شباب فلسطين

مجهول · 06-01-2006, 10:57 PM

www.dam3rap.com/mp3/DAM_men_erhabe.mp3

مين ارهابي ؟! انا ارهابي ؟!
كيف ارهابي وانا عايش في بلادي؟!!
مين ارهابي ؟! انت ارهابي!
ماكلني وانا عايش في بلادي!!!!

قاتلني زي ما قتلت جدادي
تجه للقانون ?! عالفاضي مانت يا عدو
بتلعب دور الشاهد المحامي والقاضي
علي قاضي بنهايتي بادي
حلمك نقل فوق ماحنا اقلية
حلمك الأقلية تصير في المقابر اكترية
ديموقراطية ؟! والله انكم نازية
من كتر ماغتصبتوا النفس العربية
حبلت , ولدت ولد اسمو عملية انفجارية
وهين ناديتنا ارهابية
يعني ضربتني وبكيت , سبقتني واشتكيت
لما ذكرتك انك بديت ,نطيت وحكيت
"مانتوا بتخلوا ولاد صغار يرمو حجار ,ملهمش اهل
يضبوهم في الدار؟!" ايش؟؟
كنو نسيت انو سلاحك ضب الأهل تحت الحجار؟!
وهلأ لما وجعي ثار بتناديني ارهابي؟!!

مين ارهابي ؟انا ارهابي ؟!
كيف ارهابي وانا عايش في بلادي؟!
مين ارهابي ؟! انت ارهابي !
ماكلني وانا عايش في بلادي!!
ليش ارهابي ؟! علشان دمي مش هادي , حامي ؟!
علشان رافع راسي وارض بلادي
قتلوا حبايبي , انا لحالي
اهلي تشردوا , راح اضلني انادي
انا مش ضد السلام , السلام ضدي
علي بدو يقضي ,تراثي بدو يمحي
واللي بحكي كلمة بشد ورى همة
بكون زلمة!!بتعملوا منو رمة!
ومين انتو؟!لسا ايمتا كبرتو؟!
اتطلعو اديش اتلتو واديش يتمتو
امياتنا ببكو , ابياتنا بشكو
اراضينا بختفو انا بألكم مين انتو
انت كبرت بدلع احنا كبرنا بفقر
مين كبر في وسع؟! ومين كبر في جحر؟!
صار فدائي , عملتو منو اجرامي
وانت يا ارهابي بتناديني ارهابي

مين ارهابي ؟ انا ارهابي؟!
كيف ارهابي وانا عايش في بلادي؟!
مين ارهابي ؟ انت ارهابي !
ماكلني وانا عايش في بلادي!!

ايمتا ببطل ارهابي ؟! (اه)
لمل تضربني كف واعطيك خدي التاني؟
كيف تتوقع مني اشكر الي اذاني؟
تعرف ايش؟! انت اولي كيف بدك اياني!!!!!
راكع على ركبي وادي مربطات؟!
عيون في الأرض وجثث مزتتات ؟
بيوت مهدومة عائلات مشردات؟
اطفال يتيمة ,حرية كلبشات ؟!
انت اامر , انت ااتل احنا بنأبر
ما علينا بنصبر وجعنا بنستر.
اهم اشي انك تحس بامان
اتريح وسيبلنا الآلام مهو دمنا
دم كلاب , حتى لأ - لما الكلب يموت , في الرفق بالحيوان
يعني دمنا ارخص من دم لكلاب؟!!!!
لأ! دمي غالي وراح ادافع عن حالي
لو تناديني ارهابييييي..

مين ارهابي.......
انت ارهابي ....

........ بدنا ردودكم يا شباب

محمود · 06-01-2006, 11:01 PM

حلوة اخي ..

مين ارهابي كيف ارهابي وانا عايش ببلادي

كلمات حلوة

-|| تقى ||- · 06-01-2006, 11:05 PM

الكلمات حلوة بس الراب مش لابئ للعربي كتير مزعج::سوري عصراحتي::
الاستاذ تورنيدو جننا فيها

مجهول · 06-01-2006, 11:11 PM

هههههههههههههه لا مش مشكلة
مشكورين كتير على المرور
بعدين اسف هلكيت انتبهت انو الموضوع مكرر

نسرينا الفلسطينيه · 06-02-2006, 12:41 AM

روووووووووعه والله

يسلموو مجهول

مجهول · 06-02-2006, 01:10 AM

هلا نسرينا
من زمان ما شفناكي.....
تسلمي كتير على المرور

anos · 06-02-2006, 09:24 AM

والله انا سبق وطرحتهااااا فيديو بس ما حدا رد

من هون

ويسلمووووووو أخي

مجهول · 06-02-2006, 04:57 PM

مشكور جججدا انوس

عاشق الحور · 06-18-2006, 04:22 PM

اخ مجهول قيد التحميل

مشكوووور

نهر الدموع · 06-20-2006, 07:35 PM

الغنيه رووووووووووووووووووووووعه وبتعقد كمان وكلماتها عسل ويا ريت تيجي عالتي في بس ممنوع اكيد ما علينا المهم انها حلوه وعجبتني كتييييييييييييييييييييييير مرسي خيي المجهول على هيك موضع تحفه

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء