلو شليشو هالعريس غالي ع اهل حوشو هالعريس واحلق يا حلاق وعطرلي شليشو نيّال العريس الغالي ع اهل حوشو عطرلي منديلوٍ هالعريس غالي ع اهل جيلو هالعريس عطرلي عقالو هالعريس غالي على خوالو هالعريس عطرلي محرمتو هالعريس غالي على مرتو هالعريس يخرج العريس من بيت صاحبه باتجاه بيت العروس طالعين من باب هالدار لا بسين ملبسين لا بسين الجوخ الاخضر على كتوف السلاطين وابعدو العريس عن خيو من عيون الحاسدين طالعين من باب هدار لابسات ملبسات لابسين الجوخ الاخضر على كتوف البشوات وابعدو العريس عن خيو من عيون الحاسدات العريس وربعو راكبين مهارة العريس وربعو راكبين مهارة زغرتيلو يامو يام اسوارة لخوف بنيك لتصيبو العين يا مرحبا هذا بنية معاهم والخيل تلعبو على الصفين ياسَمَك عظمك جرحني ياسمك وليش ما تنعم علينا ياملك ياسمك عظمك جرحني باليمين ليش ما تنعم علينا يا وزير ياسمك عظمك جرحني بالشمال ليش ما تنعم علينا يا سلطان في سوق الجية يا عريس بيع امك في سوق الجية رطلين هدية هات لي بحق امك رطلين هدية في سوق الساحل ياعريس بيع امك في سوق الساحل جوز المكاحل هاتلي بحق امك جوز المكاحل :sh71: أطلب منكم زفات أخرى....من مناطق مختلفة في فلسطين...  وشو رأيكم في الزفات ؟؟، وهل ترغب/ي في أن تقال مثل هذه الزفات في عرسكــ ؟؟؟  .gif "في حواري منطقتهم-قريتهم- متجهين لبيت العروس ، يصاحب هذا المشوار") 
|
|||||
|
||||||
| اقتباس المشاركة |
|
06-23-2008, 02:56 PM
|
#2 | |
|
I ♥ ISLAM
قوة السمعة: 18
|
رد: الزّفة ...
بتجنن يسلمو كتير كتير كتير كتير
الله يعطيكي العافيه يسلمو |
|
| اقتباس المشاركة |
|
06-23-2008, 03:05 PM
|
#3 | |||||
|
I ♥ PALESTINE
قوة السمعة: 92
|
رد: الزّفة ...
المشاركة الأصلية كتبت بواسطة عاشق قمرهم الله يعافيكــ.....و يــــ،،،ــــــــــلموووووو ع المرور.. عندي الكــ طلب: ممكن تجيب زفات رام الله...
|
|||||
|
|
||||||
| اقتباس المشاركة |
|
06-23-2008, 03:17 PM
|
#4 | |
|
I ♥ ISLAM
قوة السمعة: 18
|
رد: الزّفة ...
المشاركة الأصلية كتبت بواسطة عاشقة الشجاعية رح احاول ولا يهمك |
|
| اقتباس المشاركة |
|
06-23-2008, 03:51 PM
|
#5 | |
|
I ♥ ISLAM
قوة السمعة: 23
|
رد: الزّفة ...
يااااااااااااااااااي...بجننننووووا. .
يسلموووا كتييير حبيبتي.. والله يعطيكي الف عافيه.. |
|
|
|
||
| اقتباس المشاركة |
|
06-23-2008, 03:57 PM
|
#6 | |||||
|
I ♥ PALESTINE
قوة السمعة: 92
|
رد: الزّفة ...
المشاركة الأصلية كتبت بواسطة HaDoOoL الله يعافيكــ .....وتسلمي ع الرّد ... هدّول بتحبي تنحطلّكـــ زفة في عرسكــ مستقبلاً؟ ولو عندكــ زفات فهلاّ تكرمتي بوضعها هنا في الموضوع...
|
|||||
|
|
||||||
| اقتباس المشاركة |
|
06-23-2008, 05:26 PM
|
#7 | |
|
I ♥ AQSA
قوة السمعة: 7
|
رد: الزّفة ...
