:: ذكــــريات و أسرار مع محمـــــود ::

[محمود]

... السلام عليكم ورحمة الله وبركاته ...

رح أوريكم شوية أشياء ،، محتفظ فيها من سنين ولا زلت ..

كل صورة كانت الها معي حكايـــة ، وكل حكاية أحلى من الثانيــة ..

طبعا ً هدول مش كل شئ عندي .. هذه جزء بسيط من ذكرياتي

وبعضها من عشر سنوات ، وجزء من أيام سفري ع مصر ..


..

أحلى شي في الدنيا الذكريات الحلوة ،،

لهيك أنا بحتفظ فيهم ، من فترة لفترة بشوفهم ..

بالضبط مثل شريط الفيديو ^_^ ،، بحس حالي عشت الحدث ..

بتذكر الأشياء الحلوة الي بتنسيني مواجع اليوم ..

معظم الرحلات وبعض التذاكر الموجودة هنا شاركوني فيها ناس ..

لليوم أسمائهم محفورة في قلبي ، وعمري ما رح أنساها ..

ولما أحس حالي اشتقت لزمن الطفولة ،، بجيب كل شي عندي

من ذكريات ، هدول وغيرهم وبفردهم قدامي ..

كأني بقلب في شريط ذكرياتي ..


رح أبلش في عرض الصور ..

بالأول هذه المجموعة البسيطة هيي الي رح تشوفها ..





رح أبلش في الشنتة الحمرة ملحق الها شنتة ثانية ما صورتها ^^ ..

أروع شئ أشوفه بحياتي اشتريتها وانا في المدرسة صار لها تقريبا ً 11 سنة

بالأول كانت للمدرسة بس بعدها صارت للاختراعات وللأدوات الكهربية واللوحات الرقمية تعيت الألعاب

و ضواو ومفكات ومفاتيح وبطاريات وكبسات كهرب وأسلاك وبراغي وريموتات والخ ..

بصراحة أجت فترة كبيرة من الزمن ما تفارقني هالعدة كنت خصيصا ً اروح اشتري الألعاب

و أفكفكها مشان اساوي لعبة كبيرة تكون كلها أسلاك مشربكة ومليون مفتاح فيها وملزقة تلزيق

وفيها متواتير وضواو وكان نفسي تكون عندي لعبة من الي كنت أساويهم زمان لكان صورتها الكم

بس للأسف ما حافظت عليهم لكان صورتلكم اياهم بس لليوم بمخي صورهم ..





أما عن قصة الكتاب الآخضر ..

هذه قصــــــة كل ما أتذكرها بضحك على أنحس يوم بحياتي ..

هذه مرة كنت نايم عندي أخويا بالمستشفى ..

كانت رحلة لأوائل الطلبـــة منظميتها الكتلة الإسلامية ..

والحمد لله كان اسمي من بينهم ، اصحيت الصبح وانا مداوم عند اخوي في المشفى

لقيت الحديدة تبعت المحلول عالية كثير فحبيت انزلها ..

طراااخ !! ،، لهي نازلة ع أصعبي ويكون جرح كبير !!

بروح للممرض في المستشفى يحطلي عليها دوا ويعالجها ..

اخونا بالله كانت لسا الجلد ماسك في بعضه رح مسكه ونتشه بالحامي وزاد الجرح :(

يمااا قشر بدني هههههههه رح عقم الجرح وحط عليه بلاستر ..

المشكلة الرحلة بحرية يعني فيها سباحة يعني ما رح اقدر اسبح مشان الجرح ..

رحت ع الدار ولفيت اصبعي مليون مرة لانو خلص بدي أسبح ،، واطلعت ع الرحلة

ما شاء الله وانا بسبح لهو كل شي اعملته طار مع الميا ..

ما ضل بلاستر ولا شي ..

والجرح صار يحرقني ما اهمتيت وكملت سباحة ..

المهم الجرح بنزف وانا قولت بكفيني رحت هلقيت عند الشباب ونص البلاستر طالع برا وحالة

ما كان عندهم أدوات طبية بالصدفة كان مخيم برده لحماس وهناك عقمولي الجرح ثاني

وخلص بطلت اسبح ،، بكل بؤس بنزل ع الخيمة بطلع في الشنتة اشوف الغراض والمكسرات ..

ما لقيت الساعة تبعتي !! ولا لقيت شي ولا فلوس وطبعا مع غراض فارس فلسطين كلهم طارو

هههههههههههههههه انسرقوا !! نكد ورا نكد ،،

ما اهتمت بضلو الشي مادي ،، فراحو شباب الكتلة بدهم يعوضوني عن الي انسرق ..

