هل الطيبة ضعف !!

[هلــون]

السلام عليكم ورحمة الله وبركاته



هل الطيبة ضعف وتخلف؟؟؟

في الماضى كانت الطيبه والكرم ميزتان يتصف بها الأنسان و لكن ما اراه اليوم فهي نقطه سيئه لو

اصبح الأنسان يمتلكها .. هذا الواقع ..؟؟؟

الطيبة:

صفة محمودة في الانسان بل ومرغوبة

والانسان الطيب محبوب من الجميع ودائما يكون متسامح وغير حقود

لكن القضية هي ان الانسان الطيب في زمننا هذا شخص ضعيف وعديم الشخصية ومتخلف

لماذا تغير مفهوم الطيبة ؟؟؟

لان صاحبها يتصف بالسماحة والشفافية ..

والكثير من الناس يستغلونه لقضاء مصالحهم !!!


للنقاش في هذا الموضوع

1_ هل للطيبة حدود ؟؟؟؟

2_ مارأيك بطيبة الانسان وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟

3_ كيف نتعامل مع طيب القلب ؟؟؟

4_ هل اصبحت الطيبة عيب في هذا العصر ؟؟؟

5_ هل اصبحت الطيبة تساوي ضعف الشخصية؟؟؟

6_ كيف يمكن للانسان الطيب ان يتعامل مع من حوله حتى لا يصفونه بالضعف ؟؟؟؟

7_ متى تكون انسان طيب ومتى تكون شرس الطبائع ؟؟؟؟



انتظر ارائكم حول هذا الموضوع

[خيـرَ أُمـة]

الأسـألة طويـلة ... لكن حـحاول أختصرها...

الطـيبـة صفة راقـية صفة جمـيلة ... فيـها كـل معانـي التـسـامح والمحبـة الي زرعـها دينـا فينـا...

تخيلي هيلـين لـما قائد يبعث جيـش للحرب ويوصيهم " لا تقتلو شيخا او طفلا او امرأه ولا تقطعو شجر..."

وغيره من أمثـلة الطيبة والتسـامح الي أمر بيـها دينـا...
لكــن بحدود ...

تخيلوا لمـا سمع الرسول بطفل يهودي يموت كيـف تجـاهل كل الي عملو فيه اليـهود وراح يدعـو للأسلام ... وأسلم .. ومات..

قـمة التـسامح وقمة الطيــبة...

يعني الطيـبة صفة حميـدة ولنا برسـول اللـه قدوة ...

لـكن المشـكلة بـايامنا هذه انـها مخافـة ربنـا انعدمـت بـين كثيـر من النـاس ... وصاروا يستـغلو الطيـبة الي في بعـض الناس ويوظفوهـا لصالـحهم...

لذلـك الطيـبـة المفروض تـكون مقيدة .. مش مطلقـة -حتحكو أحمد بتفلسف-

طيـب تعـالوا نتفـاهم..
فـي حقوق و واجبـات

مـثلا الحيـاة الزوجية ... مـمكن ان تصل الطيـبة الى أبعد الحدود .. لكــن ايضا مقيـدة فهنـاك محرمـات ... لـو فرضنا أن الزوج يزني والزوجة أكتشفت ذلك .. هنـا لا مكـان للطيبة لأنه في مخـالفـة لشرع اللـه ...
طيـب نفرض ان الزوج قرر منعهـا عن زيـارة أهلهـا هنا لا مجـال للطيبة والتسامح لأنه منعها عن واجب شرعه اللـه..

طيب نفرض ان الزوج طلب منها ان تخـفـف او تـمتـنع عن استعـمال النت مثلا ... هنا الطيبة والتسـامح الهم مكـان .. ومش غلط ...


قال تعالى : (( و الطيبات للطيبين و الطيبون للطيبات )) سورة النور 26


عكـس الطيـبة .. القسوة .. والقسوة منـها قسـوة القلوب ... وقسـاة القلـوب ما بنـصح بالتـعامل معتهم لأنهم وصلو لمرحلة عدم مخافة الله و وقتـها هم على استعداد انهم يعمـلو ايا شيء حتى الحرام .. المهم يوصلو لهدفهم .. ومـا أكثرهم بـيـنا...

رد على سؤالـك اذا كـانت الطيـبة عيـب .. بالعكـس هيـلـين الطيـبة شيء جمـيل و الطيـبـين ناجحيـن بحياتهم سبحان الله على نياتهم يرزقون :-)
وربنـا قال "الطيبون للطيبـات" كمـا ذكرت سـابقـا..


