جد مضايقه

[سيدرا الاموره]

بدي احكي معكم بموضوع جدي ما لاقست حد ممكن يفهمني
انا كنت رفقه كتير مع بنت والشاهد الله انها متل اختي
صارلها اسبوعين ما تصلت في
المهم عرفت عن طريق بنت رفيقتنا انها زعلاني مني وتصرفاتي بايخه وما بتحبها بتدكرها بوحدي بتكرها وما بدها ترجع تحكي معي
والت للبنت لا تحكيلها هالحكي علشان المشكله ما تكبر انا ما فهمت معناها
المهم هم اليوم طلعو التلها انو اطلع معهم التلها لا بنطلع بدونها هالمره
المهم انا كتير مدايقه ما عرفي شو اعمل انا ياما ياعدتها ووقفت حدها ودايمن كنت ارضيها وهي بدها تبعد بدون ما تعاتبيني المهم البنت الي وصلت الحكي اليوم التلي انو حركاتي بتقول عنها بايخه بس انكرت انها حكت ما بدها تحكي معي يعني ضيعتني مش عارفه هي بتكدب ولاشو
بس انا ما عارفي ارجع ارنلها افهم ليش زعلاني ولا اطنش
هي نسثيت وقوفي حدها وجرحتني بالكلام معي اني وربي يشهد ما ضيقتها بكلمه
بس اضايقت ليش ما اجت تحكي معي وانا ما بعرف شو عملتلها لتضتايقت
وعاتبيتي ادا انا بهمها صح ولا لا
بس هي وصلت حكي وعارفي انو رح يوصلني شو اقصدها جرح ولا عتب
انا ما عرفي شو عملت من الاساس وكرامتي ما بتسمحلي اني ارنلها
بي بنفس الوقت والله بعرزها
خايفه اكلمها ما ترد وتجرحني بالكلام
جد دلوني شو اعمل احكي ولا لا ولا اخلي البنت الي نقلت الحكي تفهمني الموضوع ومن ردت فعلها افهم
والتل للبنت تكمل الموضوع وتحكي علا اساس انا ما بعرف او بعرف دلوني شو اغمل

[جيفارا*نابلس]

اختي سيدرا

الموضوع مش مستاهل تخسري صديقه

عمر

احنا ما بنشك

بس الي نقلت الكلام

احتمال تكون الها غايه والله اعلم


المهم

دايما خلي حياتك


مع صديقاتك صافيه

حتى لو حد عكرها تعرفي مين بسرعه


واذا هي مابدها صداقتك

اظن الي بيرميك ارميه

واكسر جره وراه


والله يهدي الجميع

[سيدرا الاموره]

بعرف وشو هالغايه الي بدها تجي منها للي نقلت الكلام بعدين ليش احنا بنبيع بسرعه

[Banbon]

.... اتصلي فيها او روحي احكي معها او حتى بمسج ...
و حكيلها انك عارفه انها زعلانه و حابه تحكي معها و تتناقشي و تلالقوا حل مع بعض ....
و انه ما بصير تدخل بنت تالته بيناتكم بنا انكم صديقات المفروض تصارحوا بعض .....
المهم يعني واجهي صاحبتك ... و اذا ما ردت عليكي او فشلتك وقتها طنشي و انسي ...
على قولة جيفارا ((( اللي بيرميكي ارميه و اكسري حجره و راه ))))
لو صاحبتك عنجد ...و بتخاف عالعلاقه اللي بيناتكم .... بتواجهك و بتحكيلك اللي مدايقها منك ببساطه
ما رح تتركك و تمشي هيك !!!

بتمنى تنحل مشكلتك بأقرب وقت .......

[جيفارا*نابلس]

والله ياسيدرا

انتي مثل ماحكت بوبونه

كوني المبادره والسباقه

ورفعي العتب عنك


وبعديها لكل حادث حديث

[وردة حماه]

كيفك سيدرا ؟ اول شي ادياقت عليكي و الله لأنو حركتها بايخة متلها و الله ... و انا عن نفسي بحب اكون صريحة مع الناس و روح للي زعلانة مني او اللي حساها متغيرة معي و احكيلها شو مالك و افهم منها .. ازا انتي بتقدري اعملي هيك هيك انسب حل ربما يكون لاقدر الله حكيتي كلمة معها بدون قصد فهمتك غلط فيها أو تصرفتي تصرف هي فسرتو ع كيفها لأنو يا سيدرا كل انسان الو طبعو بتعاملو مع الناس و ربما إلها قصة مأساوية جدا مع البنت اللي بتكرها ... و بس بدي اوصيكي ابل كل شي تأكدي انو ما يكون حدا مخرب بينك و بينها و موصلها حكي عنك و انتي ما تكوني عملاه و هي مدايقة على اساسو بقصد انو حدا موقع بيناتكم ...ولاد الحرام كترانين و بيعملوها والله ....الله يهدي بالك يا حبيبتي .. و ازا ما رضيت تحكيلك شو مالها اتركيها ..هي الخسرانة بكون هيك انك عملتي اللي عليكي ....الله يوفقك يا بطة ^^

[نور الهدى]

شوفي انا دايما اقول بلاش منها المكابرة و الكلام عن الكرامة لما يتعلق الامر بعلاقة وطيدة و علاقة صداقة ..

كوني انتي السباقة للخير و الصلح حتى تبعدي عنك اي عتاب و حتى ما تندمي بعدين

حاولي تفهمي شو القصة بالاول منها بعدين زي ما حكالك اخونا جيفارا ... ازا ما بدها صداقتك و هنتي عليها يا ستي في مليون وحدة غيرها و لعله خير

اتوكلي على الله و خبرينا شو بصير معك جديد ^^

بالتوفيق