غزة بين التهريب والمقاومة ~

[حسام المصرى]

قضية صراحة محيرة جدا ..


غزة بين التهريب والمقاومة ..


دلوقتى كل يوم تقريبا قوات الأمن بمصر بتكشف ..

صواريخ عابرة للمدن .. وقذائف أى بى ومدافع جيرنوف .. وبنادق أمريكانى ..

كلها جاية من ليبيا

ولما بيحققوا .. مع المتهمين

بيحكوا أن الأسلحة بتيجى من ليبيا .. بيدوها لغزة .. لدعم المقاومة ..

كذلك جريدة المصرى اليوم كانت عاملة تقرير كبير أوى .. راحت فيه معبر رفع واتقابلت مع ناس من أهل رفح كمان راحت العريش ..

كل البدو هناك معاهم سلاح .. ومش أى سلاح للأسف .. دى أسلحة خطيرة جدا ..

وبيحكوا أن جزء من تجارتهم هو ادخال السلاح والغذاء لغزة من خلال الأنفاق وهم لا يرون عيبا فى ذلك ..

المشكلة ..

احنا مش ضد أى سلاح يدخل غزة .. لدعم المقاومة كشعب

لكن أدام العالم .. وترويج السلاح ده جوه البلد بيهدد الأمن القومى ..

سينا كلها مليانة سلاح ..

واظن كلكم تعرفوا حادثة الهجوم على قسم ثان العريش بقذائف الأربى جى والبنادق الآلية ..

غير كمائن الجيش اللى بتضرب ..

ذنبى ايه أنا كمجند حرس حدود واقف على الحدود .. بحمى بلادى ..

وآخد تعليمات

أى عمليات تهريب أتعامل معها فورا بالرصاص ..

ذنبى ايه أتقتل .. يمكن من أبناء قضيتهم هى قضيتى وهدفنا واحد ..

مش بس على فكرة .. سلاح بيتهرب ...

لكن كمان سيارات .. وأيام الثورة آلاف السيارات اتسرقت ودخلت غزة .. كانت قادمة من مصر وليبيا ..

عن جد .. كيف تتعامل الحكومة المصرية مع قضية الأنفاق وتهريب الأسلحة .. أمام الرأى العالمى وبشكل لا يضر الأمن القومى المصرى ..

النظام القادم فى مصر .. معظم المرشحين حكوا أن كامب ديفيد ستظل كما هى أو يتم إجراء تعديلات بسيطة عليها .. يعنى القضية هتفضل هى هى ..

مصر أدام العالم .. مينفعش تسمح لسلاح يدخل لفلسيطن ..

والجانب الإسرائيلى حاليا كل شوية بيخترعله أى عملية أو مبرر مشان يتقدم لسيناء مدعيا أن الجيش المصرى مش عارف يحميها ...

وكتي رعمليات شفناها زى عملية إيلات الأخيرة وزى ضرب صواريخ من شمال سيناء .. على إيلات أظن ..

للناس اللى استعملت المعبر أو الأنفاق ..

الوضع هناك بيبقى عامل ازاى وأمان ولا لأ .. ودور قوات الحدود فى التعامل مع رواد المعبر من الطرفين بيكون منيح وسهل ؟؟

عن جد القضية كتير صعبة