لماذا يتكتم البعض على همومه واحزانه ؟؟؟

[اسيرة النجوم]

السلام عليكم ورحمة الله وبركاته


موضوع جدا مهم اتمنى ان يجد التفاعل 00


كثير منا تعتريه الهموم والمشاكل فمنا من يخرج ما كتمه داخل قلبه ربما لإنسان عزيز عليه .... شخص يفهمه متفهم لطريقة تفكيره .... فمن الرائع ان تجد الانسان ( المناسب ) الذي يستمع لك وتستمع له ....تخفف عنه ويخفف عنك ..... تستأمنه على أسرارك ويستأمنك على أسراره ... شخص يداوي جراحك ...... ويكون لك كالمرآة التي تعكس شخصيتك ....!!!

ومنا من يتكتم على همومه ولا يظهرها سواء لقريب أو لبعيد ويظل مهموما مثقلاً بالهموم والأحزان .... ويتحمل ما يعانيه بصمت دون اشراك أي انسان بمشاكله وهمومه .....

ومنا من يبدو على وجهه ملامحه الحزن ...أي تعبر ملامح وجهه وحركاته ونبرة صوته عما يعانيه فيظهر ذلك جليلا في ردود أفعاله ....


وهناك من لا يبدو على ملامحه أي شيء مما يخفيه بين جنبات قلبه وحناياه من هموم ومشاكل أي لا يوجد أي انعكاس لما في قلبه على ملامحه ....يستطيع أن يسيطر على حركاته ومخارج الفاظه ويفضل ان يعاني في صمت بعيداً عن الآخرين ...

ولكن السؤال ..... لماذا نختلف في مسألة التكتم على همومنا ومشاكلنا ...؟؟؟؟


ولماذا يغلق البعض على همومه وأحزانه صندوقاً يدفنه في أغوار قلبه ؟؟؟

اذا كنت أخي الكريم أو اختي الكريمة من هذه الفئة ....فما الذي يدفعك لذلك (( التكتم ))؟؟؟

أي اذا كنت من النوع الذي يلقي بهمومه في مستودع قلبه ويقفل عليها بالمفتاح ...... أو اذا كنت من النوع الذي تبوح بما يعتريك من هموم ومشاكل لأقرب انسان .....سواء كنت من النوع المتكتم أو النوع الذي يصرح بما في قلبه .......( انتظر اجاباتكم ) !!!!

واتمنى أن نجد التفاعل في هذا الموضوع على أمل فك طلاسم وسر هذا التكتم ...

بانتظار آرائكم ووجهات نظركم .....

[جيفارا*نابلس]

اختصار لكل الموضوع

في مثل بيحكي

الله يرحمه ستي

خليها بالقلب تدبح ولا تطلع وتفضح

ههههههههه

هاد المثل

[ملكة الإحساس]

أي اذا كنت من النوع الذي يلقي بهمومه في مستودع قلبه ويقفل عليها بالمفتاح ...... أو اذا كنت من النوع الذي تبوح بما يعتريك من هموم ومشاكل لأقرب انسان .....سواء كنت من النوع المتكتم أو النوع الذي يصرح بما في قلبه .......( انتظر اجاباتكم ) !!!!

واتمنى أن نجد التفاعل في هذا الموضوع على أمل فك طلاسم وسر هذا التكتم ...

بانتظار آرائكم ووجهات نظركم .....


مرحباا اسيرة النجوم ..

بالنسبة عني انا من النوع الكتوم .. وبفضل اني اكتم ما بداخلي ..لألي ..
يعني لما ادايق .. او ازعل .. او اعصب .. او اي شي .. بكون سااكته .. وما بحكي .. بس لو تسأليني ليش .. بحكيلك ما بعرف ؟!!
يمكن طبيعتي هيك .. بس ممكن احكي بعض الاشيااء .. اللي بتكون محيراني .. متل مشكلة مع حدا .. او تعامل مع حدا .. او حدا حكالي كلمة .. وانا زعلت .. بحكي لأخي اللي اكبر مني .. وانا بعتبروا اقرب شخص لألي .. واي شي بحيرني بسألوا .. وباخد رأيو ..
اما شي غير هيك .. بيبقى بداخلي .. وما بيطلع .. حتى لما اكون زعلانه من حدا .. من دون ما يحس هدا الشخص اني زعلانة .. بنسحب .. يوم .. يومين .. تلاتة .. وبعدين بنسى .. وبرجع عادي متل اول ..
وكتيير اوقاات لما احس نفسي انخنقت .. بكتفي اني ابكي ..
وبحاول الهي نفسي بأي شي ..

وبس

يسلموا اسيرة النجوم عالسؤال .. اول مرة اجاوب ع هيك سؤاال ..؟!!

[عاشقة فلسطين]

اول شي شكرا على الموضوع الحلو
اول مرة ينطرح ^_^
و بدي اقول انه زي ما حكيتي انه مش الكل بيكتم همومه و احزانه
انا بشوف انه الاشي بيتعلق بشخصية الفرد و بتكوينه و بتربيته كمان
و بالنسبة للي بيكتموه برضه بشوف انه بيتغير من شخص لشخص
شكرا كمان مرة

[lnosh]

تسلمي أسيرة النجوم علي الموضوع فكرته حلوة
بالنسبة الي انا من النوع الي بيحكي لاقرب الناس الي .
الانسان لما بيحكي بيفرج عن همومه و بريح قلبه من الهم والحزن خوفا من انو الانسان يصبح عنده حالة من الاكتئاب .
والبعض الاخر ما بحب يتكلم ولا يفرج عن قلبه ويريحه و علي رأي جيفارا في مثله ... خليه في القلب تجرح ولا تطلع لبرا و تفضح...

[حورية الحريّة]

انا مش بفئة التكتم على المشاكل و مش بفئة الخبار عنها و الافراج عن النفس
حبيبتي للأسف بهالدنيا صار بعض الناس همهم مصالحهم و بينسو الحواليهم.......و لما انا بدي احكي لشخص سر بفكر ميت الف بليار مرة انو هاد الشخص بيوم ما حيوخد هاد الموقف كنقطة ضعف الي ولا حيستخدمو ضدي ولا يستفزني فيه لأنو بجد الزمن غدار
في قصة رجل مسن حكاها مرة و الكل اتعجب منها........انو صار معو حادث و هو بمرحلة الشباب "يعني فهمان الحياة شوي" براسو ادى الى فقد بصرو بأحد العينين.....بس ما حد عرف من اهلو انو فقد بصرو بأحد العينين......و تزوج و جاب ولاد و عائلة و قبل ما يموت نادى زوجته و اغلق عينيه اليسار و طلب منها توضع شي اما عينو اليمين و قال"والله ما اشوف ما وضعتي امامي"ووقتها بس انعرف انو اعمى البصر بعين واحدة
يعني خبا همو لحالو لحتى ما يزعج حالو ولا غيرو
و بعدين كل واحد همو بيكفي و بيزيد
طولت عليكي....بس موضوعك حلو