نفسك تموت ازاى ؟؟

[حسام المصرى]

قال تعالى

" قل إن الموت الذي تفرون منه فإنه ملاقيكم ثم تردون إلى عالم الغيب والشهادة فينبئكم بما كنتم تعملون "

صدق الله العظيم ..


طبعا .. كلنا هنموت .. منعرفش امتى وفين .. بس اللى احنا متأكدين منه أننا هنموت ..

فكرة ان الواحد يفكر فى الموت دى .. كتير ناس بتغفل عنها ..

ولو واحد من صحابك مثلا يدعوك لحاجة .. تقوله يبنى هنموت .. يقولك يا عم ربنا كبير .. افتكرلنا سيرة عدلة ..

ده إسمه طول الأمل ..

الناس كلها عندها طول امل .. وحاجة صعبة جدا بجد ان الواحد يجاهد نفسه وما يفكرش فى الدنيا .. صعبة جدا ..

بس قلب المؤمن الصح .. لازم يكون خالى خالص من حب الدنيا ..

وبجد .. وعن نفسى .. سعات بضايق أوى من نفسى لما أعمل ذنوب كتيرة اوى .. وبقول .. يبنى حرام عليك ..

فى الجنة أحسن .. أى حاجة نفسك تعملها فى الدنيا .. هتلاقى الجنة أحسن والله ..

" ومن يتق الله يجعل له مخرجا ويرزقه من حيث لا يحتسب " ..

" من ترك شيئا لله .. أبدله الله خيرا منه "

" كيف يكون عاقلا من باع الجنة بشهوة ساعة "


محب الدنيا لا ينفك من ثلاث:

همّ لازم ،

وتعب دائم ،

وحسرة لا تنقضي


" اليوم عمل ولا حساب .. وغدا حساب ولا عمل "

" إن الحسرة كل الحسرة والمصيبة كل المصيبة أن نجد راحتنا حين نعصى الله تعالى "

بجد لما بعمل ذنوب .. وبفكر فى العبارات دى .. ببقى عايز أخنق نفسى ..

كل واحد عنده طموح أها وأهداف فى المستقبل مش عيب يفكر فيها .. لكن ده ميشغلوش أبدا عن الآخره .. ويكون حاسس فعلا أنه فى أى لحظة ممكن يموت .. وان الموت مش بعيد عنه .. ومفيش حد صغير على الموت ..

البنت اللى فرحانه بجمالها وانها لسة صغيرة .... وفرحناه بنظرات إعجاب الشباب ليها .. ممكن فى أى لحظة تموت ..

وكذلك الشب .. اللى فرحان بنفسه وأنه آخر شياكة وكل يوم مع بنت ومقضيها سينما وكافتريات ولعب .. ممكن فى أى لحظة تموت ..

صدقنى .. أى حاجة فى الدنيا نفسك فيها .. هتلاقى عند ربنا حجات كتير أوى أحسن منها ..

بس نصبر ونستحمل .. انا عارف أنه صعب شوية بس على الأقل غير النية وخد خطوة ..

إن الله لا يغير ما بقوم حتى يغيروا ما بأنفسهم "

تعالى على نفسك شوية .. لو بتلبسى لبس فيه تبرج .. حاولى تلبسى لبس واسع .. وواحدة واحدة هتلبسى نقاب .. بس ابدأى ..

مش عارف تلتحى .. حاهد نفسك .. حاول تقرب من ربنا اكتر وتقرى فى سيرة الرسول .. هتلاقى انك لوحدك بقى نفسك تتبع كل سننه ...

والله يا جماعة .. شباب فى مقتبل العمر كنت أعرفهم .. ماتوا .. ومستفدوش أى حاجة من الدنيا إلا بعملهم الصالح ..

والواحد بيقرى قصص كل يوم .. عن امثلة لسوء الخاتمة .. بتخلى الواحد .. بجد يخاف أوى ..

انا كتير بدعى ربنا يقول " يارب لا تقبض روحى .. وانا على هذا الحال " ..

