يوميات عبيط ههههههههههههههههههه

[VIP.]

مرحبا اعضاء المنتدى الغالي

كيف الجميع

مابدي اطول عليكم لانو اصلا القصه شوي طويله بس ياريت تكملوها كلها لانها بتوقع الواحد من الضحك

خلينا نبدأ



وانا في عز النوم و الهلوسات فجأة .... رن التلفون و طبعاً زي ما بتعرفوا تلفوننا ابوي مش مخللي فيه غير الصفر و الواحد !! يعني ما بقدر اطلب غير 101!!
المهم رفعت السماعة و قلت الووو .... الا و هذاك الصوت اللي يرد الرووووح ..... صوت بنت !! و أخوكم اذا سمع صوت بنت أوجعه بطنه و الامبلايز بيضرب عنده في دهاليز الحياة !! قالت الووو ... انا مش عارف ايش اقول و انشلت براطيمي تقول كأني كونداليزا رايس !!
ال ال ال الو ..... قالت : مين معي ؟ قلتلها : أنا ( جواب يدل على الحنكة و الذكاء !! ) ،و هي صارت تضحك و انا قلبي مو طبيعي قلبها موسيقى راب !! والكبد و البنكرياس نزل عليهم كل انواع الربكة !! قالتلي : سوسو موجودة ؟؟! قلت لها : ما بينفع حوحو ؟؟!! قالت : مين حوحو ؟ قلتها اسم الدلع تبع الحمار اللي بكلمك اللي هو انا!! و ضحكت للمرة الثانية على التوالي ...و قالت يؤيؤ ... شكلي غلطانة .... طيب آسفة ... قلتلها لا عادي لا شكر على واجب ( بسمع الناس هيك بيحكو و بستنى الفرصة اني احكيها !! ) وسكرت السماعة !!
تصدقوا .... مش عارف شو اللي صار فيا !! حسيت بكهربا بجسمي ، و زادت افرازات الانف عندي !! صار عندي روح معنوية !! اجا على بالي انزل اتمدد في المنتزه واكتب أحلى قصيدة هجائية !!
ليكون هذا هو الحب !! يلعن ابو الحب اللي بتعرفه يالاجرب !! عاد انا مش متعود على البنات لأن ما شاء الله بيتنا فيه خمسطعشر زلمة اللي هما أنا وخواني
ابوي و امي ( يخلف عليهم امي و ابوي على اساس انا ابنهم النضوة اخر العنقود !! )
المهم انا و خواني ما شفنا بنت قبل هيك بالمرة !! و هذا سببلنا عقدة تسمى عقدة فسلوحجية ( من وين اجت هاي ؟؟ )

المهم قررت اني اتعرف على بناااات !! بس في مشكلة انو ما عندي اسلوب خالص ( يعني وقفت على الاسلوب يلعن ابو منظرك عندك الف مشكلة مو بس مشكلة وحدة ، اولها وشك اللي عامل زي لوحة انتبه امامك نقطة تفتيش !! )

ما لقيت قدامي غير حل واحد ... في الي صاحب اسمه خميس معروف ان البنات ما بياخدو معه غلوة !! لقطت مفتاح السيارة ( كان الباب اليمين حالته بالويل يا عيني !! ) ... رحت عند خميس و قلتله عن وضعي الصعب !! و ان امنيتي بالحياة قبل ما اموت اني اتعرف على بنت !!