فراحو اعطوني عشرين شيكل والي دفعهم ايامها رفعت ( عاشق الشهادة ) وبالعافية وبديش

وبدك واصروا اني اخدهم ،، بس الحقيقة انو حق الساعه ما كان هيك كان 4 أضعاف المبلغ ..

برده ما كان للموضوع أهمية ، هلقيت نزلو مشان تكريم أوائل الطلبة ..

قعدوا يزعقوا بالأسماء ..

وتمر الأسماء ..

ويا محمود استنى باسمك ..

ويا حلاوة ..

ما انذكر اسم محمود بين الأوائل ..

مشكلة !!

وقتها حسيت حالي بدي اعيط من نكد هاليوم ..

المهم الشباب بصراحة كمان ما قصروا ..

راحو جابو شهادة تقدير وكتبو عليها اسمي ..

واعطوني جائزة تبعت شب من الكتلة !!

وهما رح يدبروله جائزة ثانية ما افهمت بالزبط شو صار ..

لكن الي بتفاجئ فيه انو الشهادة تبعت ثانية ثانوي وانا كنت بأول ثانوي !!!!!!!

حتى النحاسة هنا وهالكلام وانا طالع بالبص ..

طبعا الاخوان كمان ما قصروا وحكولي الك زيادة ع بيتك ..

واجوا ع بيتي وانبسطنا مع بعض بعد اسبوع ..

وجابولي جائزة ،، وكانت أعظم جائزة وساوت تغيير جذري في حياتي ..

هوي هذا الكتاب ..

زهقتكم ^_^

.....

أما علبة الذهب الحمرا ..

هذه ما بتنفتح إلا بعد ما أموت ..

صار الها سنوات كثيرة مركونة بدون ما حدا يلسمها ..



------




هذه الآلة الحاسبة صار لها تقريبا ً 13 سنوات ..

جابها والدي من الحج ، كانت شئ رهيب ..

بس اللآن عفا عليها الزمن ، لكن قيمتها في قلبي كل يوم بتكبر ..






هذه ساعة ميكانيكية بتشتغل على اللف ،،

أبويا جابلي اياها وانا في الصف الثاني الإبتدائي من اليابان شئ كثير كان حلو ..

أيامها جابلي عيدان الخشب الي بياكلو فيها وقعدت اجرب أكل فيها ما زبط

هههههههههه بالآخر مليت بعد ما حقي ضاع في الأكل ^^

الساعه هذه تقريبا ً عمرها 14 سنة ،،

أحلى ما في هذه الساعه انك بتشوف التروس وهيي بتشتغل في الساعه قدام عيونك ..

وكل يومين او ثلاثة لازم تشحن التروس ثاني وتقعد تلف فيهم مشان الساعه تضلها شغالة ..

طبعا ً انتو شايفين من شقاوتي كسرت سن الدوران والله يعوض ع الساعه ..





هذه قطعة نقود مصرية ، لما سافرت ع مصر ..

طبعا ً كنت طالعا مع وزارة التربية والتعليم العالي من 6 سنوات ..

وأخوي اجاني الفندق واخدني يطششني . فآخدي ع كفي شوب نشرب فيه مشروب سخن

وبعدها نكمل الطشة ، تقالبنا مع شخص مصري واتعرفنا عليه وضربنا معاه صحبة ..

من اللآخر هالشخص طلع اعجوبة أخد القروش هاي وطعجها بسنانه !!

وكان يثني فيها بايديه وهيي في سنانه شي غريب جدا ً بس لليوم منظره في راسي ..

الله يحميه ..




هذا ألبوم صوري و أنا بمصر ،، ان شاء الله بكون فاضي يوم وبنزل صور منه

بس في صور كثير كثير رهيبة ، رح أحكيكم قصة هالألبوم ..

هذا ألبوم صور من ألبومين .. كان غير الطاقم التدريسي بالرحلة

انا وكمان شب و صبيتين ، بيوم اتفقت الصبايا عليي أنا والشب وطلبو ألبومات الصور

وأنا بكل براءة بروح أعطيهم اياه ومش فاهم شو القصة ..

المهم رجعولي الألبومين بس يا عمي وزنهم خاسس !!

ما دقيت عالموضوع بس روحت ع غزة !!

