هل زماننا الفاشل ام نحن

[جدوع عسكر]

الســــلام عليكم ورحمة الله وبركاته

الكثير من أهالي هذه الأيام يعتبروننا جيل فاشل

وانه الزمان تغير وليس مثل ما كان عليه

وأننا لا نقدر على تحمل أي مسؤولية

وأنه زمن الاتكال على الغير

تسمعهم يتحسرون على ايامهم الماضية

ويصفوننا ويصفون زماننا بأمور غريبة فهل نظرتهم صحيحة أم أنها جائرة ؟؟

وهل هم دوما محقون فيما يذهبون إليه ؟

وهل يخلو عصرنا من كل شيء جميل لهذه الدرجة التي يرونها ؟؟؟

اريد ان اسمع ارائكم بعقلانيه دون تعصب لزماننا هل فعلا نحن جيل

فاشــــــــــل ؟

[هادي]

شوف .. أكيد زمن أهلنا غير عن زمنا .. ما كان في كماليات في حياتهم .. كانت الحياة بسطيه .. والشي الأكيد كمان إنو عندهم تحمل مسؤوليه أكتر بكتير من جيلنا .. بس ما ننسى إنو جيلنا كمان بيعيش بواقع صعب، ومتطلبات حياة أصعب .. والمعنى إنو إحنا مش جيل فاشل .. بس جيل ما عندو روح المثابرة .. جيلنا بيحاول مره وحده بس .. وإزا ما نجح بيستسلم!!!!! يعني ما عندو محاولات تانيه وتالته!!!! وهاي هي مشكلتنا .. لازم نكون مبادرين أكتر .. وإزا إقتنعنا إنو الوصول للهدف مستحيل أكيد ما رح نوصل، والعكس صحيح ...
نعيبُ زماننا والعيب فينا ❊❊❊❊❊ وما لزماننا عيبٌ سوانا
ونهجوا ذا الزمان بغير ذنبٍ ❊❊❊❊❊ ولو نطق الزمان لنا هجانا

[الورده البيضاء]

اولا شكرا ويسلمو اخي على الموضوع

ويصفوننا ويصفون زماننا بأمور غريبة فهل نظرتهم صحيحة أم أنها جائرة ؟؟

انا من رأيه جائزه يعني في هيك وفي هيك

وهل هم دوما محقون فيما يذهبون إليه ؟

احيانا

وهل يخلو عصرنا من كل شيء جميل لهذه الدرجة التي يرونها ؟؟؟

اه بدهوم نمشي باستقامه وبدون حركه زائده

اريد ان اسمع ارائكم بعقلانيه دون تعصب لزماننا هل فعلا نحن جيل

فاشــــــــــل ؟

لا ما اعتقد لهدرجه هذه بس في ناس فاشله وفي ناس ناجحه بس مش انا الوحيج يالي راح اقرر

[توته]

شكرا على الموضوع الرائع

وانا بايدهم زمنا فاشل ونص

تسلم ايدك

[القريني]

مشكور اخي الكريم
لكن نحنا والزمان فاشلين
لكن نحنا الي بنتحمل ان الزمان فاشل لان نحنا الي بنصنع الزمن مش الزمن بيصنعنا

[ابتسامة الحياة]

الكثير من أهالي هذه الأيام يعتبروننا جيل فاشل
انا من رأيي والله انه جيل فاااااااااشل وكتير كمان
وانه الزمان تغير وليس مثل ما كان عليه
اه طبعا الزمن اتغير لانه ايام اجدانا كانت الحياة صعبة بس كانت حلوة اما هلأ صعبة وبتلاقي الواحد عمره 15 سنة وقرفان حياته
وأننا لا نقدر على تحمل أي مسؤولية
والله بصراحة فعلا شباب هالايام وحتى البنات ما بقدر الواحد يحملهم مسؤولية الا ازا كانت مسؤولية تااااااافهه
وأنه زمن الاتكال على الغير
ااااااااااااااااه

تسمعهم يتحسرون على ايامهم الماضية
اه والله لانه هديك كانت عيشة وهلأ لاااااا

ويصفوننا ويصفون زماننا بأمور غريبة فهل نظرتهم صحيحة أم أنها جائرة ؟؟
اه والله صحيحة
ايام زمان كان الزلمة يطلع من الدار الصبح ومايرجع الا وهو مأمن لولاده واهله لقمة ياكلوها
هالايام الشب بضل نايم للساعة 2 الظهر وبعد ما يصحى من النوم لازم ياخد راحة ساعتين
بطلع من البيت المسا ما برجع الا وجي الصبح
وقااااااال شو بدور على شغل