زفة رهيبة
هيك بعملو فى الشجاعية بالضبط بس هلقيت احنا فى عصر التكنو لوجيا يعنى خف الشئ هادى كتير عن الناس والمجتمعات تفككت مش زى زمان !! شكرا الموضوع رهيب ( قلقيشن) |
|
|
|
||
| اقتباس المشاركة |
|
06-23-2008, 05:58 PM
|
#8 | |||||
|
I ♥ PALESTINE
قوة السمعة: 92
|
رد: الزّفة ...
المشاركة الأصلية كتبت بواسطة ابو السماسم عفواً.... وشكراً ع المرور الحلوووو كتيير.. بس انتا لمن تتزوج بدّكــ أهلكــ يزفّوكــ ولاّ لأ...؟؟؟؟
|
|||||
|
|
||||||
| اقتباس المشاركة |
|
06-23-2008, 06:56 PM
|
#9 | ||||
|
.|[ رفـحآوي أصـيل ]|. 
قوة السمعة: 452
 |
رد: الزّفة ...
رفح -قطاع غزة
في زفة العريس درج يا غزالة يارزق الحلال درج يا حبيبي ريتك من نصيبي تلولحي يا دالية يا ام غصون العالية تلولحي عرضين وطول تلولحي لقدر اطول يلعن أبو المدارس غلّن مهر العرايس يلعن ابو الجامعات غلن مهر الطالبات يام الثوب ال طرزتية حطيتي البلاوي فيه وعن جويزك خبيتيه في نص الليل تعالي خذيه الهيلمان الهيلمان الهليمان على تمو تمو يا خاتم سليمان الهيلمان على طولو طولو يا عود الريحان الهيلمان على عيونو عيونو يا فتحة فنجان الهيلمان على شعرو شعرو يا ريش النعام الهيلمان على سنو سنو يا لولو ومرجان يردد اللويح ويرد الشبان والعريس في الوسط كنت أعزب داير مجنون بلعب بين الشبّان قاللي عقلي واتجوّز قسمة نصيب أخذت الزين حبل الزين وجاب غليم وصار يقوللي يابابا بدي حلاوة منفوشة مديت ايدي ع الجيبة لقيت الجيبة منكوشة ومنو منو صار الغوش وع السرايا ودوني ألف عصاية ضربوني ويا ثعلب ويا مكار وايش دلّك ع باب الدار دلني ما دلني دلني ابن عمي النمس اللي لفتو قنطار يا بنت ياللي في البيت لا تحسبيني جنيت يا بني ياللي في الدار لا تحسبيني غدار لولا الحكومة والحكم قاسي لانزل ع ابوكي بموس الكبّاسِ لولا الحكومة والفدائية لانزل ع ابوكي بموس وشبرية يا رمان رمان مليسي يا رمان كلو على كيسي بد صحيح أنا من سكان رفح وهذا ما يقولونه بالظبط |
||||
|
|
|||||
| اقتباس المشاركة |
|
06-23-2008, 08:30 PM
|
#10 | ||
|
I ♥ PALESTINE
قوة السمعة: 34
|
رد: الزّفة ...
هههههه حلو كتيير ...
انا ما عندي زفات للأسف .. عنا بحلب الرجال بيقولو .. يلا سوا دوس دوس وزين .. صلو على محمد زين زين مكحووول العين والعادلة والله عليه .... وتزلغط النسوان ... لي لي لي لي ليش ... هي لينا وهي لينا وضرب السف طا علينا .... الخ وبعدين انا ماني متأكدة من الكلام وإذا كان على عرسي ما عندي مانع بنوب يسو زفة شكرا كتير على الزفات الحلوة ... |
||
|
|
|||
| اقتباس المشاركة |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
