:: اعتـذار ::

[~ | Mazaj]

السلام عليكم ورحمة الله وبركاته ..

ببدى اعتـذاري لاخوتي جيكـو ,, الجنـرال ،، ابن فلسطين ،، صقر جباليـا ..

والله اني اسفة لكل اللي بعملو فيكم ..

وانا عارفة ولا عضو في المنتدى الا زعل مني .. بس شو بدي اعمل معقدة وبحب المشاكل ..

وشكرا للاعضاء الي اتحملوني ..

وبقدم اعتذاري لاخي جيكو وبتمنى يرجع على المنتدى ..

وانا مستعدة لكافة الشروط اللي حيحطها ..

وادا مش رح يرجع غير لما انا اطلع انا مستعدة كمان .. بريح الاعضاء التانيين ..

والله انا ما كتبت هالموضوع الا بعد ما حسيت بتأنيب ضمير ..

واعذروني لاني معقدة .. وبدي حدا يريحني حاسة اني اللي بعملو بالمنتدى حرام ..

ما بعرف ادا المنتديات حلال ولا حرام ..

وبحكي ما بدي اكلم شباب .. وانا شايفة العكس بقرارة نفسي ..

بحس كل اللي بالمنتدى بينظرو اللي نظرة احتقار او كره ..

ما بعرف هادا شعوري ..

ياريت حد يخبر اخي جيكو .. ويعطينا قرارو .. عشان انا التانية اخد قراري ..

ويارت كمان ما حدا يزعل مني .. وكمان ما ياخدني على قد عقلاتي :)

آسفــة للمطـولة ..

[محمود]

أختي فجر الحياة

بالنسبة لجيكو عندهم خط adsl وخط التلفون عندهم فيه مشاكل وانا حاولت اكلمه اكتر من مرة
لكن المشكلة ما زالت قائمة بخط التلفون ..

صقر جباليا .. أنا الي زعلتوو وبتمنى انه يرجع وراح احكي معاه

لانو احنا بنحبه وهو بحبنا

وهو التاني كان النت عنده مفصول ولسا شبكه جديد

وانتي بتعرفي غلاوتك عندنا ومش لازم تحكي هيـــك

صح انتي عصبية شوي ...لكن قلبك طيب كتير

والطيبة بتغلب على العصبية

وأكبر المنتديات الاسلامية تشارك فيها السيدات المنتديات مش حرام


والي بخليك تكتبي موضوع هيك ما بدل الا على اصالتك وشهامتك

وكبرتي في عيني يا بنتي

ربنا يحفظك

[عذراء فلسطين]

احنا منحبك كتيير فجر الحياة ومتل مقال محمود المتديات مش حرام
عنجد انك اصيله حبيبتي
الله يوفقك فجر
وما حدا بنظر الك نظرة احتقار بالعكس اكبر نظرة احترام

[اسير حب فلسطين]

ربما انا لا اعرف بالاحداث التي مرت معكم

ولكن اختي الفاضلة

والله تقديمك للاعتذار لينم عن شخصية ملتزمة
فوالله وانا اقولها لو ان الاخوان جيكو ....الخ ..رأوا ما كتبتي فسيعودون حتما لانك والله تكلمات بصدق
فأحييك على ما قدمتي من كلام وبأذن الله لا مشاكل بعد اليوم

وربما اختي بكون لنا درسا جميعنا بأن نتحلى بالصبر والحلم والهدوء ..وحتى ان كان الشخص عصبيا فهي ربما زلات وتزول

ولا نريد من ان تتركي المنتدى فأخواتك واخوانك بحاجة اليك والله والى معلوماتك

اما بالنسبة لاشتراك الفتيات في المنتديات فهو امر طبيعي بل يجب ان يكون للقسم النسائي دور فهن كما نحن يملكن العقول والمعلومات ولهن افضال كثيرة في العلوم والمعرفة على نطاق واسع

وحتى لو عدنا الى سيرة الحبيب المصطفي عليه الصلاة والسلام ة فنجد ان للمرأة دور كبير في الحروب ومساندة الدين

فوالله انا اقولها احيانا المرأة تساوي مجتمع وليس نصفه

جزاك الله خيرا وان شاء الله تحل المشكلة

اخوك اسير حب فلسطين

[~ | Mazaj]

يسلمو كتير اخي محمود لكلامك ..

يعني جيكو استغل مشكلتي معا .. وقال بدو يبطل من المنتدى وطلع التلفون عندهم فيه عطل ..

حسابو لما يرجع ،،

اما صقر فهادا انا مش عارفة كيف اجالو قلب يترك المنتدى ::

وشكرن كتير اخي محمود طمنتني ،،

شمعة فلسطين :~

وانا كمان والله بحبك وبحب كل الاعضاء متل اخوتي واكتر ..
وما في غيرك اصيل يا عسل ..

يسلمو اخي اسير .. تعليقك جميل جدا ومقنع ..