الطيـبة اذا زادت عن حدهـا و قدم صاحبـها تنـازلات منـها مـا يخالف الشرع شيء طبـيعي تتحول لضعف..
لكـن الفرق كبيــر بـين الطيـبة وبـين ضعف الشخصية .. ضعيف الشـخصـية مستـعد أن يتنـازل عن الكـثير حتى عن ثوابـت وأساسـيات .. أمـا الطيب فاذا تـنازل .. فبكون بتنـازل عن ثـانويات .. قابـلة للـتغيـر...


بالنسـبة للتـعامل مع النـاس ... الطيـبة مطلـوبة .. لـكن المهم نعرف متى نحكي "لا" ... ومـتى نعترض...

مـتى أكون طيب ومـى شرس... الطيـبة يـا هلون مش بس مع النـاس ... الأصـل نكون طيبـين مع انفسـنا...
أعطيكي مثال صار قبل فترة معي.. وربنا سلم :-)
صارت مشكلة في الشركة بنظام معين واحدى الخدمـات توقفت .. وبدأ الكل يرمي التهم على الأخريـن حتى وصلت لعـندي... هـل من الطـيبة أن أتحمل مسأولية غيري .. لذلك انا كنت طيب مع نفسي ودافعت عنها بشراسة :-)
مــش من الطيـبة انـي أورط نفسـي ... هنـا صار اسمـها ضعـف شخصيـة.. لأنـي اتنـازلت عن حق مـن حقـوقي..

أسف على الاطالــة ...

ان شاء الله أكون فدتك هيليـــن..


أحمد

[هلــون]

احمد أجوبتك حلوة ..

في كتير بهل الايام بنسمع عنهم طيبين .. وفعلا بستغلوا طيبتهم كتير ..

وهاي مشكله كبيرة ,, في ناس بتتورط بمشاكل بسس طيبتها .. انا هون بسميه ضعف ..

الطيبه انو الواحد يتعامل بطيبة وبلا حقد وكراهية .. بس يعرف في مواقف الطيبة فيها ما بتنفع بلمرة ,,

يعني كتير بتصير مواقف وبحكوا ما هوي طيب اكيد رح يوافق .. ما هوي طيب اكيد رح يعطيني هالشي !!

يعني الطيبة فبعض الاحيان .. صفه مو منيحة .. وبتأثر على ناس كتير .. وبستغلوها ..

يسلمو أحمد عمشاركتك الحلوة .. ويا رب دايما انكون من الطيبين ..




احترامي

[عاشق البندقية]

1_ هل للطيبة حدود ؟؟؟؟

طبعا, واذا تجاوزتها تصبح غباء وبلاهة..

2_ مارأيك بطيبة الانسان وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟

لا بالعكس انا بحترمه ..
وصحابي دايما بحكولي.
"المشكلة انت قلبك طيب.."
وهاي عقدتي بحب اساعد صحابي ولو كان على حساب مصلحتي..

3_ كيف نتعامل مع طيب القلب ؟؟؟

زي باقي الناس..ما في فرق..
بس طبعا مع مراعاة النقطه الاولى..

4_ هل اصبحت الطيبة عيب في هذا العصر ؟؟؟

للاسف ..

في معظم الاحيان ..

"نعم"

5_ هل اصبحت الطيبة تساوي ضعف الشخصية؟؟؟

ليس بالضرورة..

احيانا الطيبه تولد الهدوء..
والهدوء يولد الوقار والاحترام..

والاحترا غير عن ضعف الشخصية..

^_^

6_ كيف يمكن للانسان الطيب ان يتعامل مع من حوله حتى لا يصفونه بالضعف ؟؟؟؟

اولا..يحترم اللي قدامه..
اللي قدامه بيحترمه..

تانيا..لا يتدخل فيما لا يعنيه ... فلا يلقى ما لا يرضيه..

ثالثا.. واحسن شي...
انو ينتقي صحبته... ويبعد عن الزعران والمولدنين..

وبس..

7_ متى تكون انسان طيب ومتى تكون شرس الطبائع ؟؟؟؟

حسب الوضع والموقف اللي انا فيه ...
صحيح انا طيب بس لما انخنق..
بيطلعلي وج تاني..
ههههههههههههههههههه

يسلمو هلون...
موضوع كتيير حلو..

