لماذا مواضيع المشرفين مقدسة ؟؟

[صمت السنين]

السلام عليكم ورحمة الله وبركاته

الموضوع واضح من العنوان وهو لماذا مواضيع المشرفين مقدسة ؟؟

اي هناك مواضيع للمشرفين يكتبونها نجد عليها ردود بنسبة 90% بينما الأعضاء 1% و كذلك بالنسبة للتثبيث نجد أن بعض المواضيع لا تستحق التثبيت مع احترامي الشديد لهم بينما مواضيع الإخوة الأعضاء تكون مميزة لكنها مهمشة بل الأغرب نجد عليها 100 زائر و 0 رد

ما نسمي هذه الظاهرة .... نفاق ... انتهازية .....


وارجو ان لايثير موضوعي الخلافات فقد طرحته من اجل النقاش على اشياء مبالغ فيها ..

وصدقوني كل كلامي من اجل مصلحة المنتدى ..

وشكراً على تفهمكم ..

[وليف الدمعة]

وهم اسمة الحب ... اشكرك اولا علي طرح الموضوع
الصحيح هذة الظاهرة موجودة بس مو بشكل كبير كما ذكرت يوجد بعض الاهمال للموضيع الاعضاء
واهتمام اكبر للمشرفين بتمني ان لا يكون تميز ابدا بين عضو ومشرف المواضيع كلها يجب ان تاخذ
بعين الاعتبار للجميع ولا نفرق بين احد هذة مواضيع للاستفادة يجدر بينا ان لا نفرق بين كاتب الموضوع
سواءا عضو او مشرف وشكرااااا

مع خالص تحياتي لكم

[ريما الفلسطينيه]

لا مقدسه ولا شي ..

عادي يكون مشرف حاطط موضوع وما حد يرد عليه و تكون الردود قليله جدا..

ما دخل الاشراف في زياده عدد الردو او تقليلها ..

وعادي احط هلا موضوع ماحد يرد عليه ازا ما كان حلو ..بس غالبيه المشرفين بيعرفو كيف ينقو مواضيع حلوه ..

[Twin]

ههههه في الي كتير مواضيع الي ماحد بيرد عليها وكتير مواضيع بيسكروها .. بس عاد متل ماحكت ريما حسب انتقاء الموضوع ... بس مش شرط انهم مشرفين .. شكرا عصراحتك ..

[فارس فلسطين]

ههههههههههههههههههههه
انتنظرتك للموضوع كله خاظئة أخس وهم اسمه الحب في مواضيع للاعضاء مثبته وفي مواضيع للمشرفين مثبته وقصة الردود دي ما الها روابط معينة برده نفس الشي في مواضيع بتكون مليانة ردود للمشرفين وبرده للاعضاء مليانة ردود يعني مش زي ما انت تكرمت وقلت انه مواضيع المشرفين مقدسة فش عنا في المنتدى فرق بين عضو و مشرف
وتسلم أخي لطرح الموضوع

[شمس الوداع]

مقدسة ... استغفر الله العظيم
بعدين مين حكى هيك
مو كل المشرفين واحد ولا كل الاعضاء واحد
بعدين الحمدلله بالنسبة الي عم بدور دايما على المواضيع الاقل ردود وبرد عليها او اللي ما عليها رد
بس طبعا كله على حسب نوع الموضوع مع احترامي الشديد للجميع

دمتم بود

[عاشق البندقية]

اخي لا مقدسة ولا شي..

بس في فرق بين الموضوع لما يكون مرتب ومنسق , وبيفتح النفس للقرائه..

وبين واحد جايب شويه هالكلام ..

وكوبي بيست.,, وارسال الموضوع الجديد.

صدقا انا من جهتي في مشرفين واعضاء لما اشوف مواضيع بأسمائهم ركد عليها.

لاني عنجد بستمتع بقرائتها...

وكل الاحترام لإلك يا حلو.

[AnGeLa]

متــل ما حكيــــــو ^^

لا اضــافة ..!

وعمــرها ما كانت مواضيع المشرفين مقدسة !!

[محمود]

السلام عليكم ورحمة الله وبركاته

راح أوضح أخوي نقطــة الخلاف ..

عندكـ المشرف بكون اله أسبقيــة في المنتدى ..

ومعرفة الأعضاء فيه أكثر ..

طبعا أي موضوع بنزل من المشرف بلفت الانتباه انو نزل من هذا الشخص ..

مش لكونه مشرف .. بالعكس لكونه معرفته فيه مسبقــة فالفضول بزيد هنا ..

وهذا شئ طبيعي انتا ما بتقدر تتحكم فيه لانو مو تصرف خاطئ بالعكس هيك

طبيعه الانسان ..

لكن المشكلة لما يكون الاهمال كلي .. او بالاحرى ما يرد الا على مواضيع المشرفين ..

هنا بتقول انو في إن في الموضوع وإنو بده مصلحة ..

بعدين يا أخوي ،، انا مثلا في مواضيع أعضاء بتعجبني .. أول ما أشوفها نزلت موضوع

بطير أشوفه لاني بكون عارف انو العضو هذا او المشرف راح ينزل موضوع تحفه ..

مثلا عندكـ القلعـة الأخيرة ،، أنجيــلا وهيلن وبيسان ......الخ

من الناس يلي بحب اشوف مواضيعم لانه بجد بتنم عن ذوق حلو

وتنسيق رائع ،، وفيه لمسة خاصة لكل واحد فيهم بموضوعه غير هاد كله بكون الموضوع مميز ..

فيا أخي هما ماصاروا مشرفين لأنهم طلبو الاشراف ..

هما صاروا مشرفين لأنهم أبدعوا في المنتدى ..

وهذه نتيجة الابداع الاقبال من الكل على مواضيعهمـ ..

وفي النهاية المشرفين والاعضاء والمدارء كلهم سواء .

ما في فرق .. الي بفرق انو المشرف بكون اله دور في ادارة المواضيع ..

فيا أخي هاد الشي ما بزعل .. حاول تتقن مواضيعك .. تحط فيها لمستك الخاصة

راح تلاقي اقبال وانا متأكد ..

اما قصة انسخ وحط والصق وانقل بدون تنسيق حتى وبس موضوع وعلى الماشي ..

ما تنسى انو الاعضاء كمان بحكوو موضوع وعلى الماشي ..

الكلام مش الك ،، نو انا بحكي بشكل عام ..

فيا اخي من جد وجد ومن زرع حصد ..

والكم التحيــــة ..

[قمر الخليل]

no comment

mahmood 100%