الفرق بين الزوجة السورية والفلسطينية

[قسامي غزة]

الفرق بين الزوجة السورية والفلسطينية


اذا وقع زوجها عن الدرج:
السوريه : ولي على آمتي، سلامتك حبيبي أنشاء الله ، انا ولا انتا ابن عمي ( ميته خوف عليه )

الفلسطينية : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)


اذا الزوج بدو يسافر:
السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه

الفلسطينية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )

إذا الزوج تأخر بره فى شغل او مع صديق:

السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )


الفلسطينية : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)


إذا طلبت شى منه :
السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

الفلسطينية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )


إذا جابلها هدية :

السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري

الفلسطينية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله )

اذا بدك شي منها :

السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي

الفلسطينية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.


لو طلبت منها فنجان قهوة :

السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )

الفلسطينية : بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )

اذا حكالها (بدك شي؟) وهو طالع :

السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )

الفلسطينية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.


الذوق والتنويع فى الاكل:

السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.

الفلسطينية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.
طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.
وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق.

أخواتنا ما حدا يزعل منا الموضوع على سبيل التسلية وليس إلا يعني بالنسبة للفلسطيني ضفر الفلسطينية بمليون سورية
اخوكم قسامي غزة

[~ | Mazaj]

هههههههههههههههههههههههههههههههه ..

والله ظلمينها للفلسطينية ..

اصلا السورية ما بتشوف يلي بتشوفو الفلسطينية مشان هيك بتدلع ..!

يسلمو ايديك يارب

[قسامي غزة]

انا عارف انوا الفلسطينية افضل من الف سورية
صحيح الله يعين الفلسطينية
مشكورة اختي فجر الحياة علي مرورك

[بنت القسام]

السلام عليكم ورحمة الله وبركاته
بداية بارك الله فيك أخى الكريم بس هيك أخى إنت ظلمت النساء الفلسطينيات ومش هيك الفلسطينية عنا الفلسطينية بتضحى بكل شئ من أجل وطنها وكمان بتطيع زوجها بما يرضى الله عز وجل
بارك الله فيك

[روووعة]

أضحك الله سنك يا أخي .. لا لن نزعل فهناك من يفعلن ذلك بالفعل !
و ربما فعل العكس شخص سوري يشكو مما يجده عيبا في المراة السورية ..

و لا يوجد فرق بين السورية و الفلسطينية و المصرية والخليجية .. ففي كل بلد هناك الطيبة وهناك الـ ...
وبالنهاية كلنا مسلمين " و ليس لعربي فضل على أعجمي الا بالتقوى " !

[نسيم الروح]

والله ما انا عارفة شو هاد كل هاد الفلسطينية ما بتحس
لهلهلهله يا قاسمي مو حرام عليك
بس حلوة ميرسي عليها.

[نور اليقين]

هههههههههههههههههههههههههههه
الحمد لله اللي مجبتوش سيرة الست المغربيه
كان هيبقى فيها قطع رقاب
و دم لالركب
ههههههههههههههههههههههههههههه
بس الست الفلسطينيه اجدع ست
و حتى السوريه كمان
عشان محدش يزعل
ههههههههههههههه

[قسامي غزة]

والله اهلا وسهلا وين هاي الغيبة يا بنت القسام
الحمد لله علي السلامة
بعدينيا اختي انا اقدر النساء الفلسطينيات وما فينساء في العالم بيقدموا الي بيقدموه النساء الفلسطينيات
شكلها زعلت بنت القسام
مشكورة علي مرورك

[قسامي غزة]

شو يا اخت روعة انتي ظلمتي الفلسطينيات ما في حدا منهم بيعمل هيك بالتحديد
مشكورة علي مرورك

[قسامي غزة]

شو يا حنين فلسطين
ما كلهم بيعملوا هيك بس انتي ممكن تعملي هيك
مشكورة علي مرورك