مزايا صبايا القدس.

[احلى رورو]

مزايا صبايا القدس.

أنا وماما زي الصاحبات ، دايماً بحكيلها كل إشي

ماما بتعرف عنك كل إشي شغل عرط و بس طبعا

كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة

لو سألتها عن أحلى سنين بحياتها رح تحكيلك : ما بين 19 & 23

و بتشرحلك كيف كانت حلوة و مجننة شباب الجامعة وكيف كلهم بركضوا وراها

و هي ما كانت تعبرهم_.

الشاطرة اللي بدها تقهر صاحباتها...بترن عل *111(رقم مجاني لشركة

الموبايل ) وبتنزل عرط و تخويث

و على آآ حبيبي و شو حياتي و

i miss u يا عمري و بشوفك يا baby

كلهم
أخدوا رخصة السواقة بالواسطة ....و أكيد هذا واضح من البريكات الخبط أو السرعة اللي ما بتتطلع عن 20,أو حزام

الأمان اللي بروح ما ينمزع‏ ‏قد ما هو مشدود

بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ،

و الكولا دايت طبعا بس ترجع على البيت بتقوم بصدر المنسف لحالها ،

والله ,بوكلونا على جوع !

إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق

عليك قدام كل الجامعة ، بس إذا لقيتها "صدفة" بعرس ابن خالة عم أمها ،

بتضلكوا على البست للصبح ، وبتشبكوا على الدبكة وأعطيني هوارة أبو الحلاني

.....ورووووح...للصبح رقص سلوووو_على أساس فريندز طبعا

كلهم بابا بحبهم أكتر وحدة بين إخوانها ....وهي وبابا زي الصحاب و بابا بوخد رأيها بكل إشي

أكره إشي
عليهم يشوفوك بتحضر مباراة ، بمعنى آخر أكتر إشي بكرهوا كرة القدم ،

إلا إذا المباراة فيها إيطاليا أو إنجلترا بتلاقيهم قعدوا و بسطوا يبصبصوا على إجرين مالديني و بيكهام

بهاي معهم حق ، يعني بصراحة مالديني منظر و حسونة الشيخ منظر

مريحين بالهم و تنحصر اهتماماتهم في المواضيع التالية :

روجيم: - لازم أنزل كمان خمسين كيلو ،

حومرة وبودرة: - نزلوا حومرة جديدة بطعم الكيوي ،

أووولتك أسشور شعري ولا أعمله كيرلي,

الأكل: - ماما طبخت جاجة محشية تفاح,

و ما بتغدوا غير ستيك مشوي ،و ما بشربوا غير مي.

الفن: - ما أزكاه brad pitt,رايان شعره بجنن, شفتي أصالة ما أزنخها,شو لون مسكارة اليسا.

مش ألتلك انه بشار بحب سلمى,شفتي صندل نانسي,أحمد الشريف أحلى واحد بالعالم!,

لون بشرة اليسا واااااااو,

حضرتي كليب جاد شويري ما أفيعوا؟

مو معئولة هالشاكيرا !!!

كلهم ما بدخنوا ...بس بابا سمحلهم يأرجلوا عادي!!!

عندهم حالة تشابه غريبة
: إذا واحدة عملت تاتو تاني يوم كل البنات تاتو ،

إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر_...

مواصفات حبيب القلب:

فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب,

وإذا بشبه توم كروز بكون ممتاز

بتكون أطفش من حكيها ما في..وكلو قال و غاد و انداري و بديش و قرفانة..

.بالجامعة بتقلب آآل و هوناك و مو عارفة و .thank u‎ و كتييير زهئانة

دايماً شنتتهم مليانة أشياء زاكية ، إذا جاعت بتلاقي معاهم الكينيون بالشنتة شبس ،شوكلاتة ،بسكوت,

دروبس،علكة,سوس


مفاهيم ربما تكون صعبة عليكم:-

عرط:كذب

تخويث:مزح

تسلخك:تضربك

فايع:شاقق الدني بصدره ومش هامه حدا

اطفش :ادفش,اثقل

غاد:هناك

انداري:لا اعرف


ههههههههههههههههههههههههههههه


نصهم صح والله والله

[حوارى الخلود]

هههههههههههههه
يقطع شرك
الحمد لله انه ما فى شى عن بنات خانيونس
الواحد موناقصه فضايح
تسلمى على هالفضايح
ودايما فاضحينكم فى هالمنتدى


هه هههههههه ههههههههههه ههههههههه
تسلمى احلى رورو

[لولوه]

هههههههههههههههههههههههههههههه هه
حلوين والله عجبوني
بس مو بالقدس بس حتى عندنا بالكويت في كثير من هالأشكال بس طبعا لهجتنا تختلف
ههههههههههههههههههههههه
يسلموو والله ضحكتيني

[عبوووش]

والله كلامك صحيح مية المية اسال مجرب ولا تسال طبيب
ههههههههههههه
تحياتي ليكي احلى رورو

[عاشق البندقية]

هههههههههههههههههه

يخرب عقلك ..

والله ضحكتيني..

يسلمو خيتي.

^^

[احلى رورو]

ههههههههههههه نورتو

بس انا مش هيك خخخ

[الخليلي]

ههههههههههههههههههههههههههههههههههه هه مشكور جدا
بس على فكره انا قرأت هادا الموضوع في منتدى تاني بس مشكور حبيبي

[محبة الأقصى]

ولك شو هالفضايح

ما لقيتي غير بنات القدس
هاي الظواهر موجودة في كل الدول العربية الحمدلله


بس بتعرفي انتي حقيتك حكيتي بنات شارع صلاح الدين ياللي بالقدس
بكون احسن .........خخخخخخخخخخخخخخخخخ

يسلموووو عسولة

[احلى رورو]

ههههههههههههه

نورتوو

بس بنات شارع صلاح الدين ما في بعدهم بنات هههههههه

خاالف تعرف:))