علمي- ادبي - تجاري

[ابنة الشتات]

السلام عليكم....

من فضلكم كل عضو يحكي هو اي تخصص داخل او كان داخل او ناوي يدخل

(علمي00ادبي00تجاري)
والي دخلو وخللص ندم او لأ وليش

[Twin]

انا اول وحده صح .. انا ادبي ومش ندمانه مع انوو مجموعي بيفوتني علمي بس لانوو بحب علم النفس والانجلش .. وهلا سجلت انجلش بالجامعه .. وانتي يلا اكتبي شو تخصخصك ..

[ابنة الشتات]

اخخ انا علمي
مو ندمانه بالعكس انا بحب العلمي كتير

بس اليوم كنت اسب عحالي عشان دخلت علمي
لانو نحنا المنتصف بيدخل علامته بالنهائي وخبصت كتير بالاحياء كان علي اليوم
وتخدت علامة احياء تاني كمان كنت مخبصة اول مرة بجيب هيك
فقلت اني غبية لو دخلت تجاري او علمي القسم التاني كا ن احسنلي بس الحمد لله

[محمود]

لا اختي ..

ما في بعد العلمي ..

بس بده شوية تعب ..

لانو الي بجيب 65 في العلمي بفوت المجال الي بفوته 90 أدبي ..

طبعا العلمي مجالاته في الحياة افضل بكل النواحي ..

على عكس ابو 100% أدبي ما بفوت تخصص أبو 60 علمي ^_*

[لمسة وردة]

انا علمي والحمدالله علامات كتير منيحة
وانا دخلت علمي لاني بحب الاحياء كتير كتير
تسلمي كتير خيتو ع الموضوع
ولا تحرمينا من جديدك

[ابنة الشتات]

شكرا لردكم....
انا بعرف انو العلمي احسن والا ما كنت دخلته والي عز علي اليوم
اني كنت دارسة كتير كتير منيح اكتابين الاحياء خبصت بالختبار واستلمت العلامة الحلوة تاعت هداك بس ضربتين بالراس بيوجعو ....

ونحنا بنات العلمي على قد ماالنا شان بالمدرسة على قد ما بينضغط علين


الله يوفق الجميع

[مؤيد]

العلمي طبعا ً ، لإنو العلمي أي تخصص بيخطر على بالك بصحلك تدرسيه

الأدبي ، بصحلك تدرسي مواد الأدب والتاريخ والفن والصحافة وهيك شغلات

تحياتي

[احلى رورو]

انااااااااااااااا هلاء هلاء ادبي

بس كنت علمي بس ما اعجبني الوضع



يعني كانو الاساتزة والمعلمات زي العمى

وبعدين انسجن استاذ الكيميا وصفينا بدون استاذ كيميا ههههههههههه


فقلت يا بنت حولي ادبي و بلا وجع هالراس

والله هديك السنة كنت الاولى على كل شعب الادبي


بس هلاء الله يسترهاااااااااااا

يمكن اسير الاولى من تحت ههههههههههههههههههههههههههههه

[خيـرَ أُمـة]

صعـب انفضل اشي عن اشي ..

أنـا شخصيا علمي ودرست واتخرجت وبعد التخرج بلشت الدراسة الي ما بتنتهي :-))

لكـن أنـا الي نظرة ..
مدرس علوم مبدع ... أحسن من دكـتور فاشل ..
و
مدرس مهني مبدع ... أحسن من مهندس فـاشل ..


المسـألة ابداع .. بغض النظر عن التـخصص ..

موفقين يا رب..

[Twin]

يعني هلا انا كان نفسي افوت اداب انجلش .. ومجالووو في الادبي نفسو نفس العلمي .. بس هلا يعني جبت نسبه حلوه ودخلتني المجال هادا بس لو واحد جاب اقل من 80 بالميه علمي ما بيئدر يفوت هل مجال .. باختصار :
كل مجال الووو مزاياه ..