انا معك انو النساء كل المجتمع
هههههههههههههه .. قلبت الموضوع مزح ::

لا ان شاء الله ربنا يعطيني شوية صبر

وانا ما خلاني اكتب هالموضوع غير اني حسيت انو معظم الاعضاء الشباب طفشوا من المنتدى من وراي ..

وشكرا كتير الك اخي محمود واختي شمعة واخي اسير ..

[اسلام]

المشاركة الأصلية كتبت بواسطة محمود

أختي فجر الحياة

بالنسبة لجيكو عندهم خط adsl وخط التلفون عندهم فيه مشاكل وانا حاولت اكلمه اكتر من مرة
لكن المشكلة ما زالت قائمة بخط التلفون ..

صقر جباليا .. أنا الي زعلتوو وبتمنى انه يرجع وراح احكي معاه

لانو احنا بنحبه وهو بحبنا

وهو التاني كان النت عنده مفصول ولسا شبكه جديد

وانتي بتعرفي غلاوتك عندنا ومش لازم تحكي هيـــك

صح انتي عصبية شوي ...لكن قلبك طيب كتير

والطيبة بتغلب على العصبية

وأكبر المنتديات الاسلامية تشارك فيها السيدات المنتديات مش حرام


والي بخليك تكتبي موضوع هيك ما بدل الا على اصالتك وشهامتك

وكبرتي في عيني يا بنتي

ربنا يحفظك

الله يرضا على الجميع
الاخوات والاخوة مافي بيناتهم زعل والاخت فجر الحياة بجد اخت طيبة كتير ونيال خواتها فيها

والاخوة جيكو الجنـرال ،، ابن فلسطين ،، صقر جباليـا ..
كلهم مافي بعدهم نعم الاخوة
وانا بتمنى من كل واحد بزعل من حد تاني مايزعل ولما بدو يزعل يتذكر الاسرة والاخوة التي تربطنا في هذا المنتدى الرائع

واكيد اختي فجر الحياة انتي اصيلة وموضوعك بين قديش انتي حريصة على عدم زعل الاخوة منك وانك طيوبة كتير ومابتحبي حد يزعل منك
الله يوفق الجميع

[~ | Mazaj]

يسلمــو اســلام ..

انتي اطيب والله ..

وربنا يحفظك ويخليكي لاخوتك ..

وانا عنجد بقتقد الاخوة بهادا الوقت ..

اخوتي الكبار سافرو .. وما بدي كمان اخوتي اللي هوون كمان يتركونا ,,

ان شاء الله ربنا بيجمع شملنا من جديد :)

[farah]

الله يحماك ياعســــــل مافي منك انت أعلم في معزتك في قلوبنا لإنه على ماأعتقد المعزة متبادلة بينا
لكن .......((انا بحبك اكتر ياعسل )

الله يديمك

[~ | Mazaj]

هههههههههههههههه .. لا انا بحبك اكتر ..

يسلمو كتير اختي فرح .. والله عنجد كلامكم بيطمن وبيهدي البال شوي ..

واكيد المعزة اللي بيني وبينك يا فرح ما بيعلم فيه الا ربنا :)

[صقر جباليا]

السلام عليكم ورحمة الله وبركاته ...
تحية الى كل الاخوة والاخوات اعضاء منتديات شباب فلسطين " احلى اعضاء "
واقول لهم ان ما في القلوب يجب ان يخرج من طيب وبغيض والى الاخت فجر الحياة " روسانا " انا لم ازعل من حضرتكم لكن كان لا بد من خروج ما في قلبك والان خرج ما في قلبك ولا يوجد هنالك اي مشاكل واتمنى ان نبقى اخوة في الله ...
لكن رحم الله امرئ عرف قدر نفسه فوقف عنده ... ولا داعي لان يضع الانسان نفسه في مواقف محرجه من البدايه حتى لا يضطر في النهاية الى الاعتذار والاحراج ...
ربما تختلف وجهات النظر وهذا لا يعني ان نغضب من بعض ولكن يجب ان نحترم وجهات نظر بعضنا البعض حتى نتمكن من الاستمرار والتصافي ....
فجر الحياة ... ربما الخلافات التي حدثت بيننا كثيرة وانا لا انكر انني كنت السبب في عدد من هذه المشاكل ولكن انتي لم تكوني تواجهي الامور بحكمة وكنتي تتخذينها بتعصب لوجهة نظرك الشخصية .. انا لا احاول ان اضعك في موقف خاطئ ولكن اريد ان اوضح رايي وممكن ان يكون هذا الراي خاطئ ..
وكما قال رسول الله .. صلى الله عليه وسلم ... " ليس الشديد شديد الصرعه انما الشديد الذي يملك نفسه عند الغضب " .
وانتي يا اخت روسانا بتضلك في الاول وفي الاخر نوارة المنتدى واخت عزيزة على قلوبنا وما بنستغنى عنك .
وكل عام والجميع بالف خير ....
اخوكم رواد