نقاش عن الزعل

[rame]

السلام عليكم
كيفكم

حابب اناقش معكم موضوع هو الزعل

الانسان عندو قلب والقلب يعني احاسيس والاحاسيس يعني مشاعر
يعني لو واحد منا اتفق مع شخل على شغلة معينة والطرف الاخر م التزم فيها
طبعا احنا بنزعل منو
في ناس بتزعل وما بتخلي الطرف الاخر يحس انو زعلان وممكن الطرف الاخر يعيد نفس المشغلة ونزعل كمان مرة
وبنقولو انو احنا زعلانين منك طيب شو نعمل معو ازا كان قلبو حجر زي ما بيقول وبردو بنسامحو بس لما يعيد الشغلة كمان مرة في هادي الحالة الزعل راح يكون كبير وكبير كتير كمان

وفي ماس بتزعل على طول من اول مرة وما بتسامح الا بصعوبة
وفي نا ما بتحس وما بتزعل وبتشوف كسر الاتفاقات عادي


طيب شو نعمل مع واحد زعلانين منو ؟؟



.


.

[جيفارا*نابلس]

والله يلي بيزعل على حد علي بيكون اما مريض او طريقه النقل والاستيعاب عنده مو صحيحه

لانو الانسان العاقل بيفكر بعقلانيه

وبتجنب اي زعل

شكرا رامي

[!! أحـسـاس !!]

خـيي (( رامــي ))

سأدخل الى الموضوع بدون أي مقدمـات

اذا زعلانـ منو بتصارحهـ وصدئني بالنسبهـ الي بصارح

لو بعد فترهـ .. بس المهم ما يضايل بئلبي شي على الشخص

بس اذا بعـرف أنو زعلي مش فارء معـو خلص بتوقع انو انسان ما بيستاهل ينزعل منـو

وممكن هو يكون ئصدو شي او صار معو ظرف او شي انت ما تفهم ئصدو ...

وطبعي بزعل بسرعه وما بحمل بئلبي <<< وبتسامح بسرعهـ

فهيدا كلو برجع لطبيعة الشخص الي انت زعلان منو ...

كن بخير،،

والله لا يجيب الزعـل

!! أحسـاس !!

[rame]

شو رأيك يا احساس اني قلتلو زعلان منك
مع كل هادة بردو الواحد ما بيقدر يستغني عنو
لانو شخص عزيز جدا
بس بسراحة انا عملت كدة علشان ما يخلف وعود واكتر من مرة اخلف الوعود وانا بسامحه
بس هلئ لما نشوف شو راح يعمل واحنا زعلانين منو

ان اردت شيء بقوة اتركه ان عاد إلك فهو إلك من البداية
وان لم يعد فهو لم يكن يوما لك
ولا كلامي غلط

[سارة]

اكيد ما بيهمك رأي هههههههههههههه


بس انت امزعل حدا

[رأفت]

و الله اللي بزعل من الحق انو انسان ما بستاهل انو ينزعل منو ...

و بس ...

تحياتي لك ...

[rame]

المشاركة الأصلية كتبت بواسطة جيفارا*نابلس والله يلي بيزعل على حد علي بيكون اما مريض او طريقه النقل والاستيعاب عنده مو صحيحه

لانو الانسان العاقل بيفكر بعقلانيه

وبتجنب اي زعل

شكرا رامي

اخ جيفارا
الله خلق للانسان قلب ومشاعر يحس فيها
مش كل حاجة عقل
في احاسيس ومشاعر وممكن الانسان يزعل من شيء صدر عن طريق شخص اخر
ولا كلامي غلط
يعني انتة ممكن تزعل من اخوك لا سمح الله من فعل او من صديق الك
من شيئ صدر منو

[rame]

المشاركة الأصلية كتبت بواسطة سارة اكيد ما بيهمك رأي هههههههههههههه


بس انت امزعل حدا

لا كيف اكيد بيهمني رأيك
بس ماني مزعل حدا
اكيد هو يللي مخليني زعلان منو

[جيفارا*نابلس]

بزعل اوكي بس بحدود

مو لدرجه اني انسى يلي زعلت منه

وبالنهايه بترجع الشغله لمدى العلاقه والوفى الي بينها

[عبق الياسمين]

ان لم يوجد الزعل لم يوجد الرضا
والاختلاف نعمه اعني ان الزعل امر لابد منه
ولا بد من انهائه واشعاله في مختلف الظروف
لكن الاهم من ذالك كله ان لا يستمر الزعل طويلا
فهي يولد الاحقاد ويعمي القلب