~ليه بدو يتزوجها هههه~

[القلب النابض]

~ليه بدو يتزوجها هههه~

احم احم احم

السلام عليكم ورحمة الله وبركاااااته

كيفكم احلى صبايا وشباب ؟:

بعرررف انكم اشتقتوووولي (شغلة مفروغ منها:)<<< عاشت الواسئة :
وانا كمان اشتقتلكم (جبر الخواطر ع الله ::)



هلأ خليني احكيلكم هالقصة يلي شفتها مرة وانا بأتثقف ع الجزيرة الوثائقية (مسكفة الاخت)


قصة عنجد خلتني افتح عيني وما أرجع اسكرهم :
عملتلي صدمة عاطفية كبيررة



الموهيييم ما بدي اطول عليكم

قال يا حضرات السادة والسيدات
الحلقة كانت بتحكي عن اختطاااف العروسات
(صبايا كل وحدة تدير بالها ع حالها... بالزات يلي بيعرفو يحلبو البقرات


المهم
في بلد ابصر شو اسمو في شمال شرق اسيا في الارياف تقريبا


عندهم الشب لما بدو يتجوز قال بيقوم هوي واهلو بينشنو ع بنت معينة
وهوي وشباب العيلة بيتفقو ع خطة معينة ليخطفوها للبنت ليتجوزها
مسكينة البنت بتنخطف فجأة
وبتلاقي حالها وسط نسوااان وحياة الله بيموتو من الرعبة

كتير شفقت ع البنت يلي كانت في البرنامج

بيخلوها غصبن عنها تحط متل شال ع راسها(وزلك يعني قبولها الزواج من الشاب رسميا )
ازا ماقبلت البنت بيضلهم يحاولو يحاولو و يحاولو :
والله حشروها في الزاوية مسكينة
بس ازا كانت قوية كفاية وتمسكت برأيها ممكن يتركوها :
وهاي الشغلة بتعتبر عندهم قانونية
يعني مش رح ينحبسو ولا يتحاسبو الخاطفين متخيلين)



ماعلينا
نجي للمهم


هلأ المزيعة عم تسأل ام الشب وبتقلها
انو ع اي اساس انتي اخترتيها لهالبنت ؟

قالتلهاالام : انا ما بيهمني
انا يلي بيهمني انها تساعدني في حلب البقرات

قلت بنفسي يؤ؟؟؟؟
هيي حصلت يا سعدية ؟


طيب

اجت المزيعة سألت ولد زغير بالحارة بيلعب
انو شو رايك بالبنت؟
حكالها وهوي رح يموت من الانبساط حتحلبلنا البقرات


طيب حنمرقها


وكل ما تسال حدا
يجاوبها نفس الاجابة مع ابتسامة عريضة



المووووووهيييييييم هلأ
اجت تسأل الشب يلي بدو يتجوزها

لما سألتو
بيني وبينكم
انا قلبي انفتح للشب وانبسطتت منو
ابتسم وحط راسو بالارض ووجهو صار احمر واخضر واصفر
طبعا انا قلت الولد وااقع لشوشته
وبيحبها المنيل

وسكرت عيني هديك التسكيرة تبعيت انو الله انا مبسوطة واخيرا


وجاوبها بكـــــــــــل خجل
ورااسو ع الارض


ايـــوا
احكيييها
احكييي انك بتحبها وريح باااالي



قولكم شو قال ؟؟؟؟؟؟؟؟؟

اهــــــــا
قااااااالها

( بدي ياها تحلبلي البقرات )

المزيعة تحاول معو
تطلع وتنزل
طب يعني ما بتحبها
ما عجبتك

وهوي مصر ع رأيو هالمقوس


طبعا انا مش رح احكيلكم عن الصدمة النفسية والعاطفية يلي مرقت فيها في تلك اللحظات
انو انا بتزكر اني فنقرت عيني وتمي وماعدت سكرتهم




بالله شو رأيـــــكم بهييك عالم ؟
وبحياة الله تألمتــــــو لحال الفتاة كما حصل معي ام لااا ؟

واسلامو عليييكو

[RaNa <3]

هههههههههههههههههههههه

يمـا الحـقيني رح أفـرط :d

بس عـمومـا وبالإختـصار المفيـد ومن غير لـت وعجـن ( إذا حـابين تضيفـو أي اشي مـأ عنـدي أي مـانع :) )

هـدول نـاس متخـللفة عقـليا والله يعيـنا قـال تحلب بقـرة يا خستي إيـش أعمـل بحيـاتي هـاي ..


ههههههههههههه
يسـلمـو أروج :)

( ولك واللهـ إلك وحشـة )

[القلب النابض]

يختي سمالله عليكي


كلو ولا تفرطي كيف بدي جمعك

وتنحط خطيتك برقبتي لا يما


منورة يا روحي ^^ اكييد ولووو

[Dr.Arojah]

هههههههههههههههههه

يعني البقره اهم اشي بالبلده ..!!

هههههههههه

رهيبين عنجد

تووووحف هالناس هدول


بقرة ؟؟!!

اخر هالزمن يخطفو منشان بقرة ؟؟؟


الله يعين العروس بس

..

هههههههههه بجد توووحف ^^



يسعد عينك يا عسل


عوافي ||~

[القلب النابض]

منورة يما يا اريج 2

[Dr.Arojah]

نورك يما ^^

[PaLeSt!Ne SouL]

ع هيك اريج لازم تتعلمي كيف تحلبي البقر

بلكي حد رضي فيكي هههه

بمزح ست البنات رورو


الله يسعدك يا عسل

[غيورة على وطنها]

الصراحة انا سمعت انو القلب النابض من هي القرية
ههههههههههههههههههههههههههههههههههه هه
و هي كتبت الموضوع دا عشان هي مقهورة الظاهر اجا دورها و لسا ما تعلمت تحلب بقرة
ههههههههههههههههههههههههههههههههههه ههه

بس انا عم اتعاطف معك و مع البنات دول

الله يكون بعونكم

و الله عن جد اتقطع قلبي

البقرة احسن منكم

هههههههههههههههههههههههه

عيش تشوف و تسمع

[PaLeSt!Ne SouL]

ههههه

عجبني ردك غيوورة :)

[القلب النابض]

وحيات الله انتي وياها يماااا


يعني هو انا فاشلة بشغل البيت


ومستحيل اقرب من البقرة لو اخر يوم بعمري لو بديش اتزوج طول عمري

ولى غيورة روحي تعلمي انتي يا ام لسان

لوزة بديش اتعلم خليني عن اهلي اللي عند اهلو على مهلو

منورات يا طحشات ^^