حياتي بلا اغاني لها معنى..

[احلى رورو]

السلام عليكم

احبتى واخونى شباب فلسطين
اليوم راح اطرح عليكم فكرة واتمنى تساعدونى فى تنفيذها

واتمنى ان اى حد عنده شى يقدر يضيفه او معلومة ما يبخل عليا بها

طبعا كلنا عارفين الاغانى الماجنة والهابطة

وكلنا سمعنا عن ناس ماتت وهى تغنى بدل ما تتشهد

من فترة بسيطة وقفت مع نفسى بعد ما كنت مدمنة اغانى ليل ونهار

وقلت طيب واخرتها لو جانى ملك الموت وانا اغنى شو ارد عليه

والحمد لله منعت الاغانى والفضائيات من بيتى واتمنى اقدر اكمل

ومن هنا فكرت اننا مع بعض نسوى حملة

اسمها حياتى بلا اغانى لها معانى

اتمنى منكم تساعونى بنصايح مواضيع اراء

اى عضو يدخل هنا اترجاه ما يطلع غير وهو كاتب شى يفيدنا

اخوتى فى الله

الموضوع يمكن يكون فى البداية صعب

تعالوا نغير اشرطة ايهاب توفيق وغيره باشرطة دينية

تعالوا نسمع محاضرات وقرآن

من منكم ناوى يساعدنى عشان نطهر مسامعنا من الانحطاط

من منكم حابب انه يشاركنى الحملة

[حورية الحريّة]

ما شاء الله موضوع و هدف بيجنن.. انا الحمد لله بعد ما رحت عمرة قبل سنة بطلتها الأغناي لأني خفت أقابل ربي بخاتمتي و تكون خاتمتي بغني
على كلّ انا عندي كم من فكرة يا رب يزبطو
1- انو يسيير في عملية تبديل أشرطة متل ماحكيتي ..انو كل شاب او بنت يشتروا مجموعة من الأشرطو الوطنية او الاسلامية و يبادلها مع اصحابو بدل الأغاني و يتلف الأغاني..صحيح انك ما كسبت شي مادي بس اتخيل انو كل ما يسمع صاحبك النشيد بكل كلمة انت حتوخد أجر
2- انو ما يستخدم حد الأغاني بالتوقيع
3- كتروا من الأناشيد بالمواقع وا لتذكير فيها و اثم الأغاني

[ابنة الشتات]

ما شاء الله عنك أختي
أنا متلك كنت أسمع أغاني بس مو ادمان هلأ بطلت الحمد لله
الله يثبتني و يهدي الجميع و يهديني
يعني ممكن الواحد يستغني عن اغاني بالأناشيد (وهاد كتير فادني)
طبعاً غير الوقت المخصص للقرآن
فكرة تبديل الأشرطة كتير حلوة
ممكن الواحد بس يسير عنده عزيمة عن انو يبطل يشترط على حالو انو كل ما أسمع أغنية بدي أحط هلقد مبلغ بحصاله يكون مخصصها وبآخر كل أسبوع او كل شهر ياخد هاي المصاري للصدقة وهيك بكون أخد ثواب وعاقب حالو بنفس الوقت ... وممكن المبلغ الي بدو لما يسمع اغنية غير لما تيجي عباله غنية وهيك لحد ما يتوب
،،،،،،،

[عاشق البندقية]

والله وين ايام الاغاني و ايام الدوران وراها,,

^^

خيتي المشكلة مش بس بالاغاني , المشكلة كمان بالعقول الهايفة والضعيفة,

واللي ما بتعرف ان الاغاني كمان سلاح بايد عدو الدين وعدونا,,

والله شي بحزن الشب يكون عقلو فارغ لا ثقافة ولا علم ولا دين, والبنات لسة وقعتهم اكبر,

الشغلة هاي بدمهم.

يعني اقلك شغلة ,, بشوفها كثير,,

بتيجي خالتك هيفا ولا روبي..

اول شي صوتهم مش هالصوت الغنائي..

وكلمات الاغنية تافهه .

واللي عليكي بس حطي التلفزيون صامت واحضري الفيديو..

ووالله انو صوت ميس شلش وعبد الفتاح عوينات بحطو هالاصوات بجياب بنطلوناتهم الصغيرة.

اختي الاغاني مش دخان ولا سكر الله يعافينا..

الواحد ما بيدمن منها,,

انا بقلك فش احلى من منظر هيفا وهي بتتقصوع عالمسرح .

وانا بقلك كل ممنوع مرغوب.

لهيك ربنا حكا هالشغلات حرام.

وربنا بيعرف انها بتعمل فقر اخلاقي وثقافي واجتماعي فظيع .

بس احكي للواحد هادي الشغلات ,, بقلك كنك شيخ..

وسبحان الله زمنا الصح صار غلط والغلط صار هو الصح.

على كل حال اختي موضوعك جميل بارك الله فيكي..

ومثبت..^^

[احلى رورو]

نورتوووووووووووو :))

[نبض الأقصى]

بارك بكِ أختي على الموضوع
الأغاني أنها طريق قصير إلى جهنم وبئس المصير بتعرفي أنا لما كنت في عصر الجاهلية كنت أسمع أغاني
بس والحمد لله لي عدة سنوات لا أسمع وهذا من فضل ربي علي.....
وتعرفت على الأناشيد الاسلامية وكثير رائعة وبندم على اليوم إلي فيه سممت أذني بالسموم القاتلة.....
الله يهدي الجميع ...........
شبكة أناشيد عليها كثير أنا شيد اسلامية رائعة
أو بتقدروا تضعوا على google أناشيد اسلامية وبتطلع كثير أناشيد رائعة.......
بوركتي أخيتي........

[مؤيد]

الصراحة قعدت فترة أسمع أغاني كتير وما أسمع أناشيد بالمرة
هذا كان زمان
بس الفترة هاي الحمد لله صرت أسمع أناشيد كتير

يسلمو كتير أحلى رورو
موضوعك حلو كتير يا خالو

جزاك الله كل خير

[وردة حماه]

و نا بسمع هيك و هيك و الله يبعدنا عن الأغاني و سماع الحرام يارب ... يسلموا أحلى رورو تؤبشيني مواضيعك شو هادفة ودعواتك لإلنا بهالداية ... بس سدقوني ماني متيمة أو ميتة عليهم أليل لما أحط و أسمع

[*قسامية*]

بارك الله فيكي اخيتي رورو على طرحك للموضوع

انا الحمد لله من زمااااااااااااااااااااااااااااااااا اااااان مبطلة قصة الأغاني
يعني تقريبا من وانا بالصف السادس..... الحمد لله


والان ما باسمع غير الاناشيد


انا بدأت حفظي للقرأن من وانا بالصف الثالث الابتدائي والحمد لله
وهاد اكتر شي ساعدني على اني ابدأتدريجيا في ترك الاغاني


الله يهدي الجميع


ومشكووووووووووووورة اختي رورو على طرحك للموضوع

[لولو اليبناوية]

والله فعلا انا الحمد للله الاغاني هلأ صرت اسمعها اقل من اول ...
وبتمنى اني ابطل اسمعها بالمرة...
والله يخليلنا هالمنتدى الي خلاني انوع بالسماع...
يعني بسمع هيك وهيك...