~ التبرع بالاعضاء~ ياريت الجميييع يكون هووون :(

[القلب النابض]

~ التبرع بالاعضاء~

مرحبا صبايا وشباب
كيف الهمة اليوووم ؟؟؟؟
ان شاء الله كلكم مبسووطين ؟؟؟


رح احكي بموضووع وانا بكامل قواي العقلية ما تحكو انجنت ولا شي وبحكي بجدية تامة

يللا هلأ بعد ما سلمنا عليكم وتطمنا عن احوااالكم خلينا نبلش بالموضوع :good_good:

اليوم انا جايبتلكم موضوع جاد جدا ومهم كتير
يعني ع الاقل بالنسبة الي
واللي هوي موضوع التبرع بالاعضاء
مو انتو :grotelol: انا بقصد
انا بقصد التبرع بالاعضاء البشرية

بعرف هلأ كتير منكم ممكن رح يحكي مالها هاي

لانو هادا الموضوع كل ما افتحو مع حدا بينظر الي ع اني وحدة غريبة
انا بصراحة كتير نفسي يعني لو اجا يومي اللي اكيد رح بيجي .. طال الزمن او قصر انو اتبرع بأعضائي
يعني انا برأيي انو أعضائي شو بدي أعمل فيهم لما بدي موت؟؟
يعني اخدهم معي بالقبر؟؟؟؟؟وبعدين ؟؟؟؟
في حين انو ناس كتير رح تستفيد منهم ازا تبرعت فيهم
لانو عنجد انا اكتشفت انو كمية كبيرة من الناس بتحتاج لعضو من الاعضاء .. لتعيش .. او تقدر تكمل حياتها بشكل طبيعي

يعني تخيلو لو تبرعت بكليتي لحدا
رح بأنهي عزاب شخص عانى ممع الغسيل الكلوي
قلبي اخدو مريض بالقلب
رح برجعلو حياتو والسعادة يلي راحت مع المرض
او عيني مثلا
يعني رح برجع احلى نعمة بهالدنيي لانسان فقد البصر

وترسم بسمه على شفاه ناس تانيه
لانو ممكن يكون هادا الشخص ممهم بعيلتو يعني متل الام او الاب



بس المشكلة انو انا لما بحكي لاهلي او اي حدا عن الموضوع
بيعصبو وبتكون ردة فعلهم كتير سلبية ..وبتدايق منها انا

يعني بتزكر قلت مرة لحدا بعرفو انو انا بدي اتبرع بأعضائي
انو عنجد انو الزلمة كان حيقوم يضربني
قعد يحكيلي مالك يا بنتي؟؟؟؟؟
شو صاير معك ؟
حدا مزعلك ؟؟؟ صايرلك شي اليوم ؟؟
وكأنني لا سمح الله كفرت

و مااما بتعصب
وبتحكيلي مالك يامااما ؟؟
تعبانة شي؟؟؟؟
سلامة عقلك حبيبتي .. وما تفكري بهيك مواضيع

يعني كأني بحكي حكي غبي أو تافه

بس انا لما بحكيلهم هالحكي بكون عنجد انا بحكي
وبيكون معنى هالحكي انو انا ازا صار شي لا سمح الله بدي اتبرع فيهم
بس شكلهم ما رح يعملولي يلي بدي ياه .. مع انو هاي رغبتي

المهم من هاالموضوع

اني سألت دكتورة عن الموضوع وعن ازا كان حلال او حرام وقالتلي انو يعني والله هاي شغلة منيحة
وحكت انو يعني هاي شغلة انسانية وانو الله في كتابو الكريم قال بما معناه
انو اللي بيحيي نفس وحدة .. بيكون متل اللي احيا النااس جميعا
وحكتلي بس انو المشكلة انو الاهل ما بيرضو بحكم العادات والتقاليد ..لانو الاهالي ما بيقبلو انو يفوتو اولادهم او موتاهم ع المشرحات .. وهيك شغلات

وانا بحكي انو أي عادات وتقاليد هاي يلي بتمنع انو احنا نعمل هيك خدمة انسانية ؟
وليه احنا بنلتزم بعادات وتقاليد احنا بنعرف انها غلط مية في المية ؟؟؟

فأنا هلأ بدي أسألكم عن رأيكم في الموضوع ؟؟؟؟
هلأ انا معي حق وللا غلطانة ؟؟؟
وهل انتو عندكم استعداد تتبرعو بأعضاءكم ازا لا سمح الله صار شي ؟؟
وازا بتعرفو اي انسان كان محتاج لعضو من الاعضاء .. وبفضل الله اجا له متبرع وانقز حياتو .. ياريت تحكولي قصتو

وسووووري كتير ازا كان الموضوع حساس شوي بالنسبة للبعض
بس والله انا هالموضوع كتير مأرقني
وكتير بفكر فيه

س
ل
ا
م
ي