|| شرح كيفية تنزيل الصور على المنتدى و شرح شريط الأدوات ||

[شذى الياسمين]

السـلامـ عليكم ورحمة الله

نظرا لما يعانية الكثيرين

من عدم معرفة كيفية تنزيل الصور على المنتدى


انا حبيت ابادر بهالمشاركة واشرح فيها كل شي ممكن يسأل عنو اى شخص


وان شاء الله كمان راح اشرح وظيفة كل ادارة من ادوات الردود بالموضوع




انتظروني

أختكم شذي الياسمين

[شذى الياسمين]

اول شي راح ابدأ فية هوا شرح كيفية تنزيل الصور من موقع

يعني نحنا عجبتنا صورة بموقع مثلا كيف راح نقدر نضيف هادي الصورة خلال موضوعنا

اول شي بنعملو بنضغط على الزر اليمين للماوس على الصور الى عجبتنا
وبنحط تحديد الكل ثم نسخ



بهادي الطريقة بتكون ضمن انو يظهر كل الرابط بصورة صحيحة واخر شي دايما بكون معانا بالرابط هو امتداد الرابط وبالغالب بتكون من نوع .jpg

نحنا هلأ صار عنا رابط الصورة جاهز

لكن كيف راح نقدرنضيفة عنا بالمنتدى

مم انا حقلكم كييييف هلأ من خلال ردكم في هادي اللوحة بتكون موجوده اكيد



هلأ نحنا بنروح نحط الرابط الى نسخنااااة فى هادي الأداة الموجوده بالسطر التاني
وبنحط الرابط بنعمل الو لصق ثم انتر
وبهيك بتكوون صارت الصورة جاهزة عنا ولو عملنا ارسال الرد حتظر الصورة ويكون كل شي تمام

بتمنى تكون وصلت الفكرة
انتظروني فى باقي الشرح

[شذى الياسمين]

وهلأ راح اشرحلكم كيفيك رفع الصورة من جهاز الكمبيوتر وتنزيلها على المنتدى

اول شي بنعملو بنروح على اى مركز تحميل وليكن


http://www.files.shabab.ps/img-upload/
أو

http://www.rooosana.ps/

وبنروح بنعمل استعراض للصورة من جهازنا
طبعا نحنا بهادي الحالة لازم نكون عارفين اسم الصورة وين مكان وجودها بالجهاز
وبنعمل الها استعراض ومن ثم تحميل وبننتظر حتى يعطينا الرابط متل ما راح تشوفو بالصورة هادي



وطبعا متل ماقلت قبل هيك بنعمل تحديد للكل وثم نسخ

لنفرض انو احنا حملناااا هادا الرابط هيك راح يكون معك الشكل النهائي

http://rooosana.ps/uploads/49db8d93ab.jpg

بامكانك تضيف الرابط كده ضمن موضوعك ونحنا نفتحو
وبامكانك بطريقة اسهل لحتى مايتغلب حدا والكل يشوف الموضوع جاهز متل ما شرحت قبل وراح اشرحها كمان مرة للتأكيد

انو لما تعمل نسخ للرابط السابق مثلا او اي صورة عندك بالجهاز حملتهاا
تروح على الأداة هادى توضع الرابط بداخلهاااا لصق ثم انتر enter
الموجوده فوق ضمن الرد تاعك على اي موضوع



اكيد شايفينهاا موجوده تاني سطر
وبهيك بتكون حصلت علىالصورة جاهزة بالموضوع وكلو تماااام




بتمنى اكون وصلت الكم الفكرة صح

[شذى الياسمين]

وهلأ راح ابدأ معاكم شرح الأدوات الموجوده خلال ردودنا على الموضوع

وراح ابدأ شرح سطر سطر واداة اداة باذن الله

نبدأ بالسطر الأول
اولا :الأداة هادي الأداة مش كتير مهمة ومش كتير بنستعملها وطبعا هادي الأداة مهمتها حذف تنسيق النص يعني نحنا كتبنا نص معين ونسقناة وبعد هيك بندنا نتراج عنو عن طريق هادي الأداة ممكن نشيل كل شي عملناة واكيد فى طرق تانية .

ثانيا : الخطوط والحجم هادول اكيد لتنسيق الكلام والعبارات الى ادخلناها خلال موضوعنا الخطوط هيا لاختيار نوع الخط الى نحنا عاوزينو والحجم لاختيار حجم الخط

ثالثا : هادي الادارة لاختيار لون الخط الى بتحبو تكتبو فية .

رابعا : هادي الاداة لاختيار الابتساماات متل الى موجودين على الجنب ولكن هنا في شغلات كتير زياده

خامسا : هادى الاداة مهمة وبامكانا استخدامها باكتر من طريق وراح اخبركم كل شي اكيد اول شي هادى الاداة هيا اداة ادراج المرفقات ضمن الموضوع يعني برضوا بدل مانغلب حالنا ونحمل من مواقع صورة وشغلانة وحكاية ممكن عن طريقها نختار اى صورةمن جهازنا ونضيفها على الموضوع ولكن دايما بتكون الها مساحة خاصة مش مفتوحة وبنكون مأدين ونحنا عم نشتغل فيها
ولو ضغطتت عليها بطلع الك هادي الشاشة



وطبعا متل ماخبرتكم قبل هيك بنعمل استعراض ورفع عن طريقها
وفى كمان طريقة لرفع الملفات المرفقة وهيا انو خلال ردك على اى موضوع لو نزلت تحت بالموضوع
حتلاقي كلمة ادارة المرفقات متل ماهوا موجود بالصورة