لقيت نص الصور طايرات فرحت جمعتهم في ألبوم واحد ولليوم مقهور

الي الخاطر أروح ع بيوتهم أطلب منهم الصور بس ما بنفع هههههههههههههه

بس كل صور النيل وصورنا في الصعيد حاليا ً مش عندي ): وصورنا في الملاهي

وصورنا واحنا بنسوق الدراجات النارية وفي المدينة الإعلامية وفي المناطق التاريخية وحديقة الحيوان ..

الله يسامحهم ..


هذول بعض الصور من التذاكر للدخول بالمتاحف والملاهي وحديقة الحيوان وهيك اشياء ..



























هذا الشريط جبته لأمتحان التوفل بالإمد ايست من 8 سنوات ..




هذه بعض العملات الي عندي كمان قديمة جدا ً محافظ عليهم من شي 12 سنة ..





كرت جوال من 6 سنوات ^^







كروت انترنت قدية جدا ً من شركة p-i-s




اذن خروج من المدرسة من 5 سنوات ..



ورقة الصيانة الي كانت عندي فيها باسوردات الويندوزات ..

هذه من صف ثاني اعدادي عندي لليوم ..

بس طبعا ً هلقيت صارت من الآثار ..

















أما عن هذه الصورة فهذه أغلى أغلى هدية :) ،، وراها كلام كثيـــر كل ما أشوفه

بزيد احترامي لهذا الشخص ..

كنت بتمنى إني أقدر أوريكم ايــاه ..

بس للأسف ..

سر .


ان شاء الله تكونو انبسطتو ..

وان شاء الله ببقى و أوريكم بعض الذكريات الحلوة الباقية ..

[جريحة فلسطين]

هههههههههههههههههههه

والله شي روعه والله ,, وشكلك تعبان كتير على الموضوع ,,

الواحد حلو هيك يحتفظ باسياء واغراض من زمان ,,

ويحطها ويصير يزكرها ,,

بس حبيت احكيلك شغله وانت بمصر ,,



هاد كرت دخول الماجيك لاند ,, هون بايعينك اياه ب 40 جنيه هههههههههه

ضحكانين عليه انا شريتو لما كنت هناك ب 20 جنيه خخخخخخخخ

بس جد صور روعه من الاخر ,, وزكريات ولا اروع من هيك

الله يعطيك طوله العمر ,, وتضلك تجبلنا صور وزكريات ^^


^^

[الرمشـ الحساسـ]

يااااااي شو حلووووة الذكرياااااات...
لو شو ما كانت.........
عن جد رووووووووعة..
والموضوع فعلا متعوب عليه..
يعطيكـ العافية خيوو..
ربي يحفظكـ ويديمكـ...
ذكريات ولا احلـــــــى..
لا تحرمنا جديدكـ..
يسلموووو كتيييييييييير الكـ...

[S M S]

اش اش اش




شو هاد يا مان


بصراحة الموضوع جذبني وضليت اقرء في من اول كلمة لأخر كلمة ,,

والله ما زهقت


يا الله


ما أحلى الذكريات ،،


بهنيك انك قدرت تحافظ عليهم ،،


عنجد شي راائع

مش عارف شو اعلق ،، شو احكي


ما في تعليق صرااحة



ربي يوفقكك ويهنيك بحياتك القادمة

وهي اضافة يا حج
7
7



.

حقوق الموسيقى لولو اليبناوية ^_*.

[إسراء الفلسطينية]

ههههههههههههههههههههههههههه

والله شي حلو و بنفس الوقت بضحك ^^

ما في احلى من الذكريات

بتذكرنا بالأيام يلي مضيت

لو كانت حلوة او مُــره بضل الذكريات حلوة

،،

ما شاء الله عنك

ما مخلي شي الا و محافظ عليها ^^

في عندي كم شغله محافظه عليهم من انا و صغيرة ،،

فلما شفت صورة الساعه ،، اتذكرت لما مرة جبلي ابوي ساعة Barbie

يا الله شو انبسطت عليها كنت اضلني لابسيتها بإيدي ^^

و لهلا محتفظه فيها عندي

كان لونها زهري،، هلا صار لونها تقريبا اسود :P

،،

عنجد موضوع حلو كتيير

تسلم هل ايدين يا رب :)

ما ننحرم منك

[بسمة فرح]

يا اللـهـ ..

عنجد احلا شي بحياة الانسان الذكرى ..

وانا عندي مثل هيك أشياء من عمر .. من وانا في ابتدااائي ..

وعنجد شو السر في انو كل واحد ابوه بهديه ساعه ..

والله وانا نفس الشغله .. بابا جابلي ساعه وبرضو من الحج من وانا بصف خامس من 11 سنه مضو ..

