مـاذا فـقـدت بـعـد دخـولـك الأنـتـرنـت ..!

[أنين]

°ˆ~*¤®§(*§*)§®¤*~ˆ° السلام عليكم°ˆ~*¤®§(*§*)§®¤*~ˆ°



كثيرون منا من فقد شيئا خالصاً في حياته لأنه قضى وقت طويل في المنتديآت

منا من فقد متعة القراءة؟؟

ومنا من فقد أمانة في عنقه..أبناءه وتربيتهم؟؟

ومنا من فقد أبواب التجارة..كان على وشك أن يطرقها؟؟

ومنا من أفتقدوا والداه بره..لأنه ألتهى بالمنتديات؟

ومنا من فقد بعض الصلوات .. لأنه أجهد نفسه لكي يكون متواجد طول الوقت؟؟

ومنا من فقد صلاة الفجر..لأنه عبثا أراد أن يكون ملما بكل أخبار المنتدى ولا يفوته شئ؟؟

ومنا من فقد صحته..بصره ضعف..رسخا كلتا يديه تؤلمانه دائما..ألم في ظهره؟؟

ومنا من فقد عليا الدرجات في الجامعة..بل بعضهم فقد مستقبله الجامعي بكبره؟؟

ومنا من أفتقده أصحابه..ويقابلهم بين الحين والآخر بعد وقت طويل..لقاء بلا طعم؟؟

مهما نظرنا للإيجابيات التي نجنيها من قضاء أوقات طويلة في المنتديات..

إلا أننا وبلا شك (وجهة نظر) نفقد أشياء كثيرة من خصوصياتنا..

تمضي بنا الأيام ولا نشعـــــر..

سنة سنتين ثلاث أربع..لا نحس..

نقول هي قصيرة في عمر الزمن..

ولكن من أعمارنا إنها طويلة..

القليلون منا من لم يفقد شئ لأنه عرف أن يسيطر على وجوده هنا..

والكثيرون من يقضون الساعات خلف الساعات خلف الجهاز و لا يشعرون

بعد فترة من الزمن إلا وقد فاتهم الكثير..

كثيرون هم أصحاب رسالة..وكثيرون أيضا عكس ذلك..

وكثيرون أيضا ما بين وبين.. نلاحق المواضيع ..ونريد إثبات وجودنا..

ونكافح والمواضيع تذهب إلى أدراج الأرشيف..

أفكار نستقيها من هنا وهناك وعصارة أفكار نسكبها في أطباق لعلها تجد من يستفيد منها..

وبلا شك أن الإستفادة واردة..ولكن في لحظة نشعر بأن وجودنا غريب..

نعم لأننا نكتشف أن الكثير من الأقنعة إما كانت مجاملة أو كانت تجيد فن

الأرتقاء على الأكتاف ولو تركت لوحدها ما عاشت..

ثم نصطدم بوجوه جديدة..لم تعرف بعد فن الإستئذان والدخول في هدوء لتستفيد..الخلاصــة بعد هذه

المقدمة الطويلـــــه ..

أنت / أنتي ...

ماذا فقدت خلال وجودك هنا أو هناك !!

[فلسطينيه والراس مرفوع]

والله يا انين فقدت كتير اشياء

قبل ما يكون عنا نت
كنت اطلع بره شوي ..... اشوف قرايبي . اروح وآجي
بس هلأ بطلت اطلع بره بالمرة
بس هيك مرات بكون النت خربان بطلع
واكتشف انو حارمني من اكتير اشياء
مشكورة يا انين
موضوعك حلووووو

[hanady]

اااه و الله حكيك مزبووط 100بال100
انا اكتر الايام لي بكون طول اليوم ملزقة بالجهاز بكون محبطة لانو ما بكون اطلع عند رافئاتي و لا عيلتي بس استدرك حالى يعنى ما طول
لازم كل واحد ينظم حالو مع النت لانو يمكن الواحد ينسى حالو لحتى يلاقي قطار الحياه فات و هو لساه بمكان واحد



سلامي الك

[أنين]

