قالوا لو تشرب ببسي بس ممنوع الدخول دون االرد ولو بشكر

[المارد المجروح]

ابقول
قالوا قالوا لو تشرب ببسي في فرصة فوز قالوا لو تشرب ببسي في فرصة فوز بدراجه هوائيه قلنا بجوز وحرمنا شرب القهوه وقفنا الشاي ووجهنا كل العيله على الببسي دووز كل ما تفتح قنينه هيه هيه مقعد ومقود او طاره اماميه عبينا دراج المطبخ من هالسكراب الا الهيكل مش راضي يصفي النيه ..عقب التالي عقب التالي حسنا انه ملعوب وقصد الغرب يلهينا وكل شي محسوب خلينا انظل اندور على بسكليت وهمه يحتلوا العالم من دون حروب احنا هون اتلهينا بجمع السكراب نفرح كل ما يجينا طارق على الباب حتى نفتحله ببسي بركي بنفوز واسرائيل بمقدسنا تفتح سرداب اشربنا ببسي وخبينا للمستقبل بركي يسعدنا الحظ بصورة هيكل احنا مشغلنا هيكل يسوى دينار واطراف القدس انهدت لجل الهيكل وختمتها الكوكاكولا بشغله موفيده اشرب ثنتين بتربح وحده اجديده وقال الفرصه محدوده يا ابو العيال الحق حالك لو حالك على الحديده
صرنا نشرب كوكاكولا روحه وجيه وبين الببسي والكوكا مرويجيه وصار الواحد على الوقعه يشرب لترين مع انه كان يصطل من ربعيه
اي دخنه اي دخنه دخنه واخرسنا صوت وصوره وفجأه اصحينا عصرخه بالباقوره احمد ربي مش منا قات الرابين كان بالزرقا نلحقها بالمنصوره
وقانا وقانا ماهي معنا ولاهي منا هما شيعا يا عمري واحنا سنه ودم الاطفال في قانا عادي مهدور ودم الحلوات السبعه اغلا عنا بكره يمكن يلهونا شغله بالتين وهديه للي بياكل ظمة برسيم وتلقا واحدنا مخخ على السيليلوز واسرائيل يتستفرد في ابو غنيم وقالوا وقالوا الارض بتتكلم ما بعرف ايش وغنا سيد مكاوي وسيد درويش جيت اكلم اوطاني يا اخواني طلعت تحكي عبراني ما بعرف ليش

والسلام عليكم ورحمة الله

انا اسف على الكلام الكثير بس عجبني وان شاء الله ينال اعجابكم
اخوكم المارد المجروح

[عاشق الحرية]

خاطرتك رائعة
تحياتي أخي
وتقبل مروري

[بسكوتة]

كلمات جميله
وفعلا هاد هوي واقع العرب :(

يسلو كتير عالموضوع ^_^

[زهرة سلهووب]

فعلا التهينا بالبيبسي وسوبر ستاااااااااار والبلد علينا بتنهار وصارت دمار بدمار حرقت اليابس والخضار تحيتي لك

[زهرة سلهووب]

]فعلا التهينا بالبيبسي وسوبر ستاااااااااار والبلد علينا بتنهار وصارت دمار بدمار قولبنا صارت حقد ونار حرقت اليابس والخضار..تحيتي لك على كلماتك الصامدة متل الشجار ..بجد خاطرة معبرة وجميلة وواقعية ايضا

[المارد المجروح]

لكم كل الشكر على هذه الردود الجميله

ودمتم بود

تقبلوا تحياتي انا المارد المجروح

[مروه]

ماشاء الله الله يحفظك

العرب بلدوا على هيييك هاد واقعهم

فعلااااا ونحنا كمان قتال وضرب ببعض

ونسينا قضيتنا

تحياتى لك

[المارد المجروح]

شكرا على المرور