لحتى الان شبه شغاله .. يعني يتمشي وقت ما بدها ولما تتعب بترتاح ..

بس هي الهديه الوحيده من بين كل الهدايا وكل الأشياء القديمه اللي عندي اللي غلاها بكل الدنيا ..



ما بعرف ليه بموت فيها .. لو شو مايصير فيها راح أضل محتفظه فيها ..

مره حصل وضاعت مني بالمدرسه وانابأول اعدادي ..

روحت الا انا لما فقدتها عملت عليها مناااااحه

بس سبحان الله تاني يوم لقيتها .. وقعت يعني بإيدين أمينه ..

وعن جد عندي شغلات كتير من صحباتي ايام ابتدائي واعدادي قيمتها بروحي مع اني كل ما اشوفهم بقعد اضحك .. بس والله احلى أشياء خصوصي انها من صديقات الان ما بعرف عنهم اي شي ..

و أوراق الذكريات اللي كنت اتبادلها مع البنات ياربي شو بيضحك الكلام اللي فيهم .. لساتني محتفظه فيهم ...

وأشياء كتير كتير كتير عاملالهم درج مخصوص بالدولاب .. كل فتره وفتره باخد كرسي وبسنتر جنب الدولاب وبقضي يومي بين هالشغلات ..

يا الله والله موضوعك ذكرني بعنفوان طفولتي و بأشيااااء كتييييييييييييييييييييييييييييير .. كتير.. كتير ...

موضوعك حلو يا محمود .. بس فضولي هيموتني على علبة الذهب

يلا ربنا يباركلك بعمرك وتورجي هالاشياء مو لأولادك لأحفادك كمان

[هلــون]

يااااااي جد اشيااء كتير حلوة .. والله الذكريات ما في أحلى منها بالدنيا .. وخاصة لما الواحد ينساها شوي

وييجي عبالو يشوفها بعد فترة

يعطيك العافية حمودتنااا موضوع مميز عصاحبووو


وبتمنى اتكون حياتك كلها ذكريات حلوووووووووووووووووة

دمت

[سيد الظلام]

ما شاء الله محمود

صدق انا ما عندي ذكريات من امبارح هههههههههههههههههههههه

بجد اكتشفت انه اللي بحتفظ بهيك شغلات شيء رائع

بس ما بدي اوصيك بدي الموسيقى عاجلا غير اجل كاملة

[عاشق الحور]

هههههههههههه

والله عليك نهفات يا محمود

انا الحاجة الوحيدة اللي محتفظ فيها

هي حاجتين

باحكيلك اياهم بعدين

بس موضوع روعة ^^

هاجي الملم من عندك اكم من حاجة

[صدى الصمت]

.

.

[ مـــرحبـــآآآ

,

]

.


الــذكـــريــــــآآآتـ ..

.

.

مر في بــاليـ اكثر من شريط وانا بقرا في الموظوعـ

و ذكرتنيـ بعلبــة الصنــــدل ( الله يكــرمكو ) اللي عندي

لســا اليوم العصـــر نبشتهــا نبش !! ما يــعلم فيه الا ربنــا

ومحتفــظة بأشيـــاء كثير فيها

وشوقتـــني اوريهــا الكــــو ..

.

.

اشــرطــة الزمنـ ..

اولـ ما بديت اقــرا الموظوع

والله البسمة مش مفارقــاني مش عارفة ليش

حلــو الواحد يتذكـــر و يستــرجع ذكريــاتو مع اهلــو و اصحــابو ..

بس شــــــو من نحــــاسة عليك .. الله وكيلك ركبـــــاك من فوقك لتــحتك

والله عن صــح ,, ساعــات بتتــجمع النحاســة في الــوآآحد

, بتحــس بدكـ تصيح من الغبــاوة اللي بتصيــر

.

.

و يرجـــع الزمــن شويتيــن لورى ,, ااااااخ يا ســـلام ,,

خــاطري اعيـــد كل مشـــهد ’’

وكـــلاآآم كثيـــر كثيــر عن الذكــريـــآآتـ .

وعن ماضيــــنا , و المــآآآضي الطفــوليـ ’’

.


’’ واللهــــ زمـــآآنـ ‘‘

.

لفتـــة عجبتنيـ محمــودة ^^

وان شــاء الله بس اخلص الفايــنل رح انــزل اغـــراظيـ

واللهـ يوفقـــك يــابــآآ

.

’

[ خالصـ شكـــريـ

.

]

’