يلا خلينا نعرف مين الرياضين في المنتدى >>>ت

[blue-girl]

مرحبا
ازيكم

^_^

كيف السبورت معكم !

انا تمام معي


المهم اليوم اجت ع بالي فكره عن الشخص و الرياضة

ما اطول عليكم ,,


هي الفكره التحفه يعني :


* اسمك الرياضي ؟؟

* كم نوع من الرياضات بتمارس ؟؟

*و شو السبب اي خليك تلعب هدول مو غيرهم ؟؟

* هل اجت فتره و انقطعت عن الرياضه؟؟وكم المدة الي انقطعتها ؟؟ و سبب الانقطاع ؟؟

* شو اكتر رياضه بتحس انها المفروض ما تسمى رياضه ؟؟

* شو اشد الاصبات الي صارتلك نتيجة تمرين او مبارة ؟؟

* كم مبارة فزت و ما كنت مبسوط و كم مبارة خسرت و كنت مبسوط ؟؟

* حطلنا صوره للعباك المفضل العالمي ؟؟

* حطلنا صورة لاعبك المفضل المحلي ؟؟

* من بين كل الرياضات الي بتمارسها شو اكتر رياضه بتلقى حالك فيها و انك رح تنجح و تبرز ؟؟

* شو كنت تمارس زمان و اتقطعت عنو ؟؟ وليش ؟؟

* بوجهة نظرك كـ رياضي > البنت تمارس الرياضه غلط ؟؟ ليش؟؟

* وهل يجب تبقى الرياضة البنات محصوره بين بعضهم ( يعني ما نتنافس مع االشباب )؟؟

* شو الي ما بتحبو في الرياضه ؟؟ سلبيات

* احكيلنا موقف مضحك صارك في حياتك الرياضية ؟؟

* هل بتعتبر حالك الملك في احد الرياضات ؟؟

* احكيلنا قصة الي لسه في راسك ؟؟


رح اشوف ردودكم و بعدين اجاوب



BlueGirl

[ابو الجيم]

مشكور اخوي موضوع رائع جدا

* اسمك الرياضي ؟؟

اسمي جمال ولقبي جمي

* كم نوع من الرياضات بتمارس ؟؟
5

*و شو السبب اي خليك تلعب هدول مو غرهم ؟؟

لانها اكتر لعب موجودة في بلدنا

* هل اجت فتره و انقطعت عن الرياضه؟؟وكم المدة الي انقطعتها ؟؟ و سبب الانقطاع ؟؟
نعم
سنة وستة اشهر
العمل

* شو اكتر رياضه بتحس انها المفروض ما تسمى رياضه ؟؟

الشطرنج

* شو اشد الاصبات الي صارتلك نتيجة تمرين او مبارة ؟؟
خلع في الكتف وكسر اصبع القدم

* كم مبارة فزت و ما كنت مبسوط و كم مبارة خسرت و كنت مبسوط ؟؟

4مباريات ولا مبارة خسرت وكنت مبسوط لانو الخسارة بتغطي على اداك الجيد

* حطلنا صوره للعباك المفضل العالمي ؟؟


* حطلنا صورة لاعبك المفضل المحلي ؟؟




* من بين كل الرياضات الي بتمارسها شو اكتر رياضه بتلقى حالك فيها و انك رح تنجح و تبرز ؟؟

مجتمعنا صعب تبرز فيه بس البلياردو هي اكتر شي

* شو كنت تمارس زمان و اتقطعت عنو ؟؟ وليش ؟؟

كرة السلة لعدم توفير الوقت

* هل بتلقى انو البنت تمارس الرياضه غلط ؟؟ ليش؟؟


لا مش غلط بس تكون في الها حدود مش طتلع شبه عاريةومش بين الشباب وهدا حرم شرعا
* وهل يجب تبقى الرياضة البنات محصوره بين بعضهم ( يعني ما نتنافس مع االشباب )؟؟