المشاركة الأصلية كتبت بواسطة فلسطينيه والراس مرفوع والله يا انين فقدت كتير اشياء

قبل ما يكون عنا نت
كنت اطلع بره شوي ..... اشوف قرايبي . اروح وآجي
بس هلأ بطلت اطلع بره بالمرة
بس هيك مرات بكون النت خربان بطلع
واكتشف انو حارمني من اكتير اشياء
مشكورة يا انين
موضوعك حلووووو

فعلا معك حق

هيك بصير معي انا كمان

:

منوره حبيبتي

[أنين]

المشاركة الأصلية كتبت بواسطة hanady اااه و الله حكيك مزبووط 100بال100
انا اكتر الايام لي بكون طول اليوم ملزقة بالجهاز بكون محبطة لانو ما بكون اطلع عند رافئاتي و لا عيلتي بس استدرك حالى يعنى ما طول
لازم كل واحد ينظم حالو مع النت لانو يمكن الواحد ينسى حالو لحتى يلاقي قطار الحياه فات و هو لساه بمكان واحد

سلامي الك

صح ,, معك حق بالحكي

بس بتعرفي

الي بتعود على شي ,, صعب يتركه ..!

منوره ياعسل

[*ريحانة القلب*]

رااااااائعة يا انين

موضوع يقدر بالذهب .. !


شوفي عزيزتي ..

ببداية علاقتي مع النت كنت افقد كتير اشياء

كانت ضيع عليّ جلسات العائلة .. طلعاتهم ...!

كان يضيع الليل .. واروح ع المدرسة مكسرّة ..


بس بعدين اصحيت لحالي

وانا ع اعتاب التوجيهي .. قررت انو لازم يكون عندي ادارة وقت

لأني بسنة مفصلية بحياتي .. يا تفوق يا ,,,!



باختصار التوجيهي ربّــاني ..

فـ هلأ الحمدلله بعرف كيف ادير وقتي

للنت وقت محدد ... صح احيانا بطوّل عليه

بس بالمقابل بعديها بغيب ايام عنو ..

يعني الموضوع موازنة .. مابقدر اتركو بالمرة ..

ولا بقدر اضيّع حياتي عليه




حبيبتي انينوو

موضوع مميز

يسلمو اديكِ



يعطيك العافية ..

[حنان16]

اولا اشجعك على اختيارك الموفق انين

اما بخصوص سؤالك اختي

فوالله النت كان فقدني كثير اشيا

في بداية تعاملي معه

كجلسات العائلة والخروج وكثير مثل هيك...

خلى عندي فجوات اجتماعية

لكن الحمد لله فقت بعدين

ما استغرقت هالحالة عندي اكثر من سنة

واظن انه اشي طبيعي

الانبهار بالتغيير الجديد اللي هو التعامل مع اشي مثل شبكة النت

اكيد راح يولد اثر سلوكي مثل هيك

بس انا باحمد ربنا من جديد لاني تداركت هالمشكلة في وقت مناسب

وهلا انا باقدر اتحكم في نفسي منيح

مشان اقدر انظم وقتي بين حياتي العادية والنت





في انتظار مواضيعك الجديدة معنا

تحيتي مرفقة بتشكري

[limar]

موضوع حلو

فئدت اشيا كتير

بس اهم شي فئدتو حياتي الاجتماعية

يعني صرت افضل انو ابئى على النت من انو ازور حدا او اطلع مشاوير

كمان اخد من وئت دراستي كتير

وماثر عليها بشكل كبير الصراحة


اما بالنسبة للصلاة والعبادات مستحيل شي يخليني اترك صلاتي او عبادتي

الله يئدرنا على الثبات

مشكوورة على الموضوع

[princess soso]

والله الحمدالله مافقدت شي .. !!

يسلمواااااااا

[B a s i m a]

موضوع رائع أنين

يسلمو

الصراحة..انا دخلت المنتدى بفترة كنت فاضية فيها..يعني لا دراسة و لا شغل

فمش حاسة إنه أخد مني كتييييييييير

اذا كان إله أثر سلبي عليّا فهوا/

إنه بيلهي عن قراءة الكتب و عن الزيارات الاجتماعية...