وهل هم دوما محقون فيما يذهبون إليه ؟
100%

وهل يخلو عصرنا من كل شيء جميل لهذه الدرجة التي يرونها ؟؟؟
في شغلات حلوة بس تصرفاتنا وعاداتنا الجديدة هي اللي بتخلي الحلو مر ولا يطاق

اريد ان اسمع ارائكم بعقلانيه دون تعصب لزماننا هل فعلا نحن جيل

فاشــــــــــل ؟
اه والله وفاشل جدا جدا

بتمنى ما حدا يزعل من كلامي بس هاد رأيي

[امورة نابلس]

مشكور لطرحك المضوع
بحب اعلق انو الفشل دخل النا من الحظ الي احنا فيه

وانشالله الله يوفق الجميع

[ريما فاهوم]

اولاً شكرا على الموضوع وطرح النقاش

من راي مش كل الناس فاشلين يمكن يكون قصدك بشكل عام بس في كتار ناس مش فاشلين

طبعاً الشيى بحسب الشخص وزماننا بالعكس متطور والتطور من رأي يعتبر ذكاء وخصوصاً التكنلوجيا فكلو بيجي من العقل

احنا ما بنعرف كل الناس عشان نقول فاشلين وبراي كل شخص رح يقول انو زمانو حلو متلاً بالمستقبل الناس رح تقول انو زمنا هدا حلو لانن كانو عايشين فيو وهني صغار

يعني هلشيى بحسب ذوق الانسان للحياه ورأيو لانو كل شخص وعندو رأي اكيد بيكون مختلف عن التانيين بس يمكن يكون بعض التشابه بالراي

والناس الي بتقول هيك مبين بوضوح الشمس أنن قاصدين لما كانو صغار لانو الواحد لما يكون صغير بيشوف كتير اشياء حلوه وبيقدر يعمل فيها الصعب

يمكن يكون زماننا والناس العايشين بزمنا هدا يمكن يكون فاشل بس لازم نعرف كل زمن في شيى بميزو عن باقي الازمنه بالتكنلوجيه الحديثه وكل هلأمور

ويمكن تكون التنكلوجيه سهلت حياتنا بس كيف تم اختراعها طبعاً بواسطه العلم والعقل وهلشيى لازم نفتخر فيو بأننا متطورين وفي تكنلوجيا في زمنا هدا غير عن الزمن الماضي

برأي في كتير اشياء بزمنا هدا حلوه بس احنا الي ما بنحاول اننا نكتشفها او نحاول نعملها

انا برأي الزمن هدا احلى من الماضي وخصوصاً بخصوص التسليه والي برأيو التسليه بدون فائده..شوفو كيف كانو يعيشون من زمان كانو بس يروحون من المدرسي يبلشو يدرسو عشان ما عندن شيى يعملوه

بينما هون في عندنا حاسوب وفيو بنستفيد كتير معلومات غير عن الماضي الي كانو يطلعو من الكتب اما هون فبسرعه البرق بنلاقي المعلومات الي بدنا اياه

بالنهايه كل زمن بوقتو حلو ومش لازم نقول زمنا فاشل لانو لو كان فاشل لكنا وكمان بعدين لكنا ما تطورنا وصنعنا تكنلوجيا الي قليل جداً من الناس ممكن تعملها

[طفشان]

فش اشي اسمو زمان فاشل
الفشل منا احنا احنا الي بنقدر نخلي زمنا
منيح او عاطل
تسلم على الموضوع
تحيات
الطفشان

[لولو اليبناوية]

ممممم زمان الحياة كانت بسيطة...وبدها شغل اكتر بكل شي

فلهيك تعودو الناس انهم يتعبو كتير..وحمل المسؤولية كان شي عادي بالنسبة الهم

يعني تلاقي الشخص كفئ انو يتحمل المسؤليات بشكل عام

بالنسبة لوقتنا...يمكن العصر الي بنعيشو

من كتر مصار تسهيلات فيه...صرنا نستصعب المسؤولية..

يعني ممكن الزمن لعب دور فينا

بس بالاخير الاساس برجع للترباية الي اهلنا ربونا عليها...

يسلمو عالموضوع