بس احنا كلنا أكيد بنثق فى ربنا وبنظن فيه خير .. لأنه قال " انا عند حسن ظن عبدى بي " ..

ايه رأيكم نفكر سوا فى الموت .. وكل واحد يقول نفسه يعمل ايه قبل ما يموت .. ونفسه لحظه موته تبقى ازاى ؟؟

وأخيرا .. أسأل الله الإخلاص وأوجه هذا الكلام لنفسى والله .. فأنا كثير الذنوب .. ولكنى والله أشهد ربى انه أحبه ..

آخر طلب ..

إذا سألتم الله الفردوس ..
فضعوا اسمى بجانب إسمكم .. فإنى أحب مرافقتكم فيها ..

ندا الروح ,الطالبة المتميزة ,بنت الأرض و 2 آخرون معجبون بهذا

عاشقة فلسطين.. ,ملوكة

[اسراء ..~]

نفسي اموت وانا ساجدة لله

الطالبة المتميزة ,حسام المصرى معجبون بهذا

[حسام المصرى]

المشاركة الأصلية كتبت بواسطة اسراء عشقي مصر وفلسطين نفسي اموت وانا ساجدة لله

ربنا هيكتبهالك إن شاء لله ..

اسراء عشقي مصر وفلسطين معجب بهذا

[حسام المصرى]

انا نفسى أموت فى حرب ..
شهيد .. وآخر كلمة أقولها لا إله إلا الله محمد رسول الله .. وأكون مبتسم ..

الطالبة المتميزة ,شهيد ,اسراء عشقي مصر وفلسطين معجبون بهذا

[ملوكة]

والله مرة قمت الصبح وكان عندي برد

يعني ساعتها عنجد حسيت حالي راح اموت وروحي راح تطلع

حتى من خوفي سرت اتشاهد يعني شعور بخوف

بس نفسي اموت برمضان بليلة القدر وانا بدعي // احلى شعوور

حسام المصرى ,اسراء عشقي مصر وفلسطين معجبون بهذا

[ملوكة]

نسيت اشكرك ع الموضوع الروووعة

جزاك الله خيرا حسام =)

[حسام المصرى]

المشاركة الأصلية كتبت بواسطة ملوكة والله مرة قمت الصبح وكان عندي برد

يعني ساعتها عنجد حسيت حالي راح اموت وروحي راح تطلع

حتى من خوفي سرت اتشاهد يعني شعور بخوف

بس نفسي اموت برمضان بليلة القدر وانا بدعي // احلى شعوور

انا كنت بسافر كتير السنين اللى فاتت دى .. فكنت علطول وأنا بركب أى عربية .. متوقع أنها ممكن تعمل حادثة .. ^^

الله يرزقك يارب وفاة فى رمضان ..

المشاركة الأصلية كتبت بواسطة ملوكة نسيت اشكرك ع الموضوع الروووعة

جزاك الله خيرا حسام =)

وإياكِ

ملوكة معجب بهذا

[~ | Mazaj]

بتمنى اموت موتة كريمة ، وعلى شيء يحبه ربنا ،

ولكن مقصررررين ، ومش كل اشي بنتمناه بيصير

ومغريات الدنيا كتيرة وبتلهي الوااحد

الله يرحمنا برحمته دنيا واخرة :(

حسام المصرى معجب بهذا

[حسام المصرى]

المشاركة الأصلية كتبت بواسطة فجر الحياة

بتمنى اموت موتة كريمة ، وعلى شيء يحبه ربنا ،

ولكن مقصررررين ، ومش كل اشي بنتمناه بيصير

ومغريات الدنيا كتيرة وبتلهي الوااحد

الله يرحمنا برحمته دنيا واخرة :(

ربنا يهديكى ويهدينا ..

ويرزقك الخاتمة التى يرتضيها الله

[بنت الأرض]

بتمنى أموت شهيدة بدافع عن أرضي { فلسطين }

شكرا كتير أخي على الوضوع الحلو

اسراء عشقي مصر وفلسطين معجب بهذا