كفايه بقى يا ماما امريكا

[فلسطينيه والراس مرفوع]

--------------------------------------------------------------------------------

بسم الله الرحمن الرحيم

منقولة على لسان مواطن مصري :

((((أكد المتحدث الرسمي باسم الخارجية السفير حسام زكي ان الآراء التي عبر عنها المتحدث باسم البيت الأبيض بشأن انتخابات المجالس المحلية لا تعكس فهماً حقيقياً للواقع السياسي المصري.. جاء ذلك رداً علي سؤال حول ما ذكره المتحدث باسم البيت الأبيض في هذا الصدد.


الى متى ؟
الى متى تظل تلك الدوله التى تزعم انها بلد الحريات
بلد الامان
الى متى تظل تتدخل فى شئون جميع الدول

هتفضلى لحد امتى يا ماما امريكا تتدخلى فى شئونى
مره زمان قالى جدى - الله يرحمه بقى - من تدخل فى ما لا يعنيه سمع مالا يرضيه
راحت ستى - الله يرحمها برضه - دخلت وقالت ويا داخل بين البصله وقشرتها .......
طيب ليه يا ماما امريكا تخشى بين البصله وقشرتها
مالك ومالنا يا ماما امريكا
اتدخلتى فى العراق وفضلتى تقولى مفيش ديمقراطيه مفيش ديمقراطيه
لالا وفى كمان اسلحه دمار شامل ........ لااا ده انا هروح اضربها بقى
هى دى الديمقراطيه بقى
وهى دى الحريه ؟

ايام الانتخابات الرئاسيه المصريه -فاكرينها ولا نسيتوها - قالت الاداره الامريكيه الانتخابات كانت نزيهه -مع ان ايمن نور خسر الانتخابات - بس ده طبعا كان لغرض فى نفس يعقوب

جت بعدها فىاى انتخابات تقول الانتخابات لم تكن على احسن ما يكون
ولم تكن شفافه كما يجب ان تكون وكما تدعو الديمقراطيه

وبعد كده تيجى مع ايمن نور وتقول انه لازم يتم الافراج عنه
وطبعا كلنا عارفين مين هو ايمن نور
ولما الرئيس الامريكى جورج بوش -رضى الله عنه - بنفسه يذكر اسمه
يبقى ايمن نور لو مسكها
هيأمركها
ويبيع يا عواد
طيب يمكن انه النظام الحالى عندنا مش حلو بس تفضلوا نظام وحش مصرى ولا امريكى

لحد امتى بقى يا ماما امريكا
امتى هتسيبى الناس فى حالها
امتى هتفضلى انتى فى حالك
يا ماما انت خنقتينى
يا ماما انت خوفتينى كمان
هو فى ام بتخوف ولادها وتضربهم وتموتها وترجع تقولهم انا سيباكم بمزاجكم

ماما انت مسبتيش حاجه غير لما حطيتى انفك فيه
ده حتى انتخابات المحليات اتدخلتى فيها
يا ماما سيبينى فى حالى انا واخواتى

يا ماما اتجوزى بقى وشوفى حد يشغلك عننا
وطبعا اللى يتجوز امى لازم اقوله يا عمى

بس محتاجين نعرف
لامتى يا ماما هتفضلى كده
لحد امتى ؟؟؟
...........
اقولك .... كنسل))))