[فراشة]

انا هرد اول بعدين اقرا الردوود عشان ما اتأثر برد حد ....

1_ هل للطيبة حدود ؟؟؟؟

اه طبعا لازم يتحكم فيها حسب الموقف المناسب .. مو يخلي الناس تستغل طيبتوو

2_ مارأيك بطيبة الانسان وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟

هالاياام الطيب ضايع حقه ..

3_ كيف نتعامل مع طيب القلب ؟؟؟

انا قلبي طيب جدا وبشوف الناس كلها متلي ... وبعملهم متل ما بيعاملوني والمنيح بكون احسن منوو والسيئ بتجنبوو وببعد عنه ....

4_ هل اصبحت الطيبة عيب في هذا العصر ؟؟؟

اه والله واكبر عيب .... عشان في ناس بيستغلووه واول كلمه بتنحكى عن الطيب ...( يا حرام اهبل على نياتوو) صح ولا لأ ؟؟؟؟؟


5_ هل اصبحت الطيبة تساوي ضعف الشخصية؟؟؟

اذا كانت زياده عن اللزووم اي ....

6_ كيف يمكن للانسان الطيب ان يتعامل مع من حوله حتى لا يصفونه بالضعف ؟؟؟؟

انا كانت عندي صديقه طيبه بهبل ... زياده عن اللزوم لدرجة انهم كانوو يستغلوها ...وكانت تحكيلي ايش اعمل عشان اخلي الناس ما يلاحظوو طيبتي .. جبتها عندي واعطيتها درووس في التوحش .. صارت الف الف ...ههههه

7_ متى تكون انسان طيب ومتى تكون شرس الطبائع ؟؟؟؟

اذا رأيت انياب الليث بارزة فلا تظن ان الليث يبتسم .....



حلو اسئلتك هلوووون يعطيكي العافيه

[لولو اليبناوية]

1هل للطيبة حدود ؟؟؟؟
اكيد...

2_ مارأيك بطيبة الانسان وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟
السماحة والشفافية...

3_ كيف نتعامل مع طيب القلب ؟؟؟
بعاملو بثقة....اي انو متل ما حكون طيبة معو راح يكون طيب معي....وباحترام اكتر من اي شخص تاني

4_ هل اصبحت الطيبة عيب في هذا العصر ؟؟؟
لا مش عيب ولا شي...بس اتكون بحدود...يعني الانسان الطيب لا يبالغ بعطاؤه وبطيبتة ...لاي حدا !!!

5_ هل اصبحت الطيبة تساوي ضعف الشخصية؟؟؟
لا طبعا بس للاسف اكتير فعلا هيك بفسروها ضعف شخصية

6_ كيف يمكن للانسان الطيب ان يتعامل مع من حوله حتى لا يصفونه بالضعف ؟؟؟؟
الانسان الطيب لا يبالغ بطيبتو مع اي حدن..

7_ متى تكون انسان طيب ومتى تكون شرس الطبائع ؟؟؟؟
شرس مع الشرسين...
وطيوب مع الطيبين.... ونص طيوب مع الناس الي ما بعرفهم !! :)

[عاشق الحرية]

في ايامنا

ان لم تكن ذئب اكلتك الذئاب

للاسف هاي حياتنا الحالية

والواحد بيضطر يكون ذيب ومتوحش احيانا

لانو الطيبة بتتفسر بحالة ضعف مزمن

بس بعين الله .....


عجبي ع الزمن ... ولا مش هيك توقيعي?

[احلى رورو]

بالعكس ما في احلى من الطيبة

[هلــون]

عاشق البندقيه .. اجوبتك حلوة ,, يسلمو كتير


والله يعينا من وجهك التاني يا أمي انا من هلأ خفت

[هلــون]

انا كانت عندي صديقه طيبه بهبل ... زياده عن اللزوم لدرجة انهم كانوو يستغلوها ...وكانت تحكيلي ايش اعمل عشان اخلي الناس ما يلاحظوو طيبتي .. جبتها عندي واعطيتها درووس في التوحش .. صارت الف الف ...ههههه

هههههههههههههههههههه

طيب بدي ابعتلك هالبنتين كمان .. بلكي اتوحشوا علا ايديك ههههه


يسلمو حبيبتي .. بس فعلا الطيبه ببعض الاحيان بتكون سبب ازعاج

وبتكون مصيدة للكل ..