ايشي اكيد
* شو الي ما بتحبو في الرياضه ؟؟
تمارين التحمل

* احكيلنا موقف مضحك صارك في الرياضه ؟؟
مرة المدرب قلي استلم لاعب رقم 9 وكانت مبارة تدريبية فكان 2 رقمهم 9 فستحيت ارجع للمدرب واساله فضربت واحد من التنين الكرة في وجهه ونزله دم واطلعوه من العبة ورحت استلم الثاني

* هل بتعتبر حالك الملك في احد الرياضيات ؟؟
اكيد لا

* احكيلنا احدى القصص الي لسه في راسك ؟؟

مرة وكلني المدرب انو استلم محلو في العبة اكون مدرب ولاعب وكنا ناشأين فاجا واحد من الفريق الاول وبدل لاعب على كيفو ما اعجبني الموقف فسحبت جميع الاعبين من الملعب وتعاقبنا عليها من الادارة

[S M S]

* اسمك الرياضي ؟؟

محمود رزق

* كم نوع من الرياضات بتمارس ؟؟

استني أعدلك >> باسكت>> قدم >> يد >> طائرة >> سباحة

شطرنج >> تنس طاولة >> نسيت ههههههه اه كاراتيه .

*و شو السبب اي خليك تلعب هدول مو غيرهم ؟؟

I LIKE IT

* هل اجت فتره و انقطعت عن الرياضه؟؟وكم المدة الي انقطعتها ؟؟ و سبب الانقطاع ؟؟

يييييييييييييي ، عالوجع هاد السؤال ، >>>

هاد يا ستي بتاريخ 1272007 >> كنا بالادرن مع المنتخب ، وكان عنا مبارة مع المنتخب الادرني ، المهم انا كنت حميان بدي العب بدي اعمل شي ، لسا المبارة بالشوط الاول ومحسوبط طالع ناطط بدو يحط دنك ، وانا طالع تزحلقت واختل توازني حدا فيهم دفشني لنا نطيط ، طبعا انا طااااااير ، حطيت الدنك ووقعت عالارض وما صحيت الا بالمستشفى وكل اللعيبة فوق راسي

طلعت ايدي مكسورة من أخطر عضمة بالجسم وهي عضمة القارب ، المهم جبصنولي اياها وحكالي الدكتور بدها تقعد 70 يوم انا عملتلو >> << كم يما !! حكالي العضمة صعبة وبدك تتحمل
طبعا انا صرت اعيط خخخخخخخخخخخخخخخخخخخخ


المهم يا ريت قعدت 70 يوم >> ضلت مجبصنة ايدي حوالي 85 يوم ,,,


ومن تاريخ 127 لحد الان ما بلعب ، لسا ايدي مش طبيعية وبتوجعني لحد الان .

كيف بس صبابا الوضع

انا بضحك عادي وهيك بس من جواي مقهوور لأني اعتزلت الباسكت للأسف مع انو نفسي العب سلة نفسييييييييييييي ,, بس الظروف حكمت والحمدلله :)



هي صورتي بصالة النادي الارذوثوكسي الادرني <>>>> ب 1572007 < هاي الصورة >>

بعد الكسر ب 3 ايام >>

* شو اكتر رياضه بتحس انها المفروض ما تسمى رياضه ؟؟

السيارات

* شو اشد الاصبات الي صارتلك نتيجة تمرين او مبارة ؟؟

كسر ايدي اللي ضيعت حياتي الرياضية ^_^

* كم مبارة فزت و ما كنت مبسوط و كم مبارة خسرت و كنت مبسوط ؟؟

مممممممم

يمكن مباريتين خسرت وكنت مبسوط وفزت وما كنت مبسوط يوم مبارة منتخبنا تاع الجامعة ( جامعة القدس ) مع جامعة الخليل .

