محاورات

[الشاعر@]

مثمن بــــــــدي اعطيك بليلــة من احلى الليالي
يا شاعرا اللـــــه ايخليك لـــتنازلنــي بمجـــــــالي
ويا شاعر لطفي برضيك بفنوني وحسن أزجالـــي
طبعــا نحسبك البيـــــك وانت السيد على الشعار

لون المثمن لون من الوان الشعر الشعبي الاصيل

[لطفي الياسيني]

يا شاعر بدي ارضيك انت الاستاذ المغوار
كرمال عيونك جاييك نيابه عن الشعار
ولتهدي بدي اعطيك اجمل ما قلت واختار
انا لطفي قلبي بناديك من قدسي لجبل النار
بلكي بترجع عن حكيك شرف يا بلبل فنان

[جيفارا*نابلس]

الله يحييك ابو مازن

[لطفي الياسيني]

عفوا جيفارأ شاعري المفضل

[الشاعر@]

شو متغني من الازجال ما بتملـــي لراســـــي
ان الشاعر الرئبــــــــال ودوما عندي حماســي
ارجالي اقلال اقــــــلال وما بعلن لاافلاســـــي
لكن بطيبة ه الحــــــــال بردلــــــك الاعتـبـــــار

[عاشق الحرية]

اسمعني انت واياه كل واحد عامل شاعر
وهادا اشي ما برضاه تلعبوا بالمشاعر
شوفو شعري ما احلاه وبالنثر برضو قادر
بكتب حب وليل واه وانا صاحب هاي الدار

[لطفي الياسيني]

يابن الجليل الختيار دليلك عندي حاير
كفي لعبة الشعار انا كرمالك ناطر
هات القلم والفرجار ادخل ارسم دواير
انا لطفي بعدي محتار مين بدي اساير
دوخت مثلك كثار ولسا بعدي في الميدان

[جيفارا*نابلس]

الله يسامحك يا ابن الجليل احنا دخلنا على المنتدى لما اسمعنا انو انتو الي بتكرمو الشعراء وهل انتا جاي تحكي
لا شاعر ولا شي
مشكور على كل حال

[عاشق الحرية]

رفيق جيفارا هههههه مالك يا رجل هاي محاورة شعرية يعني فيها نزول واحد عالتاني بس بشكل شعري وادبي - اسمها بالعربي الفصيح الزجل والمحاورة :)

وحياك الله

على كل حال لو المسألة فيها زعل يبقا سوري كتير وهاي طلعنا من المحاورة

وسلام

[جيفارا*نابلس]

ابن الجليل الغالي انا اسف وبكرر اسفي انا جديد تعلمت اللغه العربيه يعني من شي 5 سنيين عشان هيك مابعرف بالعامي كتير لانو معانيه صعبه