هل يعجبك اسمك الحقيقي؟

[بندقه]

هل يعجبك أسمك الحقيقي؟

--------------------------------------------------------------------------------


السلام عليكم ورحمة الله وبركاته


كيف حالكم ؟


ياليت تتحمسون وتنقشوني بموضوعي
الموضوع ببساطه


(أنه كل واحد منا سُمي بأسم فهناك من يعجبه وأخر لايعجبه
وأخر قد لايطيقه ويتمنى أن يغيره ولكن لا يستطيع ..
والبعض الأخر استطاع أن يغيره..
خصوصاَ الذين يحملون أسماء لا معنى لها في اللغه وغريبه النطق


هل أسمك الحقيقي يعجبك ولا ما يعجبك ولماذا في كلا الحالتين
أو لك الرغبه بتغييره ؟؟ وعلى من تمت تسميتك؟؟

لكــــــــــم وفائي

[إسراء الفلسطينية]

لا الحمد لله

اسمي الحقيقي عاجبني ..

و ما تسميت ع اسم حدا ..

بس خلقت ابوي سماني اسراء ^^

جربت اسألو ليش اخترتلي هل اسم بالذات .. قلي لانو اسم حلو و ديني بنفس الوقت ^^

...

مشكورة كتير ع موضوعك حبيبتي بندقه ..

رح يتم نقل الموضوع لمنبر الحوار الحر

يعطيكي العافيه ^^

[Alias]

وانا كمان اسمي عاجبني

مع انو كانوا رح يسموني اسم تاني

بس شافو عمتى بتناديني فيه ،، قالو خلص بنسميها ياه ..

ويسلمو عالموضوع

[limar]

الحمدلله اسمي عاجبني

الي نئالي الاسم بابا مع انو كان متفئ مع ماما على اسم تاني

قبل ما حضرتي اشرف على الحياة ماما حلمت انها سمتني باسمي الي انا هلاء مسميني ياه يعني

وهادا الاسم غير الي كانو متفئين عليه

بس ما حكت الحلم لبابا

لما شرفت انا على الدنيا سبحان الله بابا بس راح يسجلني سجل نفس الاسم الي ماما حلمت فيه بدون ما يعرف الحلم

سبحان الله كيف كل وحد مقسوملو الاسم

وهاي الئصة

على كل حال بالنسبة الي الاسمين كانو حلوين

وانا مبسوطة باسمي

ومشكوورة على الموضوع

[مـــــيـــــــت]

انا اسمي عاجبني
مع انو اتسميت على اسم انسان معقد

[عاشقة فلسطين]

كويس - ماشي حاله هههههههههههههه

و مش رح اغيره أكيد

و متسميتش على أحد


و مشكورة على الموضوع

تقبلي مروري

^_^

[بنيمارو]

مع انو اسمي اسم ولد وبنت
بس عاجبني !!
ما هو اللي بيشوف مصيبة الناس بتهون عليه مصيبتو
يسلمو كتير عالموضوع
تحياتي ^^

[.:.!دموع الرحيل!.:.]

ما هو اللي بيشوف مصيبة الناس بتهون عليه مصيبتو

ههههههههههههههه والله معك حق يا بينيمارو

أنـا هيك أوقات بقول على إسمي .. بس ألاقي اسم مش حلو ..

بقول لا والله اسمي بحبه ..

//

انا اسمي عايشة معه حالة مراهقة .. ساعه بحبه وساعه لأ

:S

ليش .. لأني بحسه دفش .. صحيح انه معناه كتير حلو ,,

بس الأحرف المكون منهـا مش ناعمة ..

كان بتمنى لو يكون ناعم أكتر من هيك ..

ولو بصحلي أغير اسمي .. وكان الأمر عادي يعني

يس بغيره .. ^^

شكرا ع الموضوع ..

يعطيك العافيه ^^

[بنيمارو]

ههههههههههه
لا انا حبيتو عكبر بس اسمي
لأنو وانا زغير كنت بكرهو
بس بدي احكي شي
احيانا الشخص هو اللي بيحلي اسمو
بمعنى انك ممكن تحبي اسم لمجرد انو انسان رائع بيحملو
وبعدين دايما الانسان بيحس انو كل الناس اسمهم لايق عليهم الا هو
انتي جربي اتخيلي حالك باسم تاني راح تلاقي انو اسمك اكتر اسم لابق عليكي
بس خلاص
سي يو ^^

[.:.!دموع الرحيل!.:.]

والله في وجهة نظر بكلامك .. يا بينيمارو

أقنعتني يا حج

خلص أنـا هلأ بالفترة الي حابة فيها اسمي

بكرا الصبح بفيق مش حاباه

ههههههههههههههههههههه