رأيكم يهمنى .. ~

[حسام المصرى]

أنا هحكى فى الموضوع بكل صراحة بس بدون تفاصيل كتير ..

المهم ..

من فترة كبيرة أوى .. كنت معجب بفتاة وهى كمان معجبة بيا لأننا شبه متربيين مع بعض .. عارفها كويسة وعارف أخلاقها كويس جدا وعيلتنا عارفة عيلتهم ..

المهم .. أنا وعدتها بالزواج لما كنت بعمر 15 أو 16 .. على ما أظن ...

ولما جيت حكيت لأهلى .. أمى رفضت .. وكمان حكت لأبى ورفض .. بسبب مشاكل بين العيلتين ..

المهم .. كمان امى بما انى برتاح فى الكلام معاها .. حكتلى البنت كويسة وكل شئ بس فيه مشاكل معينة كده .. وبلاش ..

أنا طبعا قلتلها أنا مش صغير ومن حقى أختار وكده .. بس لمست فى أمى اقتناعها بأنه بلاش ومن بقية أفراد الأسرة .. وصراحة لفتت نظر عن الموضوع ده ..

طبعا البنت زعلت جدا وأنا فى نظرها دور الندل أو اللى معندوش شخصية .. مش قصتنا ..

المهم أنا معجب حاليا ببنت جارتنا .. هى كتير صفاتها كويسة ومناسبة ليا من حيث السن وكل شئ ..

بس مش عارف مش متخيلها مراتى ليه وحاسس أنه ممكن ميكونشى فيه توافق بيننا فى جوانب كتير ..
هى عمرها حاليا 16 سنة .. يمكن عشان صغيرة شوية أنا حاسس بده ..

المهم البنت عجبة أمى جدا .. وصراحة هى متتعيبش بس أنا مش قادر أحس الاحساس اللى كنت بحسه نحو الأخرى .. تجاه جارتنا ..

بس أنا وصلت أنه من جوايا مش عايز التانية بسبب إقناع أمى وأفراد اسرتى لى ..

لكن لما اتقدملها عريس كنت حاسس أنى مضايق جدا ومخنوق ...

المهم أنا حاسس أن موضوع الزواج بقى صعب .. ومش عارف اختار أى حد وعلى أى أساس ..

وصراحة الزواج التقليدى لو اتنين ميعرفوش بعض خالص .. بالنسبالى صعب جدا ..

رأيكم ؟؟