ولو ضغطت عليها اكيد راح تلاقي متل هادي الشاشة




سادسا : الادوات هادول وحده للتراجع عن اخر خطوة انتا عملتها والتانية لالغاء التراجع


يتــــــــــبــــــــع

[شذى الياسمين]

هلأ راح نيجي لشرح السطر التاني باذن الله



اولا: طبعا هادول كل اداة على حدة وكل اداة الها مهمة معينة بس كلهم للنص وتنسيقة يعني اول اداة بتعمل على تعريض الخط
تاني اداة بتجعل الخط مائل ... ثالث اداة تعمل على وضع خط تحت الكلام

ثانيا : كمان هادول الأدوات للتنسيق اول اداة بتجعل الخط موجود جهة اليمين
تانى اداة بتجعل الخط موجود بالمنتصف
ثالث اداة بتجعل الخط موجود جهة اليسار

ثالثا : هادول الأداتين مابنستعملهم كتير الأداة الأولي بتعمل على تقليص المسافة البادئة بها الجملة
اما التانية بتعمل على زيادة المسافة البادئة بها الجملة

رابعا : هادي الاداة الأولى بنضيف فيها رابط موقع معين والتانية بنحذف الرابط

خامسا: هادي الاداة لادراج بريد الكتروني

سادسا : هادي الأداة بندرج عن طريقها رابط صورة معينة من نوع jpg وهيا كتير مهمة بنستعملها بمعظم مواضيعنااا

سابعا : هادي الأداة بتعمل على اقتباس جملة معينة او شي معين من خلال موضوعنا

ثامنا : هادول الثلاث ادوات بنستخدمهم لادراج اكواد وطبعا ما بنستعملهم كتير يعني للضرورة
الاولى تستخدم لادراج كود
الثانية لادراج كود HTML
الثالثة لادراج كود PHP


يــتـــــبـــع

[شذى الياسمين]

هلأ نيجي لشرح السطر الثالث


أولا: هادول الأدوات لتنسيق الموضوع
الأول ادارة المقص تستعمل لقص جزء معين من النص ولكن يجيب تحديدة اولا
الثانية لنسخ جزء من النص وابيضا يجيب تحديدها
الثالثةللصق اي جزء نسخناة سابقا
الرابعة لحذف اي جزء من النص


ثانيا : لمعاينة المشاركة قبل اضافة الرد الاساسي

ثالثا : لاظهار لوحة المفاتيح

رابعا : طبعا كل ادارة استخدامها على حدى
الأولي بتستخدم لحذف تنسيق النص
الثانية لاختيار لون معين للنص
الثالثة لتظليل النص
الرابعة لاضافة خط فاصل


خامسا : لاضافة صفحة انترنت

سادسا : لنقل النص من اليسار الى اليمين
والاداة الثانية لتحويل النص من اليمين الى اليسار


سابعا :

ناتي لاول أداة مهمتها كالتالي

ثاني أداة لاضافة ملف من نوع ريل بلايير

ثالث اداة هى اداة الفلاش لاضافة ملف فلاشي وطبعا هادااا بتكون طريقة اضافة الفلاش كالتالي طبعا بعد ما نكون حملنا الملف الفلاشي وجبنا الرابط تاعو وضغطنا على الاداة
راح تظهر النا هادي الواجهة





طبعا اول شي بنضيف رابط الفلاش وبعدين بنحط انتر بظهر النا كمان شاشة بنكتب فيها الطول وبنظغلط انتر بتظهر النا كمان شاشة بنكتب فيها العرض وبهادي الطريقة بنكوووون ضفنا ملف فلاش على المنتدى


ثامنا : هادى الأداة كتير مهمة طبعا اهمتيتها تكمن من اهمية الموضوع هادا
لاها بتعمل على شرح كل شي وكل اداة من الادواااااااات ولو فى حدا مافهم من كلامى شي ممكن يرجع الها
واكيد حتظهر الو هادي الشاشة

[شذى الياسمين]

نأتى هلأ للسطر الأخير




ناتي لاول اداة : طبعا هادي الأداة بتتعمل النص بصورة اشعاعية كمان تلاحظون

هــــــــــــــنا

ثانيا :
الأداة الأولى تعمل وميض كالتـــــالي
اما الاداة الثانية تعمل بريق

هنــــــا

ثالثا : هادي الأداة بتعمل تنسيق للنص بتعمل الوان متدرجة كــــــالتــــــالي
وطبعا بامكانا نتحكم بالاواااااااان وشو نختار عن طريق هادي الشاشة الى بتظهر النا


رابعا : طبعا هادول الأدوات بعملو على تحريك النص
الأولى تحريك النص الي اليسار
الثانية تحريك النص الى اليمين
الثالثة تحريمة الى اعلى
الرابعة تحريكة الى اسفل


خامسا : نعمل على تنسيق قصيدة شعرية

سادسا : تعمل على انشاء اطار كالتالي طبعا لازم نحدد الكلام الى عاوزين نحطو بداخل الاطار
بعد هيك لازم نضغط على الاداة وراح تظهر النا هادي الصورة



طبعا بنختار نوع الاطار الى احنا عاوزينو وبنضغط ارسال


سابعاا : والاخيرة بتعمل ايضا على تنسيق النص ويجب تظليلة اولا بالتاكيد








وبهيك بكون انتهيت من الشرح بتمنى

اكون وصلت كل شي صح ومااكون قصرت معكم

وشكرا لمتابعتكم ...

والله يوفقكم جميعا

[.:.!دموع الرحيل!.:.]

تجديد للموضوع لكـل من يحتآجـهـ ..

مع الشكر المتواصل .. ~

للأخـت / شذى اليآسميـن