* حطلنا صوره للعباك المفضل العالمي ؟؟

بحب كوبي براينت وهاي الصورة بالتحديد لأنو هاد دنكي المفضل وبحب اعملووو

* حطلنا صورة لاعبك المفضل المحلي ؟؟

مش لاقي الو صورة بس الاقي بحط

اسمو اياد عبدالله لاعب منتخب فلسطين > باسكت <

* من بين كل الرياضات الي بتمارسها شو اكتر رياضه بتلقى حالك فيها و انك رح تنجح و تبرز ؟؟

ما فيي هلأ ، تركت كل شي اسمو رياضة الا الشطرنج احيانا بلعبها لما أفضى

* شو كنت تمارس زمان و اتقطعت عنو ؟؟ وليش ؟؟

نفس السؤال التاني اعتقد وجاوبت

* بوجهة نظرك كـ رياضي > البنت تمارس الرياضه غلط ؟؟ ليش؟؟

لا مش غلط الرياضة للجميع ، بالنادي تاعي في فرق بنات كان يدرب قبلنا واحنا بعدو

ومرات ندرب مع بعض

* وهل يجب تبقى الرياضة البنات محصوره بين بعضهم ( يعني ما نتنافس مع االشباب )؟؟

اكيد لا ،
احنا كنا ندرب مع بعض شباب وبنات >باسكت :)

* شو الي ما بتحبو في الرياضه ؟؟ سلبيات

اللي بوقع ما في حدا بسأل عنو خخخخخخخ

اكل هوا بالعربي

هيك الرياضة بفلسطين

* احكيلنا موقف مضحك صارك في حياتك الرياضية ؟؟

امممممممممممم

مرة جبت سكور بحالي خخخخخخخخخخخخ

واحد من الخصم كانت اعتقد مبارتنا مع جامعة بير زيت ، واحد منهم ضرب الطابة عالي انا نطيت اجيبها ضربت بايدي ودخلت سكور يعني انا جبتها سكور بحالناا هههههههههههههههههههههه

* هل بتعتبر حالك الملك في احد الرياضات ؟؟

أكيد ، كنت بس >> باسكت <<

* احكيلنا قصة الي لسه في راسك ؟؟

اممممممممم

مرة انقهرت من المدرب ، لأنو كان في شب معنا ما بتمرن ولا بيجي ع اي تمرين ويوم كان عنا بمبارة لعبوو بالمبارة فأنا اعترضت وطاوشت المدرب وعملت ميمعة يومها ههههههههههههه

[blue-girl]

هههههههههههههههههههههه
بصراحه ردودكم كتييير حلوه
يا ابو الجيم
انا بنت
والله بنت

و اس ام اس
اخر قصه فزيعه كتير بتصير معي

انا رح جاوب بكرا
لانو لزم اطلع عندي مبارة
بدها وقت الاجوبه
8__8

[ابو الجيم]

اسف يا اختي واتقبلي اسفي

[blue-girl]

لا عادي مان مو مشكله روحي رياضيه
خخخخخخخخخخخخخخخخخخخخ
منور 8_8

[S M S]

بلو تبكيش علي هاا !!


خخخخخخخخخخخخخخخخخخ



الله ياخد كل الباسكت

والله ايدي بتوجعني هههههههههههههههههههه

[blue-girl]

ههههههههههههه اس ام اس بدحك مان خخخخخخخخخخخ
الله يسترني خخخخخخخخخخخخخ
هلاء دي اجاوب مع انو مهلوكه تخيلو توه مروحه من التمرين
ع 3 الصبح بتوقيت السعويه
امي لطمة اول ما شفتني خخخخخخخخخخخخ
يلا كرمال تعرفو قصتي انا و الرياضه ههههههههه

[S M S]

هههههههههههههههههههههههههه


صبابا اجوبتك حجة



^^


بكفي لساتك بتلعبي يعني اصابة بالكتف مش مشكلة

بس الكسر عمرو ما بتصلح :d

[ابو الجيم]

هههههههههههههههههههههه

والله مزضزع رائع وبضحك