مزايا صبايا جامعات الأردن....

[رأفت]

1-.أنا وماما زي الصاحبات ، دايماً بحكيلها كل إشي ،
ماما بتعرف عنك كل إشي>>>> شغل عرط و بس طبعا

2 - كلهم شقر وعينيهم‎ ‎لينسيز ملونة يخزي العين . تقول هاي رجعتهم من السويد ....بتسألها بتحكيلك شو لينسيز؟هدول عيوني الحئيئيين....

3 - كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة...

4 -. لو سألتها عن أحلى سنين بحياتها رح تحكيلك : ما بين 19 و 23
و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم_.

5 - .الشاطرة اللي بدها تقهر صاحباتها...بترن عل 1234 وبتنزل عرط و تخويث
و على آآ حبيبي و شو حياتي و i miss u يا عمري و بشوفك يا baby

6- كلهم أخدوا رخصة السواقة بالواسطة ....و أكيد هذا واضح من البريكات الخبط أو السرعة اللي ما بتتطلع عن 20,أو حزام الأمان اللي بروح ما ينمزع‎ ‎قد ما هو مشدود...

7- .بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ، و الكولا دايت طبعا بس ترجع على البيت بتقوم بصدر المنسف لحالها ، والله بوكلونا على جوع !

8- . إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل الجامعة ، بس إذا لقيتها "صدفة" بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني ....ورووووح...للصبح رقص سلوووو_على أساس فريندز طبعا

9- .كلهم بابا بحبهم أكتر وحدة بين إخوانها ...وهي وبابا زي الصحاب و بابا بوخد رأيها بكل إشي .....

10- . أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ، إلا إذا المباراة فيها إيطاليا أو إنجلترا بتلاقيهم قعدوا و بسطوا يبصبصوا على إجرين مالديني و بيكهام
بهاي معهم حق

11- . مريحين بالهم و تنحصر اهتماماتهم في المواضيع التالية : روجيم: - لازم أنزل كمان خمسين كيلو ، حومرة وبودرة: - نزلوا حومرة جديدة بطعم الكيوي ،أووولتك أسشور شعري ولا أعمله كيرلي/ الأكل: - ماما طبخت جاجة محشية تفاح /و ما بتغدوا غير ستيك مشوي ،و ما بشربوا غير مي/
الفن: - ما أزكاه brad pitt/رايان شعره بجنن/ شفتي أصالة ما أزنخها/ مش ألتلك انه بشار بحب سلمى/شفتي صندل نانسي/أحمد الشريف أحلى واحد بالعالم!/لون بشرة اليسا واااااااو/حضرتي كليب جاد شويري ما أفيعوا؟
مو معئولة هالشاكيرا!!!

12- .كلهم ما بدخنوا ...بس بابا سمحلهم يأرجلوا عادي .......


13- . عندهم حالة تشابه غريبة : إذا واحدة عملت تاتو تاني يوم كل البنات تاتو ، إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر_...

14- .مواصفات حبيب القلب:
فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب,وإذا بشبه توم كروز بكون ممتاز

15- .بتكون أطفش من حكيها ما في..وكلو قال و غاد و انداري و بديش و قرفانة...بالجامعة بتقلب آآل و هوناك و مو عارفة و ..thank u‏ و كتييير زهئانة

16- . دايماً شنتتهم مليانة أشياء زاكية ، إذا جعت بتلاقي معاهم السيفوي بالشنتة
شبس ،شوكلاتة ،بسكوت, دروبس ،علكة,سوس....
&&&&&&&&&

[نور اليقين]

هههههههههههههههههههههه
جامعة بيروت دي بمصر اعتقد
و دي جامعة خاصة بيندرس فيها قانون
لو معلوماتي صح
تبقى بالاسكندرية
وينو فارس عشان يصححلي المعلومة
ههههههههههههههههه
بس فعلا الموضوع نكتة
بيموت ضحك
يا حرام
هيبطلو يسجلو فيها بسبب الكلام الحلو اللي اتقال في حقهم
هههههههههههههههههههههههههه

[لانيا]

ههههههههههههههه
الله يستر على كل البنات يار ب
بس انا مش عارفه ليش الكل بحكي على بنات جامعات الأردن

[نور اليقين]

اه لأ سوري
دي جامعة بيروت اللي كنت بتكلم عنها
مهو بيروت و الاردن على طول نازلين فيهم اشاعات
فحاجة اتلخبط صراحة
هههههههههههه
معلش بقه
سامحوني

[.:.!دموع الرحيل!.:.]

ههههههههه

على فكرة كل البنات هيك الا من رحم ربي

يعني مش بس بنات الاردن ولا بس بنات بيروت يا ست نور

مساكين بنات بيروت اتركيهم بحالهم حتى وقت الي تترخبطو بالكلام بتحكو عليهم

هههههههههههههههههههههه

الله يستر عالكل فعلاً بنات وشباب مش بس البنات

مشكور عالموضوع

[ادهم اللداوي]

هدول بنات كلية المجتمع العربي

[9ada al 2lam]

ههههههههههههههههههههههههههههههههههه هههههه
يسلمو رافت بس كل البنات مش بس الاردن

[نسيم الروح]

هههههههههههههههههههه
معك حق بس مو كل البنات هيك بالاردن حرام عليك
هههههههههههه
بس في منهم كتير واكتر صفه خصوصا

"كلهم شقر وعينيهم‎ ‎لينسيز ملونة يخزي العين . تقول هاي رجعتهم من السويد ....بتسألها بتحكيلك شو لينسيز؟هدول عيوني الحئيئيين...."
هي الصفه

ميرسي الك رأفت

[رأفت]

المشاركة الأصلية كتبت بواسطة نور اليقين هههههههههههههههههههههه
جامعة بيروت دي بمصر اعتقد
و دي جامعة خاصة بيندرس فيها قانون
لو معلوماتي صح
تبقى بالاسكندرية
وينو فارس عشان يصححلي المعلومة
ههههههههههههههههه
بس فعلا الموضوع نكتة
بيموت ضحك
يا حرام
هيبطلو يسجلو فيها بسبب الكلام الحلو اللي اتقال في حقهم
هههههههههههههههههههههههههه

اكيد الموضوع نكتة ... لانو من باب المزاح

مشكوووووووووورة على خفة ظل مرورك ....

[رأفت]

المشاركة الأصلية كتبت بواسطة لانيا ههههههههههههههه
الله يستر على كل البنات يار ب
بس انا مش عارفه ليش الكل بحكي على بنات جامعات الأردن

ما بعرف يمكن عشان انا من الاردن ...

يا ستي ولا يهمك المرة الجاية على جامعات !!!!!.... ولا بلاش حدا يزعل ...

مشكوووورة على المرور الجميل ....