فقال لي الحكاية بسيطة ....اذا بدك البنت تحبك حسسها انها احسن وحدة في العالم ...قلتله يعني كيف ... يعني ....يعني اقلها انتي احسن من مارادونا ؟؟!!
و عينكم ما تشوف الا النور ... قام خميس و رقعني شلوط من النوع القوي !! قال لي انت ثوووووور !! شو دخل مارادونا يا غبي !! انا قصدي انك تحسسها بأنوثتها و رقتها و ان مافي بنت غيرها في العالم .... قلتله آآآآه ....برضه ما فهمت !! يعني بدك اياني اذبح كل بنات العالم و اخليها لحالها !! و الشلوط التاني عالسريع !!!
قال لي شوف .... انت حمار ...ما راح تفهم الا بالدروس العملية ...طلع جواله ( فاتورة ) و ضرب رقم .... قال لي شوف راح اكلم وحدة و اتعلم !! قلتله طيب
بدا يحكي .... هلا حياتي هلا عمري هلا روووحي .... انا لؤي حبيبك و مجنونك ...( الحمد لله على العقل ، يلعن ابوك شو جابك على لؤي !! اللي يشوف وشك ما يعطيك اكتر من جعفر !! قال لؤي قال) ... و صار يقلها ....
احبك واموت فيكي ...انا بدونك متل البيت بدون حااارة ......مثل التلفون بدون حرارة ..... متل السواق بدون سيارة ....انا البنزين و انتي الشرارة .....انا الشارع و انتي الانارة .....انا الرومانسية وانتي الاثارة....انا مبنى التجارة العالمي و انتي الطيارة !! (هادا صاحبي اللي مقطع السمكة وديلها )
يلعن ابليسه كنت بدي اقله هات بوسه ولا .... حسيت بروح رياضية عالية بجسمي .... كلامه لو حيطه سمعته لوقعت !!!

المهم خلص المكالمة ....التفت عليا و قللي يالله دورك!! بدي اعطيك رقم بنت و كلمها ... وقلها نفس كلامي ... قلتله معلش هات جوالك بلاش تروح الترعيشة !! المهم اخدت منه الجوال و انا مرتبك !! و قلت الووووو ..... لما سمعت صوتها ضاعت افكاري ( اذا كان في اصلا افكار ) و نسيت كل الكلام ... قلتلها .... بابا فين !!؟؟
و ما احسلكم الا و الجزمة تكرموا على قفاي ..... قللي ولك احكي نفس الكلام اللي قلته انا ثوووووووور !!
قلتلها .... هلا حياتي ....هلا روووحي .... هلا تعاااالي ....قالت طيب و بعدين ؟؟
قلتلها :والله صوتك بيبي فيس .... انا بدونك متل الكيبورد بدون فاااره ....متل التقاطع بدون اشارة......متل الحمار بدون كاااارة ..... انا محترف و انتي نظام اعارة .... انا الولاعة وانتي السيجارة .... انا طووط طووط طووط !!!
قال خميس مالك ؟ قلتله ولا شي الظاهر الخط مشغول ( حمار بيعرفش يخلص حاله ) و ما لقيت الا خميس طلع لوح مسامير و نزل دق فيا لما شفت الديك ارنب و قلت للعنزة يا خالة !!
رجعت البيت ما لي وجه من كتر الدق اللي اكلته من خميس تقول وشي صار مصفاية !!

انا قلت اليوم اربعاء ... اموت خميس و جمعة و ان شاء الله بصحى منيح .... يوم الجمعة بالليل وانا في عز النوم و الهلوسات فجأة .... رن التلفون و طبعاً زي ما بتعرفوا تلفوننا ابوي مش مخللي فيه غير الصفر و الواحد !! يعني ما بقدر اطلب غير 101 !!
قلت الوووو .... ولا اقلكم بلاش اكمل .... هيك بكفي

منقول

تحياتي
VIP

[mmk_1988m]

هههههههههههههههههههههه ههههههههههههههههههههههععععععععع
والله حلللللللللللللللللللللللللللللوه انا بدون هالمذكرات متل الصرصور بلا بياره
ومتل الاحول بلا نظاره هههههه ههههههههههههه
لا حللللللللللللللللللللللللوه ويسلمو حبيب

[VIP.]

هههههههههههههههههههههههه الصرصور بلا بياره ومتل الاحول بلا نظاره ههههههههههههههههههههههههههه


شكرا على المرورmmk_1988m

تحياتي و حلوه منك

[فليسطينية 100%]

هههههههههههههههههههههههههههه
مشكور /ة.................

مع تحياتي فلسطينية 100%.

[VIP.]

شكرا على المرور فلسطينيه 100%

تحياتي