ما المانع ؟؟

[بنت اسدود]

مرحبا يا عرب

انا اليوم جايبة الكم قصة حلوة

وصارت عنا بمجتمعنا الفلسطيني وهون بقطاع غزة

وبدي اياكن تحكولي رايكم

بسم الله نبدأ

القصة صارت مع اعز صديقاتي

صديقتي ابوها دكتور بس والله نعم الدكاترة مو شايف حاله بالمرة وما بهمه شي بهالدنيا غير رضا ربنا

وكانت تحب ابن خالها وطبعا ابن خالها لا حول ولا قوة الا بالله في ظروف معينة ما قدر يحصل شهادة توجيهي


وما درس وهلأ صحبيتي بالجامعة طبعا كبر الولد وصار بده يتجوز وبداو يدوروا علي عروس

وصحبيتي ما حكت ولا تكلمت انها بتحبه وانا بصراحة ما عرفت كيف اتصرف

وقال ابن خالها لامه انا بدي بنت عمتي بس امه رفضت وقالت لا ابوها ما راح يرضي لانه دكتور وانت ولا شي غير انك فاتح صالون حلاقة

وفجاة ومن غير لا احم ولا دستور رن التلفون ووادا بكون خالها بيعزمهم علي خطبة ابنه

وطبعا العروس غريبة واكبر منه بسنتين وطبعا راحت علي الخطوبة غصبن عنها ومرة علي مرة صاروا يشوفوا بعض بالطريق او ببيت خالهم او عمهم يعني المهم بالصدف
وفجاة كانوا رايحين علي البحر مع بعض طبعا كل العيلةوحكاها وقلها انه كنت احبك بس ما قدر يحكي للظروف وهي كمان حكتله انها ما قدرت تحكيله لانها بنت وهلأ هو تزوج ولحتي الان بشوفها وبكلمها علي الجوال وهي طبعا ما بترضي بس غصبا عنها وانتو فاهمين ليييش

سؤالي لو كنتم مكانها او مكانه وايش ما كانت الظروف بترضوا تحكوا انكم بتحبوا ولا لأ


لا تزعلوا اني طولت

بنت اسدود

[منار إبراهيم]

اها مشكله غريبه شوي

بس انا برأي تطع علاقتها بيه خالص لانها متقبلش حد يكلم جوزها فى الجوال او يعرف واحده عليها لما بتتجوز انشا الله

وتحاول تنساه واكيد مش حتموت من غير مكلمته و عادي تستمر الحياه واذا فضل يدايقها فى التليفون تشرحله وجهه نظرهها وخلاص

وعموما تتجنب الزيارات العائيليه اللى بيكون موجود فيها ..

[Twin]

لالالا انتي غلطانه ،، ما بدي اهاجمك بس هادا الحكي غلط ،، اول شي حرام انك تكلميه الراجل متزوج ،، ما فيها تبررو بالله احكيلي شو اخره كلامو معها ؟؟؟ وخلص خلي مشاعرك لنفسك مش ضروري تحكيلوو بهاي الحاله ... وسلالام حبيبتي ..

[tamtoom]

جميل الحب والاجمل نحفظ كرامتنا قبل الحب وبعده
رأيي انها متل ما كتمت احساسها بداخلها واخفته عن الكل ترجع متل اول افضللها
احسن ما تتسبب لنفسها وغيرها بجرح جديد
والافضل تنهي علاقتها بيه وتعتبره اخ بالنسبة لها
وشكرا على الموضوع الجميل
تحياتي

[ابنة الشتات]

لا حول ولا قوة الا بالله
حبيبتي لو ش ما كان الحب الي بيبنهم من قبل ما بصير يضلو يحكو مع بعض الرجال تزوج وهي كمان تشوف حياتها وتتزوج من دون ما يعيشوا بعقد الزمان الماضي رح يظلموا حالهم ويغضبوا ربهم ...
وهو فعلا ازا بحبها وهي قريبته لازم يخاف عليها ....
وحرام عليه يظلم زوجته....

الله يهدي الجميع

[بنت اسدود]

مرحــــــــــــــــــــــــــــــــ ـــبا

شكرا الكم كتير بمروركم الراءع وبتمني كتير كتير انكم تشاركوني دائما


بنت اسدود

المحبة

[- أبوالوليد]

انا شخصيا بأيد ابنة الشات ( بس ما تكون مدمنة شات هههههههههه )

عالعموم صارت كتير وانا ما بحب هيك قصص لحسن تصير بس الواقع موجود فيه العجب

وتقبلو تحياتي

[WOW]

للان الشخص المذكور " قريبها " رسمها داخل نفسوا مرة واحدة ومايقدر يمسح هذا الرسم حتى لو تزوج بدل الواحد 4 .

التعليل " شعبنا عاطفي جدا واذا حب بيحب على طول ومرة واحدة "

تحياتي للجميع

[نهر الدموع]

انا رأيي انو تقطع علاقتها في بالمره لانو طبعا غلط الي بتعملو
في صاحبيتي برضو قصتها مشابها كتير لهاي القصه
هي مخطوبه بس ما بتحب خطيبها
وبتحكي مع شخص اخر على الجوال وبتحبو
بس بصراحه ما بعرف شو لازم اعمل معها
انصحوني
وما بقدر اكي لحد عن الي بتعملو

[زهقانة انا]

يسلمووووووووو بنت اسدود

على الموضوع الحلو

بس انا برأيي

انو المفروض بعد ما تزوج حتى لو كانت لسة بتحبه

المفروض ما تحسسه بهادا الشي

لانو خلاص صارت الو حياتو

حرام تعيش حالها بوهم

لانها بهيك بتظلم نفسها وبتظلم زوجته كمان